♡أعد لي روحي
♡غزالي
☆الفصل الثالث: مقطوعة من شجرة
☆الجزء 45
شي مغطي راسو بجاكيطتو و ناعس ، العشاق راهم دايرين الراس عند الراس يوشوشو .. شي جاه الجوع راه ياكل ، و لي عندها شي بزييز راها تسكتو و ترضعو .. تنهدات دايرة راسها على الزاجة و الدموع نشفوو ، قدرها هو هادا و لازم عليهة تعيشو .. بحلوو و مروو .. بسعادتو و تعاستو ، هدف ولا قدام عينيها دافع على راسها واخا على حساب حياتها ، و تلقى شي بلاصة فين تكون و تستاقر .. بدا الكريسون كيدور بين الكراسا و كينطق ب فاس فاس .. ناضت من بلاصتها و نزلات و نزلو معاها بعض الركااب فالطريق ، كمل الكار طريقو و خلاهم موراه كل واحد فين شد اتجاهو .. دخلات للمحطة لداخل كونات تما ، بعدا كاين الداخل و الخارج ، شووية عامرة و اي بلاصة عامرة شوية كتلقى فيها الامان .. تنهدات بتعب و عقلها كيفكر غي فأمين و كيفاش بغي يدير مايدير فيها .. كيفاش عطاتو خاطرو يتعدى عليها! و لكن الحشـ.يش راه ماشي غي يطير عقل بنادم بلا الشراب لي بقى في يكركر و يقول ماشربت .. تنهدات و مشاو عينيها لبراهش صغاار عليها هوما و برهوشات .. شي شاد عندو كلينيكس ، شي شاد ديك اللعيبة باش يسريو للناس سبابطهم .. شي شاد شكاارة ديال السليسيون و بنات كيكمييو .. هنا عرفات الحياة اكبر بنت العا..هرة شي كتعطيه و شي كتزويه ، شنو ذنب هاد البزاوز يتشردو و هوما ماشابعين تا حليب مهم!! تنهدات عينيها كيدمعو .. تا هي ولات وحدة بحالهم دبا ، تا هي تشردات و للزنقة خرجاات و للعتبة دباا توسدات .. تكات فداك الكرسي و البزطام خاشياتو لدااخل فصدرها ، البرد كيصفر فيها و الجوع بدا يدور بيها و النعاس بدا يديها .. العيى واخذ منها كل مأخذ .. ماشي غي العيى الجسدي تا العيى النفسي و هو لي كيهد كثر .. غمضات ديك الغمضة لي سرعان مافاقت حيت بدا الصباح يطلع و الهرج كثر ، كيف نعسات كيف فاقت عينيها مبوقلات قدااش تقول كانت تبوق .. قادت طربوشها و ناضت كتسرح رجليها فأحياء المدينة طبعا الهادية .. و مبعدة كل البعد على الاحياء العتيقة عاارفة مزيان اش كيدور فيهم .. دخلات لوحدة من القهاوي و جلسات ، جبدت داك البزطام حسبت الفلوس كانت شي الف و خمسمية درهم تما .. بعدا دير بيها فايدة تقدر تكريلها بيت لمدة ربع شهور ولا خمسة عاد .. طلبات فطوور تا جا السيرفور كيمسح الطبلة و يحط ..
زهرة: الله يخليك نسولك .. ماكاينش شي دار باغيين شي خداامة
...: شغانقوواك اختي الله و اعلم ، تا من السمسار لي كيجي يريح هنا راه مسافر اما نسولو ليك
زهرة: صافي شكرا اخويا انا نشوف شي واحد ولا نقلب غي راسي
...: باغا تخدمي (كيطلع فيها و يهبط)
زهرة: ااه كنقلب على خدمة
...: نتي ماشي من هناا
زهرة:(قلبت عينيها) جابوني رجال البلاد لهناا
...: ماعندكش عائلة!
زهرة: لا انا مقطوعة من شجرة
...: ايلا بغيتي المعلم كيقلب على لي تغسل المواعن و تسيق ليه القهوة
سكتات ضوراتها فراسها مزيان كدور فعينيها و هو مشى جاب ليها بلاطو قدو قدااش حطوو .. هز حجبانو و جاوباتو
زهرة: ايلا مالقيتش علاياش كنقلب غانجي نخدم هناا .. غي فوقاش كيكون مول الشي!
...: ورا العصر تلقاايه ديما شاد ديك البلاصة (شير ليها) فكري مزياان و مرحبا بيك ..
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
