أعد لي روحي

بارت 9

♡أعد لي روحي
♡غزالي
☆الفصل الأول: أنا أنهار أنا أتلاشى
☆الجزء 9

صونات لا كلوش مع الخمسة و خرجو التلاميذ جماعات من زوج و تلاتة و خرجو فوسطهم سعيدة و زهرة مخشيات فبعضياتهم و كيذاكرو .. جل مذاكرتهم كتكون فأشياء بسيييطة و احلامهم ابسط ، حياة هادئة فيها شوية ديال المغامرة و قانعين بلي عندهم عايشين كل نهار و نهارو .. تفارقو كل وحدة مشات من جهة على امل يتقاشعو غدا ، وصلات نيفها حمييمر بالبرد و دور عينيها هنا و لهيه بحال شي غزال مخشية تحت المظلة من الشتا .. جبدات الساروت حلات و دخلات كتحيد لي بوط فالباب و تحط مظلتها فبلاصتها ..

زهرة: عميييتوووو هانااا جيييييت

زادت دخلات و ماسمعات تا رد لقاتها عاطياها بالظهر كتخبي شي حاجة فجيب البينوار و تمسح دموعها ، تفاجئت من بكاها و مشات عندها مخلوعة كتبحلس و تسول

زهيرة: عميتو مالكي!! مقلقة من شي حاجة!! ياكما قلقتك انا!!

ميرا:(بابتسامة ذابلة) كولشي يقلقني الا نتي .. والو احبيبة ديالي غي مدابزة مع عمك و صافي .. طلعي بدلي عليك و اجي تشربي اتاي يالاه

تنهدات زهرة حركات ليها راسها بالايجاب و طلعات تبدل فحين ميرا رجعت انهارت و جلسات على السداري كتبكي و تمسح دموعها .. كلما تمسح دمعة يطيحو بدالها زوج، شكووون يحس بيها و شكووون يكون بيها .. زهرة صغيرة و عاد حلت عويناتها على الدنيا ، عاد قالت بسم الله و اول غيكل جاوها يالاه الشهر لي داز .. الخووت كل واحد مجلي فقنت .. و الراجل!! الرااجل راه عاطيها للقح..وب و القمر و نهار لي مايدير والو يمشي يسهر مع الق..حاب فشي جليسة سانك سانك بالشيخات ، ماكان غي الغرامة الصحيحة و الزرقة تنطح الزرقة .. ماعرفات باش تبلات ، و لمن ترد الرااس ولمن تشكي و تبكي .. و يبقى الواحد الاحد هو الوالي هو الحنين و هو الرحيم ، تنهدات كتقول المومن مصاب و لي جا من عند الله مرحبا .. نصبر تا يفاجيها الله ، شحال من وحدة مرضات و صحات .. اشنو هو هاد السرطان كااع!! مرض عطاهني الله و بقدرتو غادي نتشافى منو ، رجعت جبدت دوك وراق الطبيب لي كمشات و خبات ، الصباح كانت طلعت لفاس على حساب الكونطرول  و الوجع لي كان يجيها فكرشها تا كتصدم بأنها مصابة بسرطان الرحم .. و من اليوم غاتبدا الجرى و سير و اجي و طلع و هبط باش دير العملية و تبعها بحصص الكيماوي تا يفاجيها سيدي ربي من عندو .. سمعت حس الخطوات فالدروج و قادت راسها كتنهد ، بيها غيي زهرة و ايلا مشات و لمن غاتخليها .. قوات راسها قدامها و خوات ليها كاس اتاي فحين التلفزة مشعولة فالدوزيم و دراغون بول راه بادي متبعة معاه حركة بحركة

زهيرة: ماتقلقيش ا عمتي دبا تصالحو

ميرا:(هززت راسها بحسرة) عارفة عارفة .. عندك شي حفاظة بزاف! نعاونك

زهرة: لا لا ماشي شي حاااجة  انا نغسل المواعن و نمشي نحفظ .. قلبي كيوجعني بحالا حجرة محطوطة عليه ماعرفتش علاش

ميرا: قولي اعوذ بالله من الشيطان الرجيم و استغفري الله غاترتاحي شوية .. ياكما تخلعتي ولا خفتي

زهرة:(هربت عينيها تفكرت ندير) لا لا ماتخلعت ما خفت .. ياااي هاهو بدا هزييم الرعد

ميرا:(مصت شنايفها) مممم مصغييرك متبعالي القراقيش .. هزيم الرعد قاتلك