أعد لي روحي

بارت 26

♡أعد لي روحي
♡غزالي
☆الفصل الاول: انا انهار انا اتلاشى
☆الجزء 26

فاقت على زقزقة بعض العصافير ، بعد ليلة حالكة السواد انقشع ضوء الصباح من جوف الليل .. واقفة عند السرجم كتشوف فدوك الغزالات كينقزو هنا و لهيه ، و العصافير كتلعب مع بعضياتها فوق الاغصان لي كيقطرو بالما قطرة ورا قطرة .. صباح هادئ جميل و مرييح ، لكن ابداااا واش مرتاحة ولا بالها هااني .. اشنو هو مصيرها فيدين هاد الذئب!! طلعت تنهيدة كتقطع فالقلب و ضارت على اثر صوت الباب لي تفتح ، كانت غي الخدامة جايبة ليها بلاطو ديال الفطور بلديي وكاس ديال الحليب بالسكنجبير و الشيبة و العسل الحر و طبسيل صغييور فيه دواياتها .. ماتنكرش انو مهلي فيها .. و لكن شكون قال كيتهلى فيها دبا باش يوجدها لمااا كفس ، الراعي كيوكل الخرفان و يتهلى فيهم و يعلفهم باش يسمانو و يصحاحو فالأخير غايبيعهم باش يتذبحو .. كذلك الحال خطر فبال زهرة ، تنهدت هزت كتافها .. اش غايوقع كثر من هاكا .. زعما عمتها و باها يكونو يقلبو عليها!! ولا راه طاري شي بلان اخر .. تنهدت كتشوف فداك البلاطو فغيمون كان كيشهي ، و الجوع واخذ منها كل مأخذ نعسات الليل كااامل و مافاقت تا للصباح عياو ينوضوها للعشى و ماقدراتش تنوض .. دارت الروتين الصبااحي بدلات عليها ديك البيجامة بتوني زويين سخيخن و جلسات مركنة بحال الامانة .. تنهدات و عياات من التفكير ، مدت ها لداك الاومليط لي كان مزاال فالمقلة .. ماطايبش بالزيت طاايب بالزبدة البلدية و مذاقو شحال جا كيشهي ، خوات اتاي منعنع ريحتو يا سلام .. واخا ماشي وقت النعناع ماعرفت كاع مين جابوه ، و خذات وقتها الكامل كتاكل بشهية و فنفس الوقت الدماغ خدام كيفكر .. و فخضم تفكيرها دخل عليها كيف عادتو غي وقف وحلات ليها عينيها بغاو يخرجو

اسيم:(ضرب على ظهرها و مد ليها الما) صحتك صحتك .. بالشوية عليك

رمشات عينيها فيه و رجعات نزلاتهم .. شعر ماغون مايل للأسود رطيطب مرجعو لوور ، و عيوون كيقولو للقمر نزل حنا نطلعو لبلاصتك .. زيرت على يدها كتبلع ريقها و جلس جنبها براحة هز زيتونة لاحها ففمو ، و تكى على ظهر الفوطوي كيلوز فيها .. تا هو كان لابس توني و سبرديلة عالية سخونة من البرد .. لعب فشعرها القصير و نطق

اسيم: كملي فطورك باش نخرجو

زهرة:(ضارت عندو متفاجئة و ضار معاها شعرها القصير) بصحح!! فيين

اسيم: ضربي ضوورة (لاح العلفة و هز طرف ديال الفخوماج) ما قنطتيش فهاد البيت

زهرة:(تنهدت و الدمعة فطرف عينها) توحشت حياتي و دارنا

اسيم: ممكن ترجعي لحياتك فحالة وحدة .. ايلا درتي عقلك فراسك

زهرة: بصح!!!!!!

اسيم:(هزز راسو و على شفايفو ابتسامة جذابة) والله .. ماعندي علاش نكذب عليك

زهرة: خليني نهضر معاهم عافاك

اسيم:(فثانية وحدة تسيف) بلاا ضساارة

تخلعت لدرجة خشات راسها بين كتافها بحال الفلوس و شنافتها التحتانية بدات ترجف بوحدها اما الدمعة نزلات ليها بلا هواها .. تنهد متبع ديك المارشميلو و بقات فيه شوية .. رجع دوز يدو على شعرها كيهدنها و نطق

اسيم: كملي فطورك خلينا مزيانين ، عنداك غي هاد العائلة لي فاضحة راسك عليها تكون عطاتك بالظهر و دفنات شي وحدة سميتها زيهرا

تصبحو على خييير .. شوية اراء شوية اشهارات لابيتو زعماكينااات .. خليت ليكم الراحة ولامان