قالي حبس عليك راسك مش يوجع فيا قتلوا لا حبس شوي كي شربت الدوا . ولا سكت وكمل يشرب في قهوتوا قتلوا اصيل نسقسيك وش صرى في لحكاية تاع فيفي من لي جيت مسمعت حتى خبر عليها قلت بالاك كشما سمعتي عليها . قالي منعرف من آخر مرة علابالي خوها رفع دعوة تشكى على الراجل وداها للدار مزدتش سقسيت عليها ، علاه راكي تسقسي عليها جوليا هديك الطفلة تبعدي عليها بعد السما الارض متزيديش تعيطبلها ولا دوري بيها حتى ادا شفتيها غدوة متهدريش معاها . درتلوا براسي ايه وسكتت قعد بالي عندها . دخلت نجمة شافت فيا بنص عين وقعدت حتى هيا في الطابلة وحطت قاطو تاكل فيه. ،جابتلي مرت خالي الحليب قاتلي اشربي بنتي كشما تهزي صحة والله لا ريمة تبان أكبر منك وانتي قد الفلوسة . ضحكت معاها وبديت نشرب شفت مع نجمة لقيتها هزت تلفونها تكونكتي بقيت نشوف معاه عجبني تلفونها يهبل انا عشقي في تلفونات سيرتو الايفونات نشفى هبلت ماما باه نشري الايفون لي عندي وانهار لي شريتوا بقيت ليلة كاملة نايضة من الفرحة .ط
