أعد لي روحي

بارت 8

♡أعد لي روحي
♡غزالي
☆الفصل الأول: انا انهار أنا أتلاشى
☆الجزء 8

بملابس كلاسيكية .. شوميز و سروال ديال التوب سوداوين ، سباط لامع و مونطو ثقيل و سخوون زايدو من لفوق .. نزل من سيارتو اخر طراز بكل نخوة و هاز راسو لفووق... داخل مكره ماعندوش مع كثرة البشار بزاف داير الخاطر بزز و صافي .. غادي بخطوات مهيلة كيترنح و يلاوح فرجليه ماعلابالوش و ماعاطيش قييمة للي حداه ، الدعوة خاوية و الأغلبية فداك الوقت كانو خرجو للغذا اش بقاها هي تماك منعرف .. غادي بين الكولوارات تا لتاقطو وذنيه صوت عزف الغيثار ، صوت لزوج غيثارات ماشي غي واحد .. قادوه رجليه لديك الصالة تا طل مع الباب و جات عينيه على كليكة ضايرين بكوبل.. درية فتية صغييورة و شاب فمقتبل العمر كيعزفو و فنفس الوقت بداو بالغنا ،  اغنية ماقدر يفهم فيها والو ولكن ماينكرش انها لامسات قلبو و روحو و خلاتو يسرح مع العزف الهادئ الجميل و خامات الاصوات العذبة

زهرة: ثخلك ان تبورت ااا فافا ينوفا ااا فافا ينوفا

ندير: كنكن تزبكاثين ايم ا يللي غريبااغاا

زهرة: اوقدغ وحش الغافة اا فافاا ينوفاا ااا فافااا ينوفااا

ندير: اوقدغ اولا ذنكينيي ا يلليي غريبااغاا

حس بحركة موراه تلفت لقاها قدامو و رجع كيشوف فديك الكليكة ... ميلت فمها باستهزاء و تمتمت

...: الفارة كتغني

...: كتعرفيها!!

...: لا .. تصادمت معاها قبيلة فلاصال ديال الباليه

...: ماتكثريش الهضرة مع البشار و شدي تيقارك .. مابقاش بزاف و غانرجعوو فحالنا ، يالاه

عطى بالظهر لديك الباب غادي مخلي صوت الغنى وراه و تبعاتو تاهي .. حبسو العزف كيضحكو و ضربات يدها مع يدوو

زهرة: اتبارك الله على القبايلي ديالنا بااز عليك علمتني ليها من دااكشي

ندير: ربي يخليك الشابة .. بصح خامة صوتك تهبلل

ضحك واحد و ناض ضرب على كتفو

...: صاحبي من زمان و نتا معانا فالمغرب .. اش كتعرف على الشلحات ءء!!

ندير: البحححة اخويا البححة و الصويت غزااال

ضحكات زهرة كتحرك فكتافها و عطات الغيثار لمولاه و ناضو كيتمايلو تا هوما خارجين فحالهم ، بعدا غنات شوية و دربات معاهم على النقط الموسيقية اللهم العمش والا العمى ...  تكبطو كي العادة مشاو للسيارة فين مركونة و هزو راسهم بزوج عينيهم مشاو ديريكت لديك المرسيديس

ندير: ويلي على حدييدة

زهرة: ديال الخاريج ماشي هناا

ندير: ماشي اي خارج ديال الدانمارك هادي

زهرة: شكون زعما كيدرب معانا عندو هاد القرطة!! (شافتها خرجات من الحانوت و طلعات) ممممم ديال ديك خيتنا

ندير:(شاف فيها) كتعرفيهاا

زهرة:(متبعة عينيها للوطو تا ديمارات و زادت) ممم واه .. عود السبسي غيي قصبة و سايطين فيها الروح حاسبة على راسها كوادالوبي ، هادي هي لي قلت ليك عايراتني

ندير:(شاف فيها هاز حجبانو) هادي حرتي فيها!! طزززز انا بلاصتك نشدها نقسمها على زوج .. ايا طلعي وكان نديك تغداي و نردك تقرااي .. اطلعي طلعي..

ارائكم 😔