أعد لي روحي

81

♡أعد لي روحي
♡غزالي
☆الفصل الخامس: هدنة
☆الجزء 81

سيارة الاسعاف وصلات لعين المكان و معاهم الشرطة باش تحقق فالقضية .. خارج بهيبتو و الكاريزما ديالو راسو مرفوع داير نصف ابتسامة ، غي دازهم و خلاهم دخلو يتجاراو موراه رجع قبعتو على راسو منزلها شوية على عينيه .. و فاليد لوخرى هاز اوراق الملكية ديال الاراضي كيشوف فيهم بانتصار ، اما الحارس موراه جار فاليزة و هاز صاك ديال الفلوس لي ربحهم من هاد المقامرة .. تلقى ليه السائق هاز مظلة غطاه من الثلج و الشتاا حل ليه الباب تسناه تا طلع و سدها و مشى ركب فبلاصتو ، ركب جنبو زاك لي مزال مصدوم من الشي لي وقع و نطالق بيهم السائق فاتجاه الدار لي ساكن فيه

اسيم: هههه .. زااك طلق فيك النفس ا صاحبي

زاك:(نحنح بتوتر) مزال الصدمة لاعبة عليا .. مزال مامستوعب كيفاش خسر مستر سميث و انتا حر .. مافهمتش علاش انتا حر!!

اسيم:(دور وجهو للزاجة) مارضاش .. انتا حر لكرامتو و كبرياءو .. انتا حر لنكثو لوعدوو، واعدني يخرجني ذليل خاسر ، ساعة هو لي جر ذيول الخسارة ماتحملش و المو..ت كان اهون ليه من انو يعيش

زاك: و لكن .. ماشي اول مرة يخسر

اسيم: و لكن اول مرة يخسر كبرياءو قدام ولد قد ولدو .. يخسر اراضيه و يخسر فلوسو لي بقاو ليه (تنهد) داكشي لي كان باقيلو و ماتبقى كولشي راه تحت الحجز

رجع كيشوف فالسرجم و نزل الزاجة شوية .. جبد سيجارة من جيبو الدخلاني ديال لافيست مع بريكة ذهبية راقية و شعل سيجارتو رشفها تا حس بالنيكوتيين حل عروق دماغو و نفث الدخاان متنغم بديك الجرعة ، اما الحارس و السائق باقيين مصدومين من هاد الشاب .. و كيفاش عرف جميع المعلومات على داك خونا و نيش عليه و مشى يلعب معاه تا خلاه يخسر لي قدامو و وراه!! .. شافو واحد فواحد و عرفو مزياان راهم هازين معاهم واحد دماااااغ و كيعرف كيفاش يتصرف و يقرر و يخطي اول خطوة ، السي عيسى معروف عليه ثعلب و داهية .. و لكن خليفتو قال ليه نتااا مكتعرف واالو ، ايلا نتا ثعلب ماكر انا راني ذيب من سلالة السبوعة ماشي الضبوعة .. و زادو تأكدوو انو نهاية عيسى ماشي على يد واحد من اعداؤو انما على يد ولدوو نيييت ، وصلوو للداار و نزل السائق بالمظلة حل لأسيم الباب هاز دوك الوراق فيديه و تبعو الكارد بالفلوس .. و قبل مايدخل ضار لعندو مد ليه يدو عطاه الصاك و رجع عطاهم بالظهر

اسيم: ديك الحصة لي فلا فاليز وزعها بالتساوي عليكم نتوما الحراس و السائقين

بقاو واقفين مجمدييين من كرم السيد الصغير و قلبهم بقى يطبل بالفرحة .. لدرجة كذبو وذنيهم من داكشي لي سمعو ، ابتاسم ابتسامة جانبية سد الباب وراه كيشعل فالمصابيح ينور الدنيا .. مشى للمدفئة زاد رمى الخشب ، خوى عليه شوية دليصونص شعلو و انعكس توهج العافية فعينيه .. تنهد مشى حيد المونطو و القبعة علقهم ، و داز للطلفون هزو دوز لابيل .. ثواني قليلة و جاه الرد من عند باه باين من صوتو كينهج بحالا كيجري فالماراطون

عيسى: شش.. شكااين !!

اسيم:(عقد حجبانو) غدا غانفاكسي ليك شي وراق .. هزهم

عيسى: اشمن وراق (نهج) هووف .. اشمن وراق هادوو

اسيم:(بخبث) ملكية الاراضي لي كاينين فالجهة الشرقية

عيسى:(وسع عينيه مصدوم مدة) كيفاش قدرتي دييرهااا!!! مايمكنننشششش داك الحماار الثمن لي نعطيه ليه ماكانش يقبلو باش يبييعهم ليا!

اسيم: مايهمش كيفاش .. المهم هاهوما عندك .. تهلى و عطي الراحة شوية لداك القلب شي نهار تسكتو

قطع عليه خلاه مصدوووم فالتلفوون و صوت كناوة واصلو من بعيد .. شوية شقات الابتسامة وجهو تا طلقها بضحكة هستيرية بسباب الفرحة منين سمع هاد الخباار