انا بدلت حوايجي وراح نرقد قدقد صونا تلفوني هزيت لقيتها وحدة من لي تقرا معايا وزيد صحبتي انا فيفي ومعانا في الاقامة قاتلي وين راكي انتي وين ساح ماك لا انتي لا فيفي حسكم مكانش قتلها انا راني في الدار عندي ضروف مقدرتش نجي قاتلي وفيفي شبيها مش تجي من لي راحت للدار مرجعتش مش موالفة طول هكدا وزيد نعيطلها متهزش قتلها معلاباليش منيش نكونتكتي فيها انا راني قتلك عندي ضروف قاتلي صحا راني عيطتلك باه نقولك بلي رانا بدينا الامتحانات وغدوة لازم تجي راكي علابالك الموديل تاع غدوة ادا ماجيتيش راح يحطوك مقصية قتلها والله منعرف ادا تقدر نجي . قاتلي المهم انا راني قتلك باه ديري حسابك . قتلها مرسي حببتي يعطيك الصحة . كوبيت وليت لبست بنتوفتي وهبطت لتحت نحوس على اصيل لازم غدوة نروح نفوت الامتحان منيش حابة نتقصى . لقيتوا قاعد مع يماه في الكوزينة منعرف وش قاعد يهدر هو وياها ويشرب في قهوة ، دخلت سكتوا ، تبسمت معايا يماه وقاتلي اهلا جوليا كشما حتجتي . تبسمت معاها قتلها لا برك كنت نحوس على اصيل باه يديني غدوة للجامعة ، نطق هو قالي علاه رايحة يخي المرة لي فاتت قتلك مكانش اقامة دوك نرجعلك دوسيك هنا قتلوا عندي امتحان غدوة لازم نروح رايح يحطوني مقصية ادا ما روحتش . قالي على قداه الامتحان هدا . قتلوا على العشرة قالي خلاص غدوة نديك ونجيبك باه تقوليلي نبقا في الاقامة غير مكان لاه . قتلوا علابالي .قالي سيبو مالا على الثمنية نلقاك واجدة .قاتلي يماه اقعدي جوليا نسربيلك حليب تشربي ، قعدت وهيا وقفت تسربيلي في الحليب ،
