بارت 42
خرجنا من الكافي لي كنا فيها بقينا ندورو هيا المشية معاها متتملش تحسيها تعرف لكلش بزاف كلاس في هدرتها في مشيتها في لبستها من طالونها النوار لي لابساتو في رجلها حتى لشعرها الليس الاسود كلشي فيها يجدب مرة على مرة نلقا روحي نقارن بيني وبينها فرق شاسع مش نهدر على زين بصح على العقلية هيا ناضجة بزاف عليا اول مرة نتمنى تكون عندي شخصية تاع عبد كيما تمنيت تكون عندي شخصيتها وثقتها بروحها عندو الحق اصيل كي حبها غير هيا لي تطلع عليه . وصلنا للفترينا لي تبيع les trucs Personnel قاتلي هيا ندخلوا نشوفوا كشما حاجة تعجبنا . دخلنا بقينا نشوفوا حتى لفت انتباهي لي porte clé يتكتب فيهم الاسم عجبوني بزاف اول واحد جا في بالي نشريهالوا هو مسلم ، من بعد تفكرت اصيل قلت مهما يكون حتى هو وقف معايا علاش ما نشريلوش . شافتهم ريان قاتلي شحال شابين عجبوني لشكون راح تشري . قتلها راح نشري لمسلم حشمت لا نقولها حتى اصيل راح نشريلوا خفت تتوسوس مني يعني حبيبها من حقها تغير عليه وتقولي علاه حتا تشريلوا . ولات قاتلي واصيل متشريلوش حتى هو مام هو يستاهل منك كادو على وقفتوا معاك ولا لا . تبسمت وتنهدت براحة ظهرت صح عقليتها روعة ومتفهمة . قتلها كنت راح نشريلو وخفت متحبيش وتتوسوسي مني . ضحكت بالصوت قاتلي علابالك والله لا انتي بزاف نية و هايلة اشري اشري راح يفرح بيها بزاف خوديها من عندي . وليت شريتلهم في زوج بيسك بنسبة ليا في زوج يساتهلوا وهدا اقل شئ نهديهم بيه .
