♡أعد لي روحي
♡غزالي
☆الفصل الخامس: هدنة
☆الجزء 77
دخلات زهرة للبيت و دارت ليها طننن فراسها .. سمعات اسم الساويرس فديك الدار، شكون هاداك! يكون كيجيه زعماا!! ياكما باه هاداك؟ اويلي ياكما عرفني!! لا لا هو ماشايفش وجهي! اشنو كان كيدير تما؟؟ واش باه ولا شي حد من عائلتو؟؟ سمعت فاللول سمية عيسى .. باه سميتو عيسى!! لا لا مانظنش .. ياكما فاطمة و محند شكمو عليا!! و لكن هوما فين عرفوني جيت للصويرة؟؟ ويلي اش هاد الافكاار!! نقولها لمي عيشة ولا بلاش!! غانشطنها و هو ماكاين والو باراكة غي حالتي لي خالعاهم .. ياكما باه مسكون و مرياح!!
كانت حالة عينيها فالسقف و حجبانها مجموعين كتحاجي و تفك غي راسها مرفوعة و البنات حداها غي كيشوفو وحدة شادة فلوخرى .. كيهضرو و يعاودو و هي كاع ماحاسة بيهم تا فاقت من سهوتها عاد فطنات بيهم شافتهم دايرين فيها داك التعبير و تكمشت فراسها
زهرة: ويلي ماالكم!!
صفية: نسولوك نتي اختي لي سرحتييي .. واش نتي ولا لي ساكنك بعدا!!
زهرة:(حكت شعرها) ءءا .. شكون ساكني!!
صفية: لا لا بانلي انا لي مسكونة (شافت فطامو باقا مضهشرة) تي بعديني لهيه مالك لاصقة فيا بحاال الكراادة .. تفوو (مشات خارجة)
طامو:(مدات يديها تابعاها و كتشوف فزهرة) ديني معاااك ديينيي ماتخلينيش معاهااا
زهرة:(جبدت شنايفها) اوا لي شاف شي يقوول الله يسترر..
سدت الباب كتحيد حوايجها فحين البنات مشاو يديرو العشى و عيشة فالصالون تحاجي و تفك غي راسها ، دخلات صفية هازة الديسير بدات تقشرو و كتشوف فعيشة باغيا تنطق و خايفة
عيشة: قولي لي عندك .. اش تماك الزعرة
صفية: خالتي .. نسينا الصكعة حاملة و جالسة تجذب بكاع جهدها
عيشة:(هززت راسها) كانت مرفوعة و ترفعنا معاها
صفية: داك الوليد موحااال يكمل و يتزاد ليها
عيشة: داك الوليد هو لي شاد فيها بسنانو و مكمش فيها بحال القملة تا يتزاد بيخير و على خير
صفية: و علاش متأكدة كاع بحال هاكا ا خالتي
عيشة: انا لي عارفة .. فينها بعدا
صفية: فالبيت من قبيلة
هززت راسها خلاتها فالصالون و ناضت للبيت غادية عند زهيرو الصكعة .. حلات الباب لقاتها واقفة فالسرجم حاطة راسها على الزاج و الشتا كانت كطيح و ضرب فالسرجم بالشوية ، سمعت الباب شافت فيها و بعدات من تما مكمشة فشال و جلست فوق الناموسية
زهرة: خالتي
عيشة: رتاحيتي شوية
زهرة: حمدالله .. مادام نتي معايا غانكون ديما مرتاحة
عيشة: زهيرو .. ديري عقلك فراسك الله يهدييك
زهرة: غانحاول نتقبل الوضع و نتعايش معاه اخالتي كوني هانية
عيشة الله يدير لي فيها الخير و صاف .. اجي تعشاي يالاه
حركت راسها بآه و خرجو من البيت غي طلعت معاها ريحة المرقة خاطرها تروع و قلبها طلع مشات ديريكت للدوش كتجري و لي كلاتو قبييلة ستفرغاتو..
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
