♡أعد لي روحي
♡غزالي
☆الفصل الثالث: مقطوعة من شجرة
☆الجزء 48
"الروح عزيزة عند الله"
غادي جاي بحال الحمق كيحك فراسو .. تا كيبغي يدخل و يرجع خطوات للوراء ، فمو كيااكلو و تأنيب الضمير كينهش فيه .. واش يكمل لي جا على قبلو و لا يتراجع ، ماعرفش و جلس تحت الشجرة كيتهزز و شنافتو قرب يدميها بالعضان..
بالجماعة الحضرية لمدينة افران جالس فواحد من البيرويات بنخوة ،كرشو سابقاه و حداه براد اتاي و طبسيل قدو قداش ديال المسمن و الزبدة البلدية و البيض البلدي .. و كل مرة داخل عندو واحد كيعزيه فالمرحومة مراتو و هو لاعب دور الارمل الحزيين لي كان كيموت على تراب رجليها غي هي لي كاينة و ماكاين ماحسن .. نحنح خوا كاس اتاي جغم منو سمع الدقان و اذن بالدخول تا تفاجئ بالبوليس داخلين عندو و حطو ليه ورقة فوق المكتب
احمد:(ناض يتفتف) الشااف .. مرحبا مرحبا زيد تفضل
البوليسي:(دار يديه ورا ظهرو) نتاا لي غاتفضل معانا للدائرة اسي احمد
احمد: عععلااش خيير!!
البوليسي: نتا متهم بجريمة قتـ ــل السيدة ميرا **** عندك الحق فالسكوت (جبد المينوط) زيد معانا
احمد: لا لا بلاااتي اكييد كاين شي غلط
البوليسي:(ومالهم باش يجروه) تا لتما و نشوفو واش كاين غلط ولا لا
خرجوه تحت ذهول الموظفين لي خدامسطين معاه بلا الناس لي ساكنين فداك الشارع .. بقى كولشي يتساءل اش واقع و بداو القصص و الروايات يتألفوو .. ركبوه فالسطافيط و زادو بيه لمركز الشرطة و هو يحاجي و يفك ماعرف باش تبلى و البولة غايطلقها فحوايجوو .. دخلوه لواحد من مكاتب التحقييق خلاوه تما و مشاو لمكتب اخر فين جالس راجل فالاربعينات من عمرو حاط راسو و كيتنهد
...: واش نقدر نخرج!!
البوليسي: شكرا على تعاونك معانا .. غي يخرج الاذن بتشر يح الجـــ ــثة غانجبدو الدليل و تماا .. غاتبت عليه الت..همة
...: راني خايف على راسي الشاف و انا درويش و عندي وليدات
البوليسي: كاع ماتخافش.. مين جيتي و شهدتي و مابقيتيش متستر على الجريمة راه عندك اجر كبير
...: الروح عزييزة عند الله .. و طوال الزمان ولا قصاار غايبان البرهان
البوليسي: كااينة .. تفضل سني و نهار المحاكمة غايعيطولك باش تجي تشهد واخاا
...: واخا الشااف .. الله يعاون
خرج من تما و رجع المحقق عند احمد دخل عليه لقاه يترعد .. رخف صدايف القميجة حس براسو تقج و المحقق غي كيشوف فيه ، شير بيدو لواحد الجهة من عنقو و نطق
البوليسي: شكون خبشك فعنقك
احمد:(بلع ريقو) غغ..غيي
البوليسي:(هز حجبانو) شي قطة قبيحة هادي باينة شبعتيها حــ..واا و وصلتييها للسماا
احمد:(كيتفتف) للااااللاا مااشي هاكاك
البوليسي:(هز راسو) ااممممم .. ماشي هاكااك . اوا هي هاد الخبشة ديال ميرا مرااتك فاش كنتو كداابزو و دفعتيها على دروج جات تشد فيك زهقات ليها يدها و خبشاتك (ضرب على الطبلة تا قفز و طلق البولة) دويييي
احمد: ماقت. لتهاااش .. والله ماقت لتهاا
البوليسي: مااااتحلفششششش .. كاااين الشهوووود لي شهدو على جر يمة القت ل ديالك لمرااتك .. سمعو الغواات ، طلوو لقاوك كدابز نتا و ياها و بالدفعة ديالك جبتيهاا دودة
احمد: لااااا هي طاااحت بوووحدهاااا
البوليسي: و ايلا قلت ليك كاين الدليل (بابتسامة استهزاء) اش غاتقول
احمد: مااايمكنش!!! ماقت لتهاش بشي سلا ح باش يكون دليل ضدي و تا هي ماحركتهااش
البوليسي: نقدر نسمي هادا اعتراف بالجر يمة ديالك!!
احمد:(داخ و بدا يغوت كشاكشو خارجين) انااا مااااعتاارفتش .. مااعتااارفتشششش
البوليسي:(بصوت اعلى من صوتو) سكتناااااااا .. هزوه عليا هبطوه لتحت تا نشوفو نتائج التشريح
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
