♡أعد لي روحي
♡غزالي
☆الفصل الخامس: هدنة
☆الجزء 80
ابتسم معلي قنت شفايفو تكى على الكرسي برااحة مطلع القبعة ديالو على عينيه بصبع واحد مبين لونهم الفريد من نوعوو .. غزز مستر سميث سنانو بالفقصة مابقالو والو و يطرطق ، ضرب الطبلة بيديه بزووج و هو كيشوف مبالغ طائلة مشات ليه فرمشة عين .. كان مغفل و خلى شاب قد ولدو يلعب بيه كيف بغى ، رخف الكرافاط كينهج و رفع يدو للنادل جاب ليه كاس من النبيذ يشربو بحرا يبرد الفقصة .. وساعت ضحكة لاغتيست تا طلق قهقهة رجولية بصوتو الرخم و شاف فالحارس ديالو كينش بيديه
أسيم: كتشم هاد الريحة!! زاك وصلاتك ولا مزال
زاك:(بحالا فهم) اححم مزال مستر
اسيم: ايييف (خسر سيفتو) يبانلي داك الكاس ماقضى والو زيد شي واحد اخر لعل تطفى ديك العافية لي شاعلة عندك
رجع كيضحك باستفزاز ماخلا ليه مايقوول غي حر الخسارة و زادو حر حشيان الهضرة ، ضرب الطبلة بيد وحدة و شاف فيه بعيون حمرين بغى يتلاح عليه
سميث: غاندمك يا هاد البرهووش كتسماااع .. غاااندمممكككك (حيد الكرافاط) الليل طوييل و الفلوس كثييرة
لاغتيست جمع شفايفو كيحرك راسو موسع عينيه دقة وحدة قلب ملامح وجهو لجدية خطيرة
اسيم: و انا مستعد نزييد نغرقك فبحر الخسارة ا مستر سمييث
سميث: غي انا و يااك
اسيم: شنو رأيك نعليو الرهاان
سميث:(هز حاجبو مستغرب و دفع جبهة) نعلييوه .. باغي الملايير نلعبوو بيهم ، كنوااعدك غانخلييك ذليل و ماتكرهش تخشى فوسط الارض بالخسارة
اسيم: حاول تكون قد كلامك و وعودك مستر سميث (قرب لعندو جامع يديه فوق الطبلة) و رفع الرهان ماقصدتش الفلوس .. قصدت نتراهنو بحاجة اخرى
سميث: نعاام!! بحاالاش زعما (شاف فمرافقتو و رجع شاف فيه) ندير الرهان على الجنس اللطيف!!
أسيم: تتتتت .. سمعت عندك بعض الهكتارات دالاراضي الخصبة فالمغرب (دار ابتسامة خطيرة) بغييتهم
سميث:(طرطق بالضحك) لاش بالضبط دووك الارااضي!!! هههه ماعلييناا و نتاا باش غاتراهن اسييهم ؟؟؟
اسيم:(بابتسامة ماكرة) سيهم لاغتيست .. سيدك لاغتيست
سميث: اارتست!! اوكااي مستر ارتست .. باش غاتراهن مم!!
اسيم: حياتي .. ايلا خسرت حياتي بين يديك و فلوسك تقدر ترجعهم (هز حجبانو) كنظن عرض زويين هادا بالنسبة ليك
زاك:(شداتو الصهدة و تحنى عندو لوذنين كيوشوش) و لكن مستر هادشي لي كتقوول مايدخلش للعقل .. مانقدرش نخلليك دير حاجة بحال هادي
اسيم: ششششش .. عارف راسي اش كندير ، كالم دااون..
بعدما نساحبو اغلب اللاعبين مور انتصار لاغتيست .. و بعد الحوار لي ضار بينو و بين سميث .. ترفع رهاان اخر بيناتهم ، واحد حط حياتو على المحك و الاخر فلوسو و اراضيه ممكن يمشيو فرمشة عين .. لاغتيست عارف راسو اش كيديير و دارس خطواتو مزيااان و قاري و حافظ صواريه .. ثغرات البوكر عارفهم كاملين و باش يضمن انتصار مبهر قرر يلعبو على ثلاث جولات و داكشي لي كان ، الموزع كيضمس الارواق بطريقة احترافية و وزع زوج اوراق لكل واحد فيهم .. واحد حط حداه مسد.س و الفلوس ، و الاخر حط اوراق ملكية الاراضي .. ترفع الرهان و تلعبو الجولات ، جولة ورا جولة و الكارد متبع الامر بعيون مترقبة و خائفة .. خاايف على سيدو من سخونية الراس ترجع عليه بالبرودة ، الجولة الاولى لصالح سميث .. الثانية لصالح لاغتيست .. و الثاالثة!!! شكون غايديها؟؟
☆☆☆☆
تصبحو على خيييير .. خليو ليا توقعاتكم بغيت نعرف اش استنتجتووو غدا كولشي غاندوز عليه نقراه و نجادوغيه .. ماتنساوش الترويج شويتيت اشهارات و طاكيو صديقاتكم يقراو معاكم كبرو كبرو العاائلة واااه
خليت ليكم الراحة 💜
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
