أعد لي روحي

بارت 38

♡أعد لي روحي
♡غزالي
☆الفصل الثاني: في ديسمبر تنتهي الأحلام
☆الجزء 38

طلعت شهقة من اعمق اعماق قلبها .. البكى لي بكاتو فهاد الساعة مابكاتوش فاش جات لهنا ، قلبو ضرو عليها .. لي استنتج هو انو راجل عمتها وقف فوجهها و ماخلاش ليها الفرصة فين دوي معاها .. رجع تنهد جالس قدامها فالفراش مغطيها و هي غي كتنين و الشهقات كيطلعو وحدة ورا لوخرى .. بدات ترخى و تنعس مور ديك نوبة الغضب لي شدتها ، وكان ما المنوم لي عطاها يمكن تبقى هاكاك تغوت تا لصباح .. تنهد تنهيدة اخييرة فاش نعساات و نتاظم تنفسها مع الشهقات لي مشاو و مابقاوش يطلعو ، طلع الغطى زاد غطاها مزيان و مشى خرج قلبو واجعو عليها بلا قياس .. واحد الدماغ كيقول ليه سير نتا برجليك عند هاد عمتها شرح ليها كولشي و رجع فحالك ، جبد تلفون من جيبو كيفيبري .. غزز سنيه و برك على البوطونة جاوب

اسيم: السيي عيسى

عيسى: دبا تكون عندي

اسيم: خيير

عيسى: كل الخيير اولدي الحبييب

قطع خلاه بين سين و جيم .. عقد حجبانو و نزل بخطوات خفيفة خرج ، ديمارا لوطوتو و زاد منير لدار واليديه لي جات تا هي فالخرجة ديال افران مي فالجهة لوخرى ، وصل و نزل بكل نخوة هاز نيفو للسما تا تلاحت عليه بحال الباطل واخا هاكاك بادلها العناق

...: اسووووومييي

اسيم: نينااا اغيييط

نسرين:(كيدلعوها بنينا) فين غبرتي لبارح بالليل !! اشمن موصيبة درتي بابا راه غي كيحلف فيك

اسيم: اش وقع

نسرين:(هزت كتافها) اي دونت نوو .. حدي شفتو قبيلة قطع التلفون و بدا يحيح هاد الولد غايطرطق ليا شي عرق فراسي من قبيلة و هو يعاودها

اسيم:(ضرب رجلو مع الارض) فاااااك

زاد داخل و هي موراه .. عوينات بحال الكاس .. حورااء ، اي عيون شديدة البياض و شديدة السواد .. حروف كووحل و مشفرييين تبارك الله بحال رموش الغزال ، عوجات داك الفم لي عندها بحال الخاتم و تبعاتو بملابسها الراقية .. دخل عليهم للصالون و بقات هي واقفة بعييد تا ايلا ناضت غي من تماك تهرب لبيتها .. سلم عليهم و جلس كيهزز فرجلو ، فحين باه عينيه فالمجلة و مو جامعة يديها و كتهزز فرجلها بعصبية

نوميديا: اسييم .. اش هادشي ا ولدي

اسيم:(دار رجل على رجل مبرد) اش وقع

عيسى:(نفض المجلة و خنزر فيه) البنت لي كاينة فالفيرمة لي فطريق الجبل .. شنو قضيتك معاها

اسيم:(كرز على ضراسو بلاما يبين) هاديك البنت خرجو سووقها .. هاديك دياالي

نوميديا: كيفاش ديالك واش كتسطى علينا .. ولدي الله يهديك المستقبل ديالك قدامك ماتلاهاش عليه

اسيم: و شكون قالك غانتلاهى .. بنت عجبتني و بغيتها .. و حياتها غاتكملها معايا سالينا كاين شي حاجة لي فيها التسطية!!!

عيسى: اسييييييم (بعصبية) شكوون هاد البنت .. لاش داياها تمااك .. و مكمليينها بالفسااد لعنة الله عليك و عليها

اسيم: نتااا اااخر واحد يدوي على الفساااد اسي الحاااج .. (وقف فوجهو) هاااديك غانتزوجهااا ، الموضووع تسدد هناا

عيسى:(تقابل معااه) كتحدااني!!!

اسيم:(بعيوون ملتهبة) لي فجهدك ديرو السي عييسى .. هاااديك البنت دياااالي و منها نخلاااق .. زهرااا ديااالي

ما ان كمل كلامو تا نزل عليه بصفعة للوجه تا ضار و طرطقات شنافتو بالدم.. نسرين هرباات و نوميديا شهقت دايرة يدها على فمها مخلوعة .. شدو من الكوول داه و جاابو بالجهد و قابل عينيه السود بعيوونو المتوهجة

عيسى: سمع اولدي نقوولك كلمة وحدة و ديرها حلقة فوذنك .. البنت لي تلهي ولدي على المستقبل ديالو غانحييها كتسمع ، ماكاين لا زهرة لا زعترر، غاتجمع شراوطك و غاتقو..د عليااا للوكسومبورغ تكمل همك اووك .. وريث هاد الامبراطورية ماعندوش الوقت للزواج .. بغيت تزهى زهااا ليا مع راسك ، اما تزوج لي بشي كلبة ماعارفين اصلها من فصلها راك كتحلممم

اسيم: خليني محتااارمك الوااليد .. ماشي انا لي تقيدني .. و مااشي انا لي تفرض عليااا شرووطك ، من صغري و انا كنفذ بلا كلمة بصح دبااا .. لاااا .. زهرة غااااتمشي معااايااا و غااتبقى معااااياااا و ايلااا وقعات ليها شي حاجة اقسم باللي خلقني و خلقك تا ندير ليك اكبر فضيحة فالكون .. تما من اغنى اغنياء المغرب غاتولي افقر و ارذل واحد فهاد القوا..اادة كاااملة

عيسى:(ضحك باستهزااء) مزياااان تحلم السي ولدي .. مزيااان ، احلام ديسمبر زويينة .. زااااك

غوت بصوتو الجوهري تا دخل الكارد ديالو زاك من ذوي البشرة السوداء و معاه تلاتة اخرين .. نفض اسيم من يدو دفعولهم تا شدوه حاكمينو مزيان و شار بيدوو

عيسى: زااك راه فأمانتك .. ايلا تعكس لك كامل السلطة دير فيه مابغيت ، المهم يوصل للوكسومبورغ و تأكد انو دخل لهاديك الاكاديمية .. عينيك عليه ماتفرقو ولا ثانية

اسيم:(كيطنطر فيديهم) طلقوني الكلاا..اااب طلقوووو .. غاتندم على هادشي ا عيسى .. غااااتنداااام و ماتخرجش ليك طريفة (جروه مخرجينو و هو عاد كيطير فيديهم) واطلقووو  الخ..راااا

هاتوللللعععع 🤭🤭🤭