♡أعد لي روحي
♡غزالي
☆الفصل الأول: انا انهار انا اتلاشى
☆الجزء 13
داز عليها النهار طوييل عريض ملل فملل مالاقية مايداار ، لبسات عليها و مشات عند سعيدة دوزات معاها ديك العشية فالضحك و النشاط و رجعات فحالها للدار كي دخلات مالقات حد ، كان دايرة فبالها تلقى ميرا رجعات ساعة ماكان والو و السهييير .. تنهدات و دازت للكوزينة جمعاتها و وجدات الكوطي ، شعلات الشوميني و طلعات بدلات عليهة عاد نزلات كل شوية تنونش فبلاصة و التلفزة مشعولة حداها فسبايستون .. عاد باقا طفلة و مزال مافاهمة وااالو و ماعارفاش الاف الحوايج فهاد الدنيا ، عند بالها غي تعاشرات مع دراري كبار و حلولها عينيها على شي حوايج سيطاديغ صافي نضجات .. هايهات ثم هايهااات ، مزاااال الطريق قدامك طوييلة ا زهرة و مزااال ماعرفتي والو .. سمعات حس السوارت فالباب جات طايرة كطل سحابلها ميرا ساعة خاب ظنها فاش شافتو هو و رجعت قالبة للصالون .. طلعها و هبطها بعينيه و مشات عينو للطبلة لي موجدة على حقها و طريقها بحرشة ديال الزرع و زيت الزيتون و بيض مصلوق بلا العسل الحر و الجبن و الزبدة البلدية ، حول نظرو للتلفزة و جلس مفرق رجليه و فارض يديه على الوسايد
احمد: خوي شي كاس خوي
زهرة:(جرات الصينية كتخوي اتاي فالكيسان) عمتي ماهضراتش معاك .. باقا معطلة
احمد:(نحنح) ختي شدتها تبات عندها .. تا دير و تجي
زهرة:(شدتها اللقوة) و اناا!!
احمد: مالك نتي .. هانتي فالدار ماعليك والو ، اراي لهنا ديك التليكوموند
مداتلو التيليكوموند و دموعها مابقالهم والو و يديرو سرر ، جغم من كاسو تنهد و عقلو رجع لور فاش جاه اتصال من رقم غريب .. جاوب لقى صوتها المتعب كتنهج و مع كان ففاس غي عرف بلاصتها مشى عندها ، دخل لداك السبيطار كيسول تا لقاها فين حاطينها و دخل بعيون متسائلة
احمد: ميرا!! شهادشي!!
ميرا: هادشي لي كتب الله اا حمد .. لقاو عندي المرض الخايب
احمد:(تنهد محسر) الله يشافي و يكعد وسادك .. واش غاديري العملية ولا شنو!! و كي طرالهم شدوك قلتيلي غي جيتي تسولي و ترجعي ساعة شدوك
ميرا: طحت سخفت ليهم هنا قالك لا ضروري تبقاي هاد الليلة و العملية ديريها فأقرب وقت جاب الله ماكانش بزاف رونديفويات .. زهرة خليتها بوحدها علم الله كي تكون دايرة
احمد: انا غانمشي نطل عليها ماتخافيش
ميرا: راها فأمانتك ا حمد ماتقول ليها والو .. غدا غانرجع للدار و نقولهالها بطريقتي
احمد: الالة مايكون غي خاطرك .. رتاحي دبا رتاحي ..
رجع عقلو للزمن الحاضر و كاسو برد بين يديه ، شاف فالساعة كان المغرب اذن و طاااح الظلام .. تنهد و ناض داير يديه فجيابو
احمد: سدي الباب و نعسي ماتسناينيش للعشى .. ماتخافي من والو عمتك غدا عند الصباح تلقايها عند وجهك
رمقها بنظرة اخيرة و خرج بكرشو المدورة سابقاه و مرة مرة كيدوز يديه على موسطاجو يبرمو من القنات .. نحنح بداك الصوت الغليض و ديمارا لوطوتو فاتجاه فاس تاني عواال يطرطكها هاد الليلة ، دخل للكازينو و كي لبارح كي اليوم بقى لعبة مور لعبة تا ربح داكشي لي خسرو كااامل و لي لعب معاه كيخليه يد لور و يد القداام .. ضحك بصوتو الجوهري و نطق كيضرب على كتفوو
احمد: لا لا لا هاد المرة الجلسة على حساابي .. و بشيخات من خنيفرة من داكشيي
...: ايلا هاكاا مانقولووش لا .. ماتنساانااش فالعشى
احمد: ا عليااا بليمين تا نحط ليكم حولي فالطبلة كونو هانيين .. ماكرهتش نزيد نلعب و نذلل شي واحد شهيتي مفتوحة هاد النهار و الجوكير وااقف
...: نوض نوض قالاك الجوكير .. باراكة عليك غي الجوكير لي راك معنقوو
ضحكات شهيناز ابيضار ديالو زادت مالت عليه كتبحلس و هو كرشو كتهزز بحال شي بالون و عويناتو صغااار دغيا كيتسدو بالضحك .. قاطع ضحكتهم شاب بقبعتو المدورة و ملابسو الكلاسيكية السوداء ، جر الكرسي و جلس بنخوة داير رجل على رجل و هز راسو لفوق مبين عينيه لي مخبياهم القبعة
...: انا نلعب معاك .. اش قلتي
احمد:(فرقع صباعو و نقر على الطبلة) عقلتك .. نتااا هو البرهووش لي دخلتي فيا بكتفك داك النهار
...:(جغم من كاسو) ذاكرتك قوية .. الوغ شنو قلتي
احمد: مية مليون (غمزو) عندك ولا غي دافع جبهة
...:(شير بيدو للخادم ديالو) جااتك .. نقولولهم يفرقو الاوراق
هز حاجب واحد خلاه يجمع ديك الضحكة و يبلع ريقو .. شهااد الثقة كوولها لي كتخلع فهاد بنادم ، بدات الكارطة كتضمس و النرد كيدور و بدا الرهان .. الحضور بلعو ريقهم و لاغتيست عينيه ماحيدوش من على احمد لي خلى الشك يدخل راسو و يتسائل شكوون هو .. تقدم واحد من لي سيرفور و تحنى على وذن واحد من لي حاضرين خلا وجهو يصفار
السيرفور: كيفاش خليتي سي احمد يلعب .. راه لاغتيست هادا شوف كي دير تحبسوووو
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
