♡أعد لي روحي
♡غزالي
☆الفصل الثالث: مقطوعة من شجرة
☆الجزء 53
...: وكووووك شححاااال البرقوووووق
...: وانا نقووول مال السوييقة مناااوراااا
...: هااااااح و الفوورمة عريييضة و الوقت مريييضة
...: الجلااااابة و معاامن جاااااات با با باااا على عوينااات
...: الزيين مخطوووب ولا كيتسنى فالمكتووب (هز تفاحة) هاكي تحلي باش تولي
تزنننكت رجعت ماطيشة تا من النميشات مابقااوش يبانو و عيشة غي تنكر تحت نيفها ، ضارت شافت فيها دايرة يد على جنبها و بقات تشالي
عيشة: تعااودي تلبسي الجلاابة نتفااهم معاك
زهرة:(غطست راسها بين كتافها) وانتي لي قلتيلي لبسيها ا خاالتيي
عيشة:(مغددة) ماخلاونا تا نتسوقو فخاطرنا يلبسو كفن ان شااء الله .. زيدي تحركي قداامي
نفخت الهوا من نيفها كترمش مزالها مزينكة و كدور مع اللا عيشة على الخضارة.. شرااو لي خاص يتشرى و رجعو فحالهم للرياض .. الجو بااارد كالعادة و الشميسة لي خرجات الصباح رجعو غطاوها الغيوم ، خفو رجليهم قبل قبل ماتشدهم الشتاا و دخلو كينهجو متقليين بالقفات ، تلقاو ليهم البنات كل وحدة مين هزات عليهم و جلسو كيتعاودو و يسولو على حال السووق
زهرة: السووق زييين خاصو غا الفلووس
عيشة: خااص ليمااك العصى
زهرة: علااه ماالي ا خالتي
عيشة:(ضربت جنابها) امييمتي و كتزييد تحيح ليا بداك الصوت المبحبح تزيد تز*مل ليما يز*مل
صفية:(طاحت بالضحك) تاني الزلالة
زهرة:(جمعت يديها مفكوعة) بغيت ليهم دقة جدي لي مشى ما جاا .. خارجة مستوورة بالجلابة اناا..
عيشة: نتي واخا نغلفووك و نكفنوك بحال الموميا يتبعوك يتبعووك ا عينين مووكاا
زهرة: حراام عليك ا خالتي والله وااش انا لي قلت ليهم تبعوني!!
عيشة: لاااااا غا تبهليلك و تحلويينك هوما لي قامو بالواجب .. تحركي بدلي ديك الحلاسة و دوزي تشرملي الدجااج باش ندييوه لمااليه ، لفعة
زهرة: حكرة هاادي اخاالتي .. واش انا كنديرها بالعاااني
طامو: مسكينة غاطججيها ا خالتي
عيشة: خايفة عليهاا .. العوجة لوخرى مينما مالت يميلو معاها العينين يميلهم ربي
ضحكو البنات رجعو لشغالهم فحين زهرة بدلات عليها لبست بيجامتها و نزلات كدردك و كيف العاادة اخر تلاتة الدرجات نقزااتهم .. بالتنقيزة شدات كرشها و غوتات ربي لي خلقها خلاتهم يتجاراو ضايرين بيها و هي كتقطع بالحريق
زهرة: ايمااينو الحبييبة كنتقطااااععع
عيشة:(بغات تضربها و مابغاتش تكمل عليها) اويلي على بنت الحرااام بفعاايلها غي الصباح وصيتها (وقفوها بزز) تهنيتي دبااا ءءااا .. طيحتي ديك السرة و تهنيتي يااااك
زهرة:(كتشهق بالبكى) اخاالتيي الموااس كيقطعو فيااا الموااس
عيشة: زيديي بغيت ندعي فييك ولايني لي فيك كاافيك .. زيدي وكان غا الهدة لي بغيتلك هاهي هدااتك
جروها للصالون نعسوها على ظهرها بزز باش تسرحات ليهم و الحريق بقى يمشي لظهرها و هي غي تنين تعاوج يمين شماال .. سخنو البيت و عراتها عيشة جهة كرشها ، دفات يديها مع زويتة و بداات تمسد ليها كرشها و طلع السرة لعل و عسى طلع ليها و يهدى الحريق
زهرة: اخالتي يرحم ميمتك بالشوية اخالتيي
عيشة:(كتهزز راسها) بالشوية ءءااا .. تا تصحي و نورييك بالشوية (كطلع يديها لفووق) مزالل مزيرة
زهرة:(كتهزز راسها حممرة) وركي لتحت اخالتي تماا الحرييق .. ايي ايماااينوو الحبيب ظهريي تقسم علياا
اللا عيشة عقدت حجبانها و نزلت يديها لتحت غي وركت شوية غوتااات و بقات تصرصر لربي لي خلقها .. الكرش منفووخة شوية و قاسحة ، تنهدت كتمسح ليها بفوطة و غطااتها مزيان باش دفاا
عيشة: وحدة فيكم تبقى معاها ماتخليوهاش تحرك .. انا نمشي نعيط لدادا شافية و نجيي
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
