غير ستوعبت وش ممكن يصرا فيا ادا عمل الشي لي في راسوا تهسرت عمري خرجت من لبكا ولعياط حسيت روحي راح تخرج مني احبالي الصوتية راح يتقطعوا من لعياط سيرتو من تلاح راح ينحيلي التريكو عضيتو على على دراعو حتى حسيت بطعم الدم في فمي بعد عليا حاكم دراعو يضحك حسيت روحي مع مهبول مش نورمال في عقلو مسح على جبهتو من العرق قالي مش راح تفلتي مني مش ليوم غدوة مش غدوة غير غدوة راح تبقاي عندي هنا عمرك كامل غادي نخليك بلا عقل كل يوم تستناي وقتاه راح نديرها . هز روحوا وخرج وانا نرجف بكلي من الخلعة والخوف منيش شافية حتى كيفاش فلتت منو وخلاني بلا ما يدير وش كان حاب وليت نعيط عليهم بالواحد اصيل ومسلم وسيم ومروان خالي علاه خلاوني حتى لدوك وانا هنا علاه ماجاوش باه يسلكوني منو ولا سمحوا فيا . سمعتوا عاود رجع يمشي شاف معايا مزال يضحك قالي علابالك شحال راه عاجبني حالك هكدا ، هادي هيا بلاصتك جوليا في الارض ، فكريني وش كنتي تقوليلي انا جوليا الزين ولاطاي و القراية نشوف معاك انت ههههه شوفي حالتك دوك كيفاش كي الكلاب مرمية في الارض تبكي وتتترجاي فيا باه نطلقك . مقدرتش حتى نهدر ونرجعلوا الخلعة عڨنتني طبس حكم ذراعي يشوف فيها جيت راح نتحرك قالي اركحي ولا نكمل وش كنت راح ندير قبيل خليني مكالمي بيبي متقباحيش . جبد من جيبو إبرة شاف فيا وضحك قالي علابالك وشنو هادي طبس لوذني وقالي دروق .تهسرت عرفتوا وش راح يديرلي قتلا اطلقني اطلقني مهبول بسيكوبات انت اطلقني وش راك حاب مني علاه راك ديرلي هكدا . قالي أشش بيبي راح تعجبك والله صدقيني طيري وتنساي كلش . حكملي دراعي بقا يحوس على العرق وانا نتحرك راح نفرفر بصح ما قدرت ندير والوا قدامو ضربلي الابرة ووقف قالي بصحتك . خرج وخلاني شوي بديت نحس في النار تحرق في جسمي بعدها ماصحيتش غير على الشمس تاع نهار جديد فتحت عينيا قابلني قاعد فوق كرسي يشوف معايا قتلوا تعييش اطلقني اطلقني و نديرلك لبغيت. قالي انا هدا وش بغيت غير نشوفك هكدا قدامي علابالك شحال حبيتك كنت مستعد نفني عمري خدام عندك مي دوماج انتي لي راح تفني عمرك خدامة عندي. جا طبس عندي جبد إبرة كيما تاع لبارح دارهالي قالي افرحي غدوة نطلقك ، منيش مستعد نباصي علاجالك هما غادي يلقاوك ولد خالك هداك لي اسمو اصيل قالولي راه داير حالة باه يلقاك اممم زعما طاح فيك كيما طحت فيك انا حسب ما حكاولي راه بات يقلب عليك معلابلوش بيك بايتة تدروڨي عندي .غير سمعت هدرتوا فرحت مهمنيش شكون لي قالوا ولا مين راه يجيب في الاخبار المهم راح يطلقني ، بكيت من الفرحة . قالي بصح تقولي كلمة ولا تجبديني نقتلك . جبد تلفونوا قالي وهادوا عندي نفضحك بلي كنتي معايا بإرادتك وانتي لي جيتي عندي والناس تشهد بلي كنا مع بعض قبل. ورالي وحد لي فوطوا لحمي شمأز منهم كنت فيهم عريانة كيما خلقني ربي ومعاه في السرير . شفت فيه قتلوا حرام عليك قالي علاه علاه شوفيني شحال ناس ملاح انا مادرتلك والوا كشما قستك ولا اغتصبتك ولا تعديت عليك والوا ما درتلك والوا رغم كلشي حبك منعني اني نأذيك هادي غير قرصة وذن باه تبقاي متفكرتني وعمرك ما تنسايني . عاود خرج وانا معلاباليش كيفاش فات الوقت يمكن من الدروق ما راني شافية على والوا أصلا نص الهدرة لي قاللها نسيتها .
