أعد لي روحي

بارت 30

♡أعد لي روحي
♡غزالي
☆الفصل الاول: انا انهار انا اتلاشى
☆الجزء 30

جرها جرة وحدة رماها فاللوطو كتبكي و تقول مابكيت .. ااش داااهااا ولاش خرجات تا رجع حنيين و ظريف هاهي تاني اتخليه يتسيف عليها و يرجع ليها لداك العذاب النفسي ، خرجت شهقة كتقطع فالقلب .. واش هي مكتوب عليها هاد الكآبة كاملة و هاد قلة الحظ كاامل ، صدقات ماهي بهروب ما هي راجعة فحاالها لدارهم برضاه .. ضمات راسها بين يديها و كل مرة كتلاح لجهة بكثرة ماكان كيفريني .. دخلو لدااخل حل اللوطو و خرجها بالنطرة خلى كاع الخدامات يخرجو يطلو بديك الحكة لي ضربها للروايض .. خنز فيهم تخنزيرة يااسلام و زاد داخل طلعها للفوق و السخونية بدات دخل مع عظامها لكن راسها تقيييل عليها و عينيها كيتسدوو .. لكن هو كان عندو رأي آخر ، دفعها للدوش دخلها تحت الرشاااش جات زالقة مع الحيط

اسيم: علاااش تا قلت درتي عقلك و رجعتي لتبرهييشك ءءااا

زهرة:(كتشهق و ترعد) والله كن غي ضاربة ضورة فالجردة .. سمعت الحس و تخلعت انا ماكنتش غانهرب .. عافاك ماضربنيش (بدات تكمش فراسها) انا مادرتهاش بالعاني عافاك رحمني

تنهد ناض وقف و حل عليها الرشااش كان داافي بالزايد باش يدفيها .. عاارف راسو ايلا زاد شوية  غايسيفطها لدارهم حمقة مافيهاش شك ، شاف فيها تحت رموشو و نطق ببرود لي خلى قلبها يتجمد بعدما كان كتاسحو شوية ديال الدفئ..

اسيم: دوشي دغياا ، و خرجي كنتسنتااك

طيحات منها النص هاد كنتسنااك .. قلة عقلها دارتها ليها ، ناضت دوشات بزز و قلبها حاساتو غايخرج من بلاصتو .. ايلا نطق اي كلمة عارفة راسها غاطيح ليه تما بشي ذبحة صدرية .. شحال قدها تستحمل!!! ‏ أحيانا كيكون ذنبك أنك صبور لواحد الحد لي كيوهم الناس أنك خشبة يابسة، وأنت فالأصل غصن هشييش ، حتى الهواا الرقيق كيأثر عليك .. و الشي لي وقع ليها مع لاغتيست فيض كاسها .. خرجات فبينوارها ملوية و منشفة شعرها جامعاتو بمقبط لور بعدما خذات وقتها الكااامل فالاستحمام ، كان واقف مقابل مع الشوميني و فيدو كأس من النبيذ الأحمر القاتم .. ضار على اثر خطواتها هاز حاجب واحد و على وجهو شبح ابتسامة ، ماغاتنكرش داك الوجه خلعها خلاها تبقى واقفة تماك بحال الصنم ماتزيد خطوة ماترجع خطوة .. حط الكاس و قرب ليها ، حطات راسها فالأرض شنافتها كترعد و دموعها على خدها .. تنهد غي حط يدو على كتفها قفزت و بعدت مخلوعة

اسيم: ماغاناكلكش (هز حجبانو)

زهرة:(هززت راسها بلا) قلتي ليا نتحمل العواقب، عاارفة ماغادييش دوزها ليا بالساهل .. عارفة الرعب لي عشت فيه هاد التلتيام من دبا انعيشو مدووبل

اسيم: مزيااان .. اول واحد يفهمني و يفهم طريقة تفكريي براافوو

زهرة:(كنززت على يديها) عافاك تيق بيااا .. انا مااهربتش

اسيم:(هز يدو داعب خدها) شوووت .. و شكون قالك انا كذبتك !!! مالك كترعدي ؟؟

زادت رجفة على رجفة من سؤالو و الخوف واخذ منها كل مأخذ .. لكن فاجئها بتصرفو فاش قربها لعندو معنقها و بدا يدوز يدو على ظهرها برفق كيهديها .. تعنيقة خلاتها تخرج شهقة من اعمق اعماق قلبها و تبادلو العناق كتبكيي تا كانت غاتسخف ليه تماا...