بارت 40ضحكت هيا قاتلوا صاي اصيل جوليا مبقاتش صغيرة حتى يجيبلها حليب وكيك فراز . تبسمت معاها وسكتت قالها لا مازالها صغيرة ، جابلنا السارفور غير راح صونا التلفون تاع اصيل . بقا يهدر قالوا صحا راني جاي عشر دقائق نكون عندكم . كوبا ووقف قالي جوليا ابقاي مع ريان خرجتلي خدمة نكملها بالخف ونرجعلك . انا لقيتها من الجنة والناس حابة غير نوض وقفت معاه قتلوا لا وصلني للدار لكان رايح وخلي مرة الجاية نقعدو في ثلاثة خير . قالي علاه راكي قاعدة معاها منها تتعرفوا على بعض وتنحي على خاطرك ولا وش قلتي ريان قاتلي وي ابقاي معايا ونسيني نكملوا نشربو قهوتنا وندورو شوي نحيو على خاطرنا . جا ماشي حكمتو من يدو وقدمت حكيت معاه باه متسمعنيش قتلوا اصيل وين نعرفها انا حتا نبقى معاها رجعني للدار وروح على روحك للخدمة . حط يدو على كتافي قالي جوليا راني مزروب ابقاي معاها دورو شوي وراني نرجع منطولش . جبد صوارد من الجيب قالي هاكي احكمي ادا حبيتي تشري حوايج يعجبوك . رجعت قعدت وانا نسب بالمقلوب على هادي الحصلة كيفاش نبقا مع وحدة منعرفها ما تعرفني شفتها غير قبيل شوي ويزيد يقولي دوري حوسي معاها يخي حصلة حصلتها .وقفت هيا ثاني منعرف وش بقات تهدر معاه سمعتوا غير كي قالها تهلاي فيها تبقا على عينك متخليهاش تتحرك حتى نرجع .قاتلي متخافش عليها مدامها معايا راني علابالي . غمزها قالها كيما تفاهمنا ريان . قاتلوا كون متهني . هو راح وهيا رجعت قعدت . وحطت يدها تحت خدها .قاتلي ايه مدام راح نبقاو مع بعض حتى يرجع اصيل ، نشربو قهوتنا في عقلنا ونحكيو شويا . تبسمت معاها فوق القلب شربت شوي من قهوتها وحطت الكاس قاتلي عندكي الزهر راكي عزيزة بزاف عند اصيل من قبيل وهو يوصي فيا عليك . ضحكت لا ايراديا قالوا عزيزة . قتلها انا عزيزة عند اصيل ؟ راكي غالطة بزاف . قاتلي علاه والله ديما يحكيلي عليك ..قتلها منعرف انا وياه منتفاهموش بزاف . قاتلي علاه بصح قتلها هكدا برك . سكتت محبيتش نزيد نحكي . قاتلي الواحد في وقت الحاجة ما يلقى غير اهلوا وناسوا باباه يماه هادو لي يوقفوا معاه اما البراني يبقى براني وقت الصح تلقاه هو اول واحد يستشفى فيك . قتلها صح عندك الحق . قاتلي وي سيرتوا الوالدين هما كلشي في هاد الدنيا انا هما كلشي في حياتي . قتلها ربي يخليهملك . قاتلي وانتي ياك والديك حيين . قتلها لا . قاتلي ااا ربي يرحمهم . قتلها امين . قاتلي وكيفاش ماتو احكيلي ادا حبيتي .قتلها ماما ماعندهاش بزاف من لي ماتت كان عندها ورم في راسها .قاتلي يااا مسكينة ربي يرحمها ويوسع عليها .قاتلي وباباك . سكتت ملقيتش وش نجاوبها . قاتلي ادا مش حابة تحكي نورمال. قتلها لا ، نحكي نورمال انا بابا منعرفوش . قاتلي اااا مالا مات وخلاك صغيرة . قتلها لا مش مات راح كي كنت صغيرة .شافت معايا قاتلي مدام راح يعني مكانش فيه الخير يمكن كون بقى معاكم راح تتمرمدي معاه وراح تعيشي شي اسوء من لي عيشتيه كي راح ، كاين شي ولاد تشوفي وش راهم عايشين مع ابائهم تحمدي ربي ليل مع نهار ، يعني اي شئ كتبو ربي هداك هو الخير . بقيت غير نسمع فيها عندها أسلوب وطريقة كلام تخليك تريحي وتحكيلها كلش وتفرغي قلبك بلا ما تجيبي خبر لروحك . بكيت قتلها بصح علاه حتا راح وخلاني . تنهدت قاتلي هو راح بصح ربي عوضك بناس احسن منو ،
