♡أعد لي روحي
♡غزالي
☆الفصل الثاني: في ديسمبر تنتهي الأحلام
الجزء 34
هذا الصباح .. مزال يحمل لون الليل
صباح كئيب بحال وجهها تماما ، حل عينيه بسبب الضوء المتمرد لي دخل من النافذة .. تحسس بلاصتها كانت خاوية ، ناض طافج من فكرة انها هربات تاني .. لكن تنفس الصعداء فاش سمع حس الرشاش فالدوش ، ناض بتعب لبس حوايجو و عينيه كيهربو لبقع الدماء لي تلطخو قدهم قداش .. عض شنافتو و خرج ضارب الباب بيدو ضربة قفزت كل من كان فايق فديك الفيلا ، مشى لبيت اخر يدوش ، فحين مدبرة المنزل طلعات و معاها زوج خدامات باش يقادو الفراش .. موالفين كانو يدخلو على زهرة كيلقاوها فايقة ولا فالدوش كيقادوه اما اليوم فاش عرفوه بايت تما فداك الجناح ماقربوش ليه ، حلت الباب و عينيهم مشاو نيشان لديك الناموسية .. شهقت دايرة يديها على فمها و البنات بداو يوشوشو و دايرين يديهم على خدودهم
...: اش هاد الفضيحة درتي ا سي اسيييم .. جمعو دغيا هادشي قبل مايرجع جمعوو
...: و البنت عاد صغيرة الالة فاطمة .. مسكينااااا مانعرف كيفاش تكون حالتها
فاطمة:(كضرب فصدرها) الله على البنية مسيكينة الله .. لعب بيها المسخووط لعب بييهااا ، جمعوو قبل ماتخرج من الدوش .. جمعو و خرجو جيبولها الفطور
...: واخا ا لالة فاطمة .. غاتبقاي معاها نتي
فاطمة:(خنزرت فيها) و شعندك لاياش كتسولي
...:(ضورت عينيها) والو غي قلت ايلا ماتبقايش نبقى انا
فاطمة: شوفي ا هادييك اااه بقاي ضوري عليا عينيك تما بحال تاتا .. راني عارفااك باغية تسلي ليها لسانها دكي مانشوفش كمارتك هنا ياالاااه
طارت من حداها ماولاتش ضارت فحين فاطمة و البنت لي بقات قادو فراش جديد وعطرو البيت .. هزات البنت داك الغطى بغات تديه تا وقفاتها فاطمة حايداتو ليها و سيفطاتها تجيب الفطور .. فلات الغطى فليان كانت غي ديك البلاصة لي مطبعة ، قلبات على مقص جبداتو قطعاات ديك البلاصة و الشي لاخر رماتو ، طواتو مزيااان و مشات لواحد البواطة حطاتو فيها .. بيما هضرات مع زهرة و تعطيه ليها ولا تعطيه لأسيم هوما ماليه ، ماتخليهش هاكاك عارفة معاها اللفعات و يااماا خدمو سحوور بدم ليلة الدخلة .. لذلك مأمناتش ليهم و النية و القلب البيض لي عندها شافت فيها بنتها و جمعات ليها رزقها .. تنهدات جلست فوق الفوطوي تا تحل الباب و خرجات منو زهرة كتمشى مشية مفشكلة كتزير رجليها و تخطي خطوات صغار ، و العينين قداش منفوخين بالبكى .. كانت لبسات حوايجها تما بيجامة غوز سخووونة و لوات على شعرها زيف حياتي .. هزت عينيها شافت فاطمة تما و وقفات منزلة راسها سوغتو فاش شافت الفراش مبدل
فاطمة: اجي عندي ابنتي جلسي حدايا
تنهدات و مشات جلست بوجه حزيين و شفايف مشققين ، هالات سوداء تحت العين و الوجه لي فيه الحيوية مابقااش
فاطمة: كضرك شي حاجة (حركت ليها راسها بلا) بغيتي شي حاجة (جاوبتها بالنفي تاني) غانجيبولك تفطري .. ترتاحي و اجي نخرجك معايا للجردة تشمي الهوا واخا ا بنتي
اسيم: مايحتاجش الالة فاطمة انا غانخرجها
دخل بلا حس قاطعها فنص هضرتها تا قفزها و جات واقفة ..مدوش و مبدل عليه الحالة تا هو و ريحتو واصلة تا لعندهم ، خطفت فيه شوفة و رجعت نزلت عيونها الدامعة .. رغم حزنها كانت تبان ليه بحال الوريدة فديك البيجامة ، تنهدت فاطمة قربات جهتو مامكملاش فيه الشوفة و نطقات بلا نفس
فاطمة: الفطور شوية و يكون عندكم اسي اسيم
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
