خوف سيطر عليا وانا نشوف في زوج عباد طايحين في الارض غارقين في دمهم لولة صحبتي وثاني هداك لي ضربتو وحصلت فيه وقفت من بلاصتي اول حاجة خممت فيها انو نهرب وهما الله يسهل عليهم المهم انا ننفد بلجلدي خير من نباصي على حاجة متخصنيش أصلا الراجل وقيلا قتلتو على حساب الدم لي راه ينزف فيه باين مات . خرجت برة واحد ما يتسعى شارع خالي أصلا البلاصة جاية في الخلى لازم طونوبيل باه توصليلها . قلت الحمد الله واحد ما شافني خرجت نمشي ونتلفت ورايا لا يشوفني كاش واحد ، مشيت واحد العشرة دقائق بدا ضميري يأنبني كيفاش نخلي زوج عباد مضروبين ونروح . وقفت بقيت نخمم من بعد قررت نرجع خلي لي يصرا يصرا منقدرش نخليهم سيرتو فيفي . هزيت التلفون في يدي نعيط لمسلم هو لي يخرجني من لحكاية بلا ما نتأذى علابالي يدير المستحيل علاجالي وزيد هو بوليسي يقدر يلقالي حل . غير عيطتلوا من لمرة لولة هز عليا . قالي اهلا جوليا كي صرا وتفكرتي وعيطيلي زعما انا كنت راح نعيطلك بعد . قتلوا مسلم خويا راني في مصيبة . قالي علاه وصرا وش درتي . عرفها ديراكت بلي درت حاجة قتلوا ارواحلي ازرب راني حاصلة وحدي . قالي وش كاين جوليا احكي راكي قلقتيني عليك وش بيك . بديت نحكيلو في الحكاية غير رؤس أفلام برك المهم فهمت بلي ضربت واحد وصحبتي ثاني مضروبة وانا منعرفش لبلاصة ومعلاباليش كيفاش ندير . اول مرة مسلم يطيحلي الهدرة بالسبان والكفيرات تاع الصح جهل عليا قالي انتي وش دا ### معاها&&&نحكم ياجولبا تقيم بالله غير نجيفك . بكيت قتلوا مسلم تعيش غير ارواحلي برك من بعد دير فيا وش تحب ربي يعيشك راني خايفة وديجا الحالة بدات تضلام وزيد وقيلا الراجل مات . قالي وين نجيك انا ما نوصل عندك غير تفوت ثلاث سوايع دوك نعيط لأصيل وهو يجيك راه يخدم راه يخدم في الحدود نص ساعة يكون عندك . قتلوا لا تعيش متقولوش . قالي انتي $$$&زعما تخافي منو وش داك ديري ديڨا قد راسك من بعد تقولي متقولوش . كوبا عليا قعدت برة قدام الباب تاع الدار محبيتش نرجع ندخل خفت يفيق كشما يدير فيا كاش فارطة . وحد خمس دقائق لقيت دخلتني البال تاع اصيل . لبني العرق ليوم يقتلني متجرأتش حتى نهز نشوف مع التلفون وفرات . عاود عيط هزيت طاح عليا غير ربي وربك . استغفر الله يا ربي ربي هبطو بالكفير قالي انتي كلبة وحصلنا في &&& غير حنا راكي طيحي في يدي ديجا راني جايك اصبري برك كوبا . مسقسينيش حتى على البلاصة لي راني فاها كيفاش حتى عرفها الله اعلم . سمعت صوت واحد يتوجع طلبت على الباب تاع الدار بلعقل لقيتو الراجل بدا يفيق ويتحرك فرحت على الأقل ماماتش ولا كشما صرالو بصح فيفي بقات كيما خليتها ما فاقت ما تحركت . شوي ونشوف في الطونوبيل تاعو جاية من البعيد ويا دلالي قلبي عاد يشطح بلا محارم بصح مهما يدير فيا والله راني قابلة غير يخرجني من هادي المصيبة لي راني فيها لابغى يعيطني طريحة بالصوط . وصل قدام الدار ڨارا وهبط جا ديراكت عندي عاض على لسانو قالي وش درتي وش درتي يا &&& متقعديش دقاقة بلا تكسار الراس ولا مشاكل انتي حصلنا في &&& نهار نقتل ر$$ ونتهنى . انا غير قافلة فمي وساكتة . قالي وين راهم قتلوا لداخل . دخل شافهم جبد تلفونو راح يعيط لأمبيلونس . قتلوا حبس متعيطلهمش كون يفيق يشكي بيا . قالي حتى لوكان مشكاش بيك انا نقولو يشكي مصيبة تاع $$$ . سكتت جبتها غير بكا وساكتة عشر دقائق وجات لأمبيلونس .قالي تمشي اركبي في طونوبيل متنزليش حتى نجي . رحت نجري ركبت هو بقا معاهم حتا هزتهم لأمبيلونس وجا ركب ونفض روحو في الطونوبيل . قالي انتي مصيبة انتي دعوة شر وطاحت عليا انا حصلت في $$$ . نطقت قتلوا منيش مصيبة ديجا مقتلكش ارواح حللي مشاكلي انا عيطت لمسلم وانت لي جيت وحدك . ناض يعيط يا رب وتزيدي تشركي في فمك مدايرة مصيبة قد راسك مش نضرب قسامك نلصقك في الكارو ونضرب عزرين بدبزة نريبلك فمك . بكيت قتلوا انت أصلا من بكري حاب تضربني تحڨرو فيا . قالي يادين رب بفعايلك هادو كامل ونحڨرو فيك قتلوا انت أصلا تكرهني راك غير تحوس على سبة باه تسبني وتضربني .شاف معايا قالي انا نكرهك وحاب نضربك . درتلوا براسي ايه . مليح على لحيتو وضحك . قالي ايه نكرهك ويجي نهار نضربك ضرب واحد ما جربو غير انتي اشفاي على هدا نهار مليح .سكتت بقيت نشوف برة من التاقة ودموعي يسيلو وحدهم تفكرت هداك كي كان يضرب فيفي غاضتني وزيد خايفة لا يشكي بيا . قالي علاه راكي تبكي . قتلوا والوا . قالي حطي يدك في الجيب تاع الفيستا . قتلوا علاه قالي حطي برك مش راح تقرصك عقرب . حطيتها يدي في جيبو وانا نشوف معاه توسوست منو قالي وش لقيتو حكمت حاجة في صاشي جبدتها لقيتها حلوة تاع الحلقوم حمرة غير شفتها ضحكت . عاد يعجبني الجاست تاعو تاع الحلوى حسيت فراشات في كرشي سبحان الله حتا الخوف راح شافني ضحكت تبسملي ..وليت مسحت دموعي وفتحتها كليتها سمعت تلفوني يصوني لقيتو مسلم هزيت عليه قالي وش صرا ياك جاك اصيل علاه معيطيليش طمنتيني . قتلوا ايه راه جا بصح قالي نقول الراجل يشكي بيك . ضحك قالي ما يديرهاش يخوف فيك برك . وليت سكتت قالي وشبيك سكتتي . قتلوا والوا زعفانة برك .قالي علاه قتلوا نسيت روحك قبيل وش كنت تقولي .قالي صحا انتي لي غالطة وزيد انتي لي زعفتي ، معليش اسمحيلي مي حتى انتي تخرج العبد من جلدو . قتلوا صاي سامحتك . قالي ارواحي للدار ما بقات لا اقامة لا سيدي زكري . قتلوا صحا هيا باي . كوبيت عليه شفت لقيتو يشوف معايا بخزرة عيانا ومشنف وشبيه حدو هدا ثاني مرة يتبسم مرة مشنف
