♡أعد لي روحي
♡غزالي
☆الفصل الأول: انا انهار انا اتلاشى
☆الجزء 10
خيم الليل و لون السما بسوادوو المخملي .. و عشاق الليل خرجو و بانو ، النهار ماعندهم فيه صالحة و لكن الليل .. الليل عندهم حاجة سبيسياال ، الهدوء و السكون لي فالأزقة و الشوارع كاين لي كيبث الرعب فقلوبهم و كاين لي كيخيم السكينة على ارواحهم .. و عكس الهدوء لي كاين فالازقة الكازينو كالعادة صااخب و اصوات القمارة طالعة كتغاوت ، كاين لي كيغوت بالربح و كاين لي كيغوت بالخسارة .. دخل كيف عادتو بملابسو السودة و طربوش مدور بحال ديال مايكل جاكسن .. هو صغير و لكن بتصرفاتو تعطيه كثااار من عمرو بأضعاف ، جلس فالبار متكي بيديه و عينيه كيسكانيو كل قنت فديك البلاصة .. الرهان و القمر عندو كيتمشاو فعروقو مع الدم .. الاثارة عندو هي المقامرة ، كل واحد و بليتو و هو بليتو هي الرهان .. حط العين على واحد باينة فيه خاانز فلوس ، دار ربع ابتسامة جانبية و زاد بخطوات رزينة لعندو .. هاز كاس ديال الشراب و يجغم بالمهل ، باينة من لون المشروب الفااتح انو فودكا مخلطها مع مشروب غازي مخففها .. قرب و جلس داير رجل على رجل كيطلع و يهبط فيه تا خلا الرجال يضاورو بيه و بداو يضحكو
...: اش جابك لهنا الكتكوت
...: لي جابكم نتوما جابني تا انا
رجل اخر: هههههه واش تقد على هادشي ولا غي خاشي نيفك فيه !
رجل تالت: تا خلي عليك الولد ا صاحبي باينة جا يتعلم
رجل رابع:(معن فيه الشوفة) باينة فيك ولد الخير و الخميير .. و المجية ديالك لهنا ماشي غي هاكاك ، اشنو رأيك تلعب معايا
الرجل الثاني: ههههه وااايلي اسي علي غاتراهن مع برهوش هههه مااااشيي ديالك هادي
الرجل الرابع: اسييدي بغييت نلعب معاه تسالنييي ..!! الااا ، اوا تقاا..ود ههههه
ضحكو الرجال لوخرين فحين الشاب متبع المسرحية الهزلية ديالهم و يجغم من كاسو بلاما يدير تا تعبير ، وجهو مكتساحو الجموود و البروود .. شير بيدو لواحد الدري كان معاه حطلو صاك جنبو و قاد جلستو مسرح ظهرو مع الكرسي و كيشوف فيه بتعالي
...: شحال جهدك باش تلعب
سكتو من الضحك متبعينو بعينيه مستغربين و شي وحدين جاتهم الرهبة من ثقتو الكبييرة بنفسو .. نحنح السيد لي غايلعب معاه و نطق مع ابتسامة خبيثة ، ناوي يربحو و يخرجو ذلييل و راسو محطوط لرض
...: خمسيين مليون .. عندك ولا غي دافع جبهة
...:(غمز لداك الخادم) صرف خمسين مليون و جييبها
و داكشي لي كان .. تصرفات خمسين مليون خلات لي فديك الطبلة مبهوور و تا الطوابل لي قريبة قربو كيتفرجو و معاهم قحا..اابهم ، بدات الكارطة تفرق و كل جولة كل واحد كيحط حصيصة صحييحة من الفلوس .. و فكل جولة كتااخذ وقت و كيخرج المراهن الشاب راابح ولاخر خااسر .. اش هادشي !! كيفاش و علاش!! انا هو الطوب ديال اللعابة كيفاش هاد البرهووش ربحني و فرمشة عين .. دار راسو بين يديه مصدوم و الحضور شي مصدوم معاه كيواسيه شي كيصفق على الشاب و ذكائو .. يكذب عليك الكااذب لي يقولك القمر هو الحظ .. كنتي محظوظ غاتربح كنتي صكع غاتخسر .. تتتتتت القمر هو مجموعة من الالعاب عندهم قواعد و خبايا و خفاايا و الاهم قوااالب .. خاصك غي تعرف كيفاش و تقلب كولشي لصالحك ، وقف بشموووخ مخلي الخادم ديالو يجمع داكشي باش يتصرفو فلوس تاني ياخذهم و هو بقى كيشوف غي تحت رموشو فداك لي نقص منو و قلل منو و استهزأ بيه .. ضحك فنفسو ببرود و تحنى شووية داير يديه موراه و نطق
...: شنو رأيك نعاودو نلعبوو !! شحال جهدك كاع تلعب
...:(هز راسو فيه و عيينيه حووومر) كيي درتي ليهااا .. كييفاااااش درتييييي لييهااا
...: هاداا هو اللعب .. و من زهرك لي تقادا طحتي معايا اناا .. ليلة سعيدة لووزر (الخاسر)
دار ابتسامة عجييبة كتخلع و زاد فحالو مخليه موراه كيتشواا و يتقلى مابغاتش تسرط ليه .. تلفت كيقلب لقاه طاار خرج و ناض كيسب و يرعرع غي من السمطة للتحت و حااالف بحلوفو تا يفديها فيه ، مالقى غي البارمان و فنفس الوقت كيكون مسؤول على الكازينو شدو من الكول و نفضو
...: شكون هاداك!! شكووون هاااداااك
...: تهدن ا سي علي كولشي كيتحل بالعقل تهدن .. داك الدري يالاه بدا يجي لهنا و من نهار دخل لي لعب معاه كيربحو و يخلليه يتشوى
...:(كشاكشو خارجة) منيييين جااا و كيفاااش برهووش بحالو كيعرف هاد القوالب
...: ماعرفناش منين جا .. لي عرفت كيعيطولو لاغتيست صاااف...
❀❀❀❀❀❀❀
❀ قولو هاي للأغتيست ديالنا .. كي جااكم ممم ، نااضي واخا برهووش يااكااا..
مابغيتش نزرب الاجزاء باش مادوخوش ..
حبيباتي فضلا شوية اشهارات لهاد الخربشة يبانلي حاضرين معايا غا ستة المتفاعلات هاد الليلة
التتمة غدا ان شاء الله .. بانويي 💋
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
