♡أعد لي روحي
♡غزالي
☆الفصل الخامس: هدنة
☆الجزء 79
فرقع صباعو و جا النادل مهبط ليه الصينية .. هز كاس بالطالون فيه الشامبانيا و جغم من جغمة كيتنغمها و يعقل عليها مين دازت مخلي هاديك غي كتشوف .. شاف فيه السيد هاز حاجب واحد و نطق بتهكم
...: خلي بعدا تا للتالي و شرب نخبك واخا انا متأكد من خسارتك
أسيم: و شكون قالك غانخسر!! بل متأكد من ربحي و كنشرب نخب خسارتك
...: اللعب غايورينا
أسيم: وي ويل سيي .. تشييز
هز ليه كاسو كنخب و شربو فدقة وحدة .. كان الموزع وزع عليهم زوج اوراق لجميع اللاعبين .. كانو تقريبا سبعة ، و كولهم معاهم مرافقات من غير أسيم ، كل واحد فيهم هز من اقراصو و بطاقاتو راهن بيهم و لاغتيست حط الرهان الاكبر .. الشيء لي خلاهم كولشي يتصدمو و يشوفو فتهور هاد الشاب .. زاد وزع الموزع الاوراق تا كمل ليهم خمس اوراق للواحد و كل واحد شاف المجموعة ديالو ..
...: فولد (انسحب)
...: فولد
...: فولد
تلاتة لي نساحبو من الرهان بقاو ربعة من بينهم المستفز و لاغتيست .. أسيم شاف فوراقو مزيان و زاد بعض الاقراص
أسيم: رايز
المستفز طلق ضحكة من هاد المتهور لي زاد رفع الرهان .. حرك راسو تا دمعو عينيه و دفع بعض الاقراص
...: رااايز
الموزع: سووو تقدرو تكشفو على البطاقات ديالكم
كشف اسيم البطاقات هو اللول كان عندو البيت الكامل .. فحين المستفز طلق قهقهة قدها قدااش كاشف على اوراقو و لي كانت هي اليد الاقوى .. السلسلة المنتظمة يعني الفوز فهاد الجولة
...: عجبنيي حماسك ا داك الكتكوت .. و لكن قبييلة قلت ليك هاد اللعب ماشي قدك
أسيم:(ميل فمو) ماكان مشكل .. الليل باقي طويل و انا باغي نلعب و نخسر فالفلوس، عندك شي اشكال!!
...:(تحمس زيادة على اللزوم) اهااه .. ماعندي تا شي مشكل نربح فلوسك (شير بيدو للنادل) ااه عافاك .. ماتنساش تجيب واحد البيبرون دالحليب لهاد الكتكووت باش فاش يخسر اموالو كولها نلقاو باش نسكتووه
غزز داك الكارد سنييه بغى يجبد سلاحو .. استوقفو غي لاغتيست لي كان ميل راسو شوية ليه و نطق بصوت خافت مكيتسمعش
لاغتيست: ششششش .. ريلاكس
زفر هوا من مناخرو كيتهدن و لاغتيست رمق المستفز بنظرات عميييقة مبهمة ماتقدرش تفهمها .. بلع ريقو و كملو الجولات ، كل جولة بثلاث مراحل و فكل جولة المستفز كيربح تا بقاو بضع اقراص للاغتيست .. و هنا فين قاد الجلسة ديالو و بدا يعطيه ، كل جولة كاين انسحابات و رفع للرهانات .. و هنا كل جولة كيربحها لاغتيست .. شد الفران شوية خسر فزوج باش يخليه يتنفس الصعداء ، و فالجولة الاخيرة حمسو تا راهن بكل ماعندو و هنا طاح خونا فالفخ .. دار أسيم ابتسامة انتصاااار و غي طلب الموزع كشف الاوراق كشفهم هو اللول خلا الكل لي فالطبلة يشهق و المستفز شد على راسو
...: مايمكنششششش لا لااا لااا مايمكنشششش .. كيفاش درتيلها!!! كيفاش قدرتي تجمع السلسلة الملووكية!!!
أسيم: كيفاش !! ههههه .. خلي راسك يضرك باش تعرف كيفاش ، يااك قلت لييييك كبرتي على لعب الصغاار
...:(غزز سنيه بغى ياكلو) شكووون نتااا
لاغتيست:(بد.م جد بارد) لي غايجييب اخرتك مستر سميث..
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
