أعد لي روحي

بارت 6

♡أعد لي روحي
♡غزالي
☆الفصل الأول: أنا أنهار أنا أتلاشى..
☆الجزء 6
الليل اسدل ستارو على المدينة ، نقيطات ديال الشتا كيتسمعو فالسقف و على برا .. و ريحة التراب المخلط بيها مالية الجو و ما أجملها ريحة ، عكس الهدوء و السكون لي كتمتع بيه إفران و ناعسة فيه زهرة و ميرا .. كاين الصخب فجهة اخرى ، و كاين واحد الفئة لي يالاه بدا عندها النهار ، الموسيقى صااخبة نوعاا ما .. اصوات قهقهاات النساء كتسمع فكل بلاصة .. الكيسان كيتقرقبو مع بعضهم و نخب الربح كيتشرب ، و البعض كيجرو اذيال الخسارة و يخرجو حاطين الراس فالأرض .  القمر او المقامرة .. فواحد من كازينوهات فاس الكلاسيكية و القديمة نوعا ما ، تلقى كل مجموعة مجمعين على شي لعبة .. و لي عندو الجوكير هاد الليلة اكيد غايخرج و جيوبو عامرة .. كل واحد و علاياش جاي يقمر و يراهن ، كاين لي جاي يربح بزز ولا بالخاطر .. كاين لي مالقى تا حل سوى انو يقمر يا اما باش يصوفي راسو ولا يرجع املاكو .. و كاااين.. لي عندو هوس الرهان و شبق المقامرة .. مكيهموش ايلا ربح ولا خسر نوو .. المتعة لي كيحس بيها اثناء المقامرة و الرهان ماعندهاش مثيل .. كيوصل لأقصى درجات النشوة و اللذة ، خصووصا ايلا ربح .. و شحال كيتلذذ بخسارة المنافسين و الخيبة لي كتهزها عيونهم ... دخل كيف عادتو كيضحك من بعيد ، حط المونطو ديالو و زاد داخل بداك الكوستيم و الطربوش على راسو مدور .. سلم على بعض من صحابو و جات عندو مومس من مومسات الملهى كتمايل بغنج و فيدها كاس ديال الروج .. بحكم انها طويلة عليه تحنات شوية سمعاتلو البوسة فوذنيه و خشات يدها فذراعو كتمايل و تضحك بغنج و هو رااه عينيه فرفرو و رروكو طاخو عليها ..

...: سيي احمد .. عاش من شافك غبرتي علينا

احمد:(تنهد كيحك كرشو) دارتها الوقت و الخدمة الزيين ديالي .. بصح من هاد الليلة انا معاك (غمزها)

...:(قهقهات بصوت عالي) هي الشكارة عاامرة

احمد: عااامرة و ناوي نخرج بالتريبل ديالها .. اشهينااز قلبي

شهيناز: اوا عنداك تنساني

احمد:(عنقها و دااخ بريحتها المثيرة) كولشي ديالك الزين .. اراي شي بوسة

شلقمها وسط الملهى ماعلابالهمش و زادو دخلو و على ابسط كلمة كطلق حلوقها كضحك .. اللعب حلاا ، الكارطة كتفرق هنا ، الروليت كدور لهيه و الرهان زايد و كيعلى... حس بجيبو كيتهزز و جبد طلفون كيشوف .. نوكيا دالزمن الجميل تهرس بيه السكر و هو مايتهرسش ، تنهد كيتمتم و يسب غي تحت شنايفو ناض مكره و بعد شوية عليا الصداع باش يجاوب

احمد: مالنا اش كاين لاش معيطة!! الفيكس غالي غاتخلصيه نتياا؟

ميرا: صونيت نسول فييك راك تعطلتييي فففف

احمد: راني مقصر مع ناس ديال الجمااعة .. قطعي و نعسيي التيليفوون غااالي قطعييي ..

قطع كيسب و ضار داخل تاني تا ضرب فكتف واحد شاف فيه بنص عين و زاد ..

احمد: بففف .. براهش اليوم تا هوما ولاو يجيو يقمرو هه....

حطت داك الفيكس فبلاصتو كتنهد و بالعة الغصة فحلقها ، دايرة شال غليض سخون على كتافها من البرد و ضارت باش ترجع لبيتها طيب نعاسها و هو لهلا يردو كاع تا كتصاظف بيها واقفة فالدروج .. ببيجامتها و محسرة لحال عمتها

ميرا: مزال مانعستي!

زهرة: يالاه كملت البحث ديالي .. عميتو نعس معاك !!

ميرا: ياالشاارفة رااك كبرتي و تا حق الشهر جاتك .. اش بقالك ماتنعسي معايا

زهرة:(حركت كتفها) غي بغيت نونسك و صافي

ميرا:(عنقتها جنب) ايلا هاكا يالاه ..  ديري اش بغيتي ولحقيني

زهرة:(بينات سنيناتها مستفات) هيهييي نشرب الما و نلحقك ...

و داكشي لي كان ، شربات الما و طلعات كطير تخشات جنب عمتها و نعسو مشاو فنوم عمييق .. عارفاتو ماغايجي تا يصبح الحال ، اللهم تخلي بنت خوها تونسها ولا تبقى بين دي و جيب فالافكار السودة و تمرض فراسها...