بارت 38
وصلت لشمبرتي رقدت ديراكت نضت الصباح على 9:30 تفكرت كي قالي على العشرة نلقاك واجدة نضت ليه ليه فات لدوش وجدت روحي لبست حوايجي شعري خليتو كيما راه كيرلي غير لميتو كودشوفال وهبطت لقيتهم قاعدين في الصالة صبحت على خوالي . وقعدت بصح واحد ما جبد على وش صرى لبارح شوي ولقيتو دخل قال صباح الخير رجعولوا كامل من تلفت شاف معايا قالي راكي واجدة . درتلوا برأسي ايه قالي هيا مالا . نطقت اسمهان قاتلوا وين رايحين اصيل . قالها خارجين برك علاه .قاتلوا مالا وصلوني في طريقكم للجامعة . قالها هيا ازربي مالا . راحت جابت صاكها وخرجت لقيتها قعدت لقدام وليت ركبت لور وديمارينا قاتلوا ادا رايحين تحوسوا نروح معاكم معنديش قراية بزاف ليوم قالها لا رانا رايحين لرونديفو . قاتلوا تعواه هدا الرونديفو. شفت كيفاه شنف شغل معجبوش الحال كي بقات تسقسي فيه قالها عندها وروق لازم نريقلهملها. قاتلوا اه اوكي مالا وصلوني الجامعة . بقات طريق كامل وهيا تحكي معاه وانا غير ساكتة هو مرة يرجعلها مرات يقولها غير ايه لا المهم يليكيداها . حتى وصلت هبطت . شاف معايا قالي ارواحي قدامي . تبسمت وهبطت ركبت قدامو عدلت سنتورة قتلوا وبما وروق راح تريقلهملي . قالي ما كاين حتى وروق . قتلوا مالا وين رانا رايحين .قالي راح نديك تتعرفي على حبيبتي . صدمة كبيرة شكون لي قالوا بلي راني حابة نتعرف على حبيبتو . شاف معايا قالي معجبكش كي راني راح نعرفك على حبيبتي . درتلوا براسي لا قتلوا والوا غير حرت برك مدابيا نتعرف عليها . تبسم قالي مليح مالا راهي تستنا فينا
