♡أعد لي روحي
♡غزالي
☆الفصل الرابع: نبضات رعب
☆الجزء 61
الادرينالين رتافع عندها .. كتحس بدقات قلبها كيطبلو فوذنيها و نواقيس الخطر بثت فأوصالها و الد.م هرب من وجهها ، هي براسها و قالو ليها هربي ديك العائلة ماغادييش تخلليك فالتيقار .. اما ايلا عرفوها حاملة يقط..عوها طراف طراف .. رجفت شفتها التحتانية كتقااوم ترعيدتها و شافت فاللا عيشة مزالها مزيرة على يدها .. عيشة غي من التزييرة عرفات ان فالموضووع و شافت ف فاطمة
عيشة: بلاما نشقيوك اختي .. هاهي مزيانة طيحة خفيفة ماشي شي حاجة
...: لا لا ايلا كانت شي حاجة نقومو باللازم اللا عيشة
عيشة: لا ماكاين لاش .. ايلا عيات بزاف ترجع للدار
زهرة:(بلعت ريقها) طيحة عادية واخا تقسحت مي راني مزياانة دباا .. غانجلس حدا خالتي و ماتبقاش التقسيحة
...:(تنهدت غي كتشوف) اواا اللي بان ليكم
حركت اللا عيشة راسها و جرت معاها زهرة بالمهل .. كتمشى بحالا كتعفط على الزاج و كرشها حاساها مقلوبة ، لبارح تنقيزة و اليوم طيحة قدها قداش .. رجعو دخلو للكراج وقفات صفية تسول و عيشة خرجت فيها عينيها خلاتها تبلع لسانها و ماتنطق بتا كلمة ، جلساتها على كرسي دارو بيها غي بزوج بيهم فحين العيالات مشااو و فاطمة بقات واقفة ترمقها بنظرات مامفهومينش .. تا هي مانطقات بتا كلمة بقات شحال كتشوف فاللخر مشات تبعت العيالات تا هي ، فاش سمعت باب الكراج تسد عاد تنفسات و نزلو دموعها من الحريق عاضة شنافتها التحتانية و كتأ لم فصمت .. خرجت تنهيدة حااارة من قلبها و هزت راسها فعيشة..
عيشة: الخدامة ديالهم
زهرة:(حركت راسها بآه) ماخاصهاش تشم ريحة انني كنتوحم
صفية:(تحنات عندها تا هي كتوشوش) كوني هانية .. واش مقسحة بزااف
زهرة: الروح باغيا طلع راني شادة راسي بزز
عيشة: نوضي دخلي للطواليط شوفي واش كاين شي دم .. نوضي تا نتي عينيك غي فالسماا (تنهدت محروقة عليها) ندخل معاك
زهرة:(عكزت عليها و ناضت) لا ماعليش ..
شدو فيها تا وصلوها لباب الطواليط لي كانت نييت تماك فالكراج خلاو رحمة غي كتشوف مافاهمة والو و كتزيف الكيسان .. ومات لصفية تمشي كيهضرو غا بالعينين و هي بقات واقفة و كتسنى تا خرجات عندها كتنهج و رجعتها جلست فكرسي حادر موقفة ظهرها مع الحيط و راسها معلياه للسما
عيشة: ماقلتي ليا والو!!
زهرة: شتي اخالتي وكان هاد الولد ولد الحلاال بالتنقيزة ديال البارح وكان نزل .. ولايني حيت ولد الحراام راه واخا نشرب الس..م مايوقع ليه والو ....
عيشة: يااويلي على الصكعة سكتيي يسكت ليك الحسسس .. ماكان والو الحريق صافي
أنت تقرأ
أعد لي روحي
Storie d'amoreأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
