أعد لي روحي

بارت 51

♡اعد لي روحي
♡غزالي
☆الفصل الثالث: مقطوعة من شجرة
☆الجزء 51

عيشة: زهرة يا زهرة .. شنو هي حكايتك ا زينة الشلحاات!!

تنهدات و الصينية فوسطهم شادين عندهم كيسانهم و السهرة بادية فالتلفزة مونسااهم ، كل مرة تهز وحدة فيهم كركاعة ولا لوزة و العقل راه خدام كيفكر لبعييد

زهرة: حكايتي دايرة بحال هادوك الافلام اخالتي

عيشة: علاش نتي كلامك حلو و رزين بحال هاكا!! شنو لي خلاك تكبري قبل وقتك!!

زهرة: بزااف اخالتي عيشة .. المحيط لي ضاير بيا هوما لي خلاوني نكبر بزز منيي ...

عيشة: بنت الجبل ولا بنت المدينة

ابتاسمت ساهية فالقنديل لي مضوي البيت و النار كتميل فالفتيلة كل مرة فجهة .. تنهدت و شافت فيها

زهرة: بنتهم بزووج .. بنت الجبل و بنت المدينة ، تزاديت فعين اللوح و كبرت فإفراان .. باش بغيتي نبدا ليك اخالتي

عيشة:(تنهدت) من فاش خليتي عين اللوح و مشيتي لإفران .. تماك الحكاية غاتبداا

زهرة:(رجعت سهات فالفتيلة) ماكذبتييش ا خالتي .. تمااك بدات الحكاية ، ياريتني بقيت مع با فالجبل  و نتزوج كيف كاع قراناتي مزوجاات والا هاد الحالة.. ماما هربات مع صاحبها و انا صغيرة شوية .. و باش نفلت من بطش ميمة و عماماتي البايرات لقيت عمتي لي فإفران الحنيينة (غرغرو عينيها بالدموع) هي لي بغات تكلف بيا و بقرايتيي و دارتني بحال بنتها لي ماجابتهاش كرشها (تنهدت و رمشت عينيها كتقاوم الدمووع) كان خاصني ندير عقلي و قبل مانخطي خطوة نفكر مية مرة و مرة .. خاصني نخدم عقلي فأي حاجة و ماندير تا غلط لي يخلي بابا يحاسبني و يرجعني للجبل .. عشت مع عمتي عوام و عوام .. و فيهم كبرت و نضجت ، قريت و ماخليت تا حاجة تخرجلي من الجنب لي دمر ليا حياتي .. ربيت راسي براسي و حضيت راسي برااسي ، تا قالت ليا الدنيا لا ماشي هاكاك اجي نحكك مزياان  و نوريك الحضية كيف دايرة .. راجل عمتي قمار ، خسر فلوسو و باش يرجعهم قمر بيا و لاحني فيد واحد ماعرفتش كيفاش نوصفو لييك ، مانقدرش نحدد .. واش نقولك ابليس فصفة بنادم ، ولا طايش و زهقت معاه فطيشو تا وقع لي وقع .. خانزيين و غااارقيييين فالفللوس ، اشارة بصبعهم لي بغاوها تحضر (تنهدت) واحد الليلة تقرب مني و وقعنا فالغلط .. بزووج بينا ، ماتعداش عليا و ماغتا صبنييش .. انا نعست معاه بخااااطر خاطري و غرقت معاع فبحر الشهوة تا كنفيق على فقدان شرفي .. مشى فرمشة عين و فغفلة مني و منو ، واعدني غايسترني .. ولاينيي ماوفااش ، باه نفااه لبرا علاما قالو ليا .. داخت بيا الارض و ماعرفت ماندير ، قلت نرجع عند عمتي مهما يكن ندير لي ندير غاتمضغني ماتسرطني .. تا كنتفاجئ بيها ماتت ، ماعرفتش كيفااش (شهقت بالبكى) المووت خطفها مني .. مازال مامتيقة بأنها ماتت و خلاتني مني للضبوعة فهاد الدنياا .. بغيت نرجع عند بابا للجبل ، و كنتصدم تااني بداك الكيدار عمر ليه راسو و قاالو سرقات ذهب المرحومة و هرباات .. صاحبتي ماقدراتش تخليني عندها خاافو من بابا و راجل عمتي ، ماعرفتش فين نرد الرااس قلت نمشي عند الدراري صحابي ، بعدا هوماا حاسبيني ختهم الصغيرة و ماغايفرطووش فيا (مسحت دموعها و ابتسمت باستهزااء) ساعة قالت ليا الدنيا اجي نوريك مايفرطوش فيك كي دايرة .. صدق واحد فيهم بغى يت..عدى علياا .. هربت فداك الليل  و اول كار كان خارج من افران شديتو حطني هنا ففاس .. بقيت فالمحطة تا صبح الصبااح خفت نخرج برا و نطيح فشي موصيبة ، بعدا المحطة الغادي و الجاي مانخاافش .. فطرت فواحد القهوة و بقيت من بلاصة لبلاصة نسول على الخدمة تا لاقاتنا الصدفة اللا عيشة.. هاهدي هي قصتي و حكاايتي (تنهدت سااهية) كنت شادة بلاصتي مكمشة و هانية .. تا كنتصدم براسي مبيوعة بحال العبييد ..