أعد لي روحي

بارت 28

♡أعد لي روحي
♡غزالي
☆الفصل الأول: انا انهار انا اتلاشى
☆الجزء 28

دار يد ورا ظهرو و يد خلاها مطلوقة .. الهدووء سيد الموقف ، هي خايفة و مكنززة و ماعارفاش كيفاش كتصرف .. لحد الآن غي كتسايرو اللهم هاد الهدوء المخيف والا داك الرعب النفسي ، اما هو .. خطط كثيييرة فدماغو و باش يبدا ماعرفش .. تنهد شاف فيها من تحت رموشو و الأحرف مبعثرين تا واحد ماعندو مقادين باش ينطق .. بحالا الكلام تقاضاا ، دخلو مور ديك الضويرة الخفيفة طلعها للبيت .. و مشى بيها ديريكت للفراش جر الغطى و ومى بعينيه

اسيم: اجي ترتاحي .. نووغمالمون ماكانش خاصني نخرجك راك عاد باقا مريضة

زهرة:(حيدات الجاكيط و لي بوط) لا بالعكس .. رتاحيت شوية

تخشات فالغطى و مرر اصابعو برفق حايد بعض الزغيبات من على جبهتها .. تنهدات و تنهد هو الأخر ، جمع يديه و نطق

اسيم: شنو كيعجبك ديري

زهرة: ممم كيعجبني نقرى .. مبلية بالجورنالات و المجلات ديال السياسة

اسيم:(هز حجبانو) و شنو اخر!!

زهرة: نتفرج فالتلفزة

اسيم: صافي غي هادشي!!

زهرة: لاا .. كيعجبني تا فاش كنغني ، ولا فاش كنكون نشطح بااالرووم دانسينغ

اسيم: من امتا بديتي تشطحي

زهرة: هادي عامين

اسيم:(ميل شفايفو) ممم مزيان

زهرة:(زعمت عليه) و نتاا

اسيم: كيعجبوني زوج حوايج .. القمر و سباق الخيل

زهرة:(عوجت فمها) كنكره القمرر  هو سبابي

اسيم: ماشي القمر لي سبابك .. انما سبابك واحد الشماتة و صافي

تنهدات كترمش بعينيها و كتحاول ماتبكيش .. كتكالمي راسها غي بأنه غايخليها تمشي من بعد بلاما يآذيها ، لكن هيهات سالت دمعة فارطة منها خلات يدو تمادا و تمسحها و تحنى عندها

اسيم: شوووت ماتبكيش

زهرة: قلبي كيحرقني بزااف اهئى .. ماعرفتش كيفاش غاتكون حالة عمتي

ناض عليها و جرها تا جلسها نيشان و حضن وجهها بيديه .. رجع مسح دموعها و قرب لعندها بهدوووء و رفق شديدين ، انفاسو كضرب فوجهها و هي منزلة رموش عينيها المفزكين بالدموع و التزنيكة غطات خدودها .. تنهد  طبع قبلة فخدها و عنقها

اسيم: غاتكون مزيانة .. متأكد داك السالوبار دارلها تخريجة باش يهدن عمتك و مايخليهاش مشطونة عليك ...