أعد لي روحي

بارت 33

♡أعد لي روحي
♡غزالي
☆الفصل الاول: انا انهار انا اتلاشى
☆الجزء 33

حل عينيه مصدوم كيبلع ريقو .. كيفاش طرا هادشي!! اول مرة ليه هي هادي .. من اول مرة يضيع وحدة و يزرفها!!!! .. الشرف مشاااا فرمشة عين و بدخلة وحدة!!!!! تنهد كيعض شنافتو .. مزال فوسطها و مزال باقي على حالتو باش مايزيدش يقسحها ، باسها فخدها و تكعد شوية كيحيد الشعر من على وجهها و يمسح دموعها

اسيم: زيهراا .. شووت زيهراا سمعني .. نتي ديالي ماغانخليكش تيق بيا

زهرة:(كمشت حجبانها و نطقت بخفوت مألللللمة) حراام عليك .. خرجتي عليا ا اسيم خرجتي عليااا

اسيم: زييهرااا (زير سنيه) نتي دياالي .. نتي مااي برااون اييز ، ايمبوسيبل نخلليك ورايا ، ايمبوسيبل نخلي طرف من روحي

زهرة: دبا نتا لي خذيتي ليا روحي بهاد الغفلة .. رجع ليا روحي .. كنت ثوب و وسختيني حراام عليك .. انا صافي مشيت فيها .. هرستييينييي

سخونية الراس رجعات عليها دبا بالبرودة .. و الشهوة ديال لحظات غاتندم عليها لدهر كامل ، ناض عليها بالمهل و دماء عذريتها لطخو داك الغطى الرمادي و دنسوه بحال اجسادهم النجسة بالخطيئة .. عنقها باش تهدن و لكن هي زادت بكى على بكى ، طلع تنهيدة عميقة من صدرو .. رغم جسدها المثير الا انها باقا صغيرة فالعمر و هادشي قااصح عليها ، باسها فراسها و جر عليهم الغطى كيلعب فشعرها و كيحاول يكالميها بكلماتو..

اسيم: زيهرا باراكة ماتخلينيش نكعى

زهرة:(حركات راسها بالنفي) تا حاجة مابقات كتهمني دبا .. واخا تهددني باش تقتــ ـلني مايهمنيش

اسيم: زيهراا (هز يدها باسها) .. طيبتي عوينياتك مايستاهلوش البكى

زهرة:(نطقت بجفاء و قلبها كيبكي الدم) ماغاتحسش بيا .. كتبقى نتا راجل ، انا لي بنت و ماغايرحمونيش

اسيم: والله مانتخلى عليك

رجعت نزلت راسها و السكون سيد الموقف .. الحروف تبعثرو و ملقاوش مخارج ليهم مزال ، بقاو غي الدموع لي كينزلو و بعض الشهقات كيطلعو كيقطعو فالقلب .. غاينكر ايلا قال مابقاتش فيه ، عزات عليه و بلا قياس .. و هادي هي نتيجة التهور ديالو .. و نتيجة التجربة الجديدة لي وصلاتو لحد الانتشاء ، رجع طلع تنهيدة اخرى كيبيع و يشري فمخو و الحل الوحيد لي كاين هو لي خاص يطبقو .. طابق السما مع الارض هي ديالو دبا وصمها بالختم ديالو و حد مايحيدها ليه .. خطوة وحيدة خاصو يديرها و غي يطلع الصباح غايطبقها ..
اولى ليالي ديسمبر ، الثلج كيطيح على برا .. و الرقاقات ديالو كتلمع تحت اضواء الجردة عاطيين منظر جميل و هاادئ ، النار كتلتاهم فالخشب فلطف ، و تصدر مرة مرة طرطقات الناتجة عن شرارات لي سرعان مكطفى و كتمشي ، مالقاتش فاش تشد و توهج و تضيء المكان لذلك امدها كان قصير و كيدوم بضع اجزاء من الثانية و تمشييي .. مراقبهم فسكوت ناعسة على جنبها و اسيم وراها معنقها ، رامي رجلو على رجليها لي معريهم الغطى .. و حاضنها لعندو برفق مغطيين صدورهم و مخليين كتافهم عريانين مرة مرة يبوسها فكتفها الناعم و يتنهد و كلما تنهد تبعو تا هي بتنهيدة .. الدموع نشفو و الاجفان عيااو .. عينيها بداو يتسدو تا استسلمات للنوم و هربات لعالم الاحلام .. الاحلام لي بالنسبة ليها تلاشاو و مابقاو احلام ...