فتحت عينيا وانا نحاول نستوعب وين راني شوي بشوي بديت نتفكر يا ربي وين راني بلاصة جامي شفتها تبان دار أرضي قديمة ريحة خانزة تفوح منها وين راني جيت نتحرك لقيت روحي مربوطة يديا ورجليا مرمية في الارض على الكارلاج ، مخي مش قادر يستوعب حالتي وش لي وصلني هنا شكون لي جابني ياربي ونكون نحلم يا ربي ، راسي يوجع في وجاع مش نورمال رقبتي كيف كيف جيت راح نتقعد مقدرتش من عادوا يديا مربوطين لورة . نضت نعيط على طول صوتي شكون لي جابني هنا ارواحوا افتحولي يديا . دموعي يطيحو ستة سبعة خوف ورعب اول مرة نعيشوا انك تحسي روحك مخطوفة وقادر يديرولك اي حاجة رعب . بقيت نعيط نتخبط وحدي في الارض مقدرتش نوض قتلني البرد في جنابي يديا وجعوني مزيرين بزاف الخيط حسيتو راح يقطعلي يديا وعروقي تقلبت على الجيهة الثانية على وجهي شفت التاقة مقابلني زرع اخضر على قد ما تمدي عينك ، من الشمس تبان وصل وقت المغرب بيسك بدات تغرب . صوتي راح من البكا والرغا مكان حتى واحد ياربي سلكني ياربي والله نتوب بقيت غير ننذر المهم ربي يسلكني من هاد الموقف لي راني فيه . سمعت صوت الباب تاع حديد تفتح قلبي طاح بين رجليا نضت نعيط ارواحوا افتحولي شكون لي جابني هنا . نسمع في صوت خطوات البولة جاتني قريب راح نديرها في روحي شفت صباطو وقف بحدا راسي طلعت عينيا هو والله هو عليلو . نضت نعيط عليلو افتحلي شكون لي جابني هنا افتحلي تعيش . طبس عندي حكمني من شعري قالي انا لي جبتك هنا . قتلو علاه جبتني علاه راك رابطني افتحلي تعيش ربي يخليك افتحلي خليني نروح ونمدلك لي بغيت ولاد خالي يكونوا يحوسوا عليا راك راح تباصي روحك باطل هما بوليس دقائق ويلقاوني خليني نروح و مانقولش بلي انت لي خطفتني افتحلي برك تعيش . ضحك قالي ولاد خالك مالا ، انا نقولك البلاصة هادي الجن وما يلقاكش غير كوني متهنية واحد ما راح يلقاك لولاد خالك لا ولاد عمك . حرام عليك وش درتلك انا ترضاها اختك ربي يشدلك في يماك اطلقني . كان حاكمني من شعري خبطلي راسي في الارض عيطت على قوة جهدي ، ديجا كنت مريضة من راسي مزلت ما رتحت زادت هاد الضربة صيبو دخت ديراكت. عاودت فطنت على الما في وجهي وهو في وجهي قالي مزال عليك الحال باه دوخي مزلتي تخلصي كلش بالدوبل غادي تندمي على كل دقيقة ستغليتيني فيها ياك قتلك انا بزاف ناس ملاح بصح لي يخرب فيا يندم وانتي خربتي فيا وخليتي لي يسوا ولي ما يسواش يضحك عليا خليتيني فرجة للناس ،انتي راح تندمي ، راح تجي عندي راكعة شفتوا هبط يدو لفخدي . كنت لابس جيب من راني مطيشة في الارض وتحركت بزاف طلعت قريب نص فخادي تعريت كامل بقا يمس ويكرازي فيهم الدم نشف في عروقي وليت نحاول فيهم بربي لي خلقني دموعي منشفوش . ربي يخليك علي ربي يسترك والله غير نقبل بيك غير اطلقني والله نخرج من هنا نتزوجوا كيما حبيت ونطللب منك السماح قدام الناس كامل والله نعيش خدامة عندك رجليك غير اطلقني حرام عليك . تلاح عليا كي مجنون يبوس في كل بلاصة من وجهي لرقبتي موقف صعيبة مستحيل نقدر نوصفوا عدويا لي قتلي والديا ومنتمناهالوش
