أعد لي روحي

بارت 4

♡أعد لي رورحي
♡غزالي
☆الفصل الاول: أنا أنهار أنا أتلاشى...
☆الجزء 4

ميرا: على سلامتك السايبة..

زهرة: اوا لا حراام عليك ا عمتي واللهيلا .. مزال ماتبدي سامانثا

ميرا: مازال مابدات (شافت فيها تحت النظاظر) تغديتي ولا لا

زهرة: مزال (كتحيد حوايجها) شنو درتي الغذا

ميرا: ممم زعماا زعمااة .. شوفي فيا اا ديك عينين مووكة

زهرة: والله تا حشومة عليك ا عمتي واااه .. والله ما تغذيت غي فطرنا و صافي

ميرا: ردي بالك (تنهدت) راني غادية معاك فهبالك غي الله يستر و خلاص

زهرة:(جلست جنبها معنقاها) غي دعي معايا و صافي انا حااضية راسي والله .. و تا الدراري راكي عرفتيهم باينة فيهم ولاد الناس و عندهم اصلا صحاباتهم

ميرا:(دوزت يدها على شعرها و عنقتها) الله يحفظك و يحط فرعايتو ملي يصبح الصباح تا يطيح الليل الحنينة ديالي .. نوضي تغداي و اجي راه باك صونا قبيلة

زهرة:(حلت عينيها) بصااح !! كي داير و اش قال! غانعيدو تماا

زهرة:(هززت راسها) ممم نتجمعو فالجبل حسن (شافت فيها بنص عين) ماهضراتش معاك مك

قلبت عينيها و ناضت هازة معاها الحوايج و تهضر غي تحت نيفها

زهرة: ماما امتا هضرات معايا .. تا ترشقلها و يحزق ليها مخها عاد تسول ولا تكون مسيفطة شي لعبة عاد كتهضر

ميرا:(علات صوتها) الله يهديهاا .. واقوليلها تسيفطلك تلفون لي صارعالي راسي بيه

زهرة:(طالعة مع الدروج) وااخااا ان شااااااء الله

دخلات لبيتها البسيطة .. ناموسية ديال بلاصة فالوسط مكث ة عليها وسيدات صغار .. بيت مبهج الوانو بين البلون كاسي و الغوز فوشيا ، ماريو ديال تلاتة البيبان مع جنب الباب و طبلة المراية مقابلة معاه و اونفاص ليها مكتب عليه كتوبها .. علقات الجاكيط فالماريو و بدلات عليها ببيجامة بنوتية سخونة ، كملات الجميع و وقفت مقابلة مع المراية كتشوف فمنحنياتها الانثوية لي برزو و بداو يكبرو .. صدرها نهار على نهار كيزيد يتنفخ شوية بشوية و التريمة بدات تلولب و تقولب .. ضحكات و مشطت شعرها جمعاتو و رجعت حطت المشطة فوق الطبلة لي كانت عليها كوحييدة مع زيت للشعر و ديودرنت و باغفان صغيورة بون بون غووز فقط .. رجعت نزلات لتحت سخنت الغذا و بدات تنقل للصالون حطت و تركنت كتغدى بالمهل عين فالطبسيل و عين فالتلفزة ..

زهرة: عمتي قولي لراجلك يعطيني شي تلفوون غي نديباني بيه

ميرا: كولي كولي داك المشحاح ماعطاه ليا تا انا

زهرة: يااك كيجيوه غيي رشوة فديك الجماعة ديال الزفت

ميرا: سهريينااا راه يسمعك ليلنا مانشعلو فيه شمع

زهرة:(رمشت بعينيها) اوا تفووو .. يعطيلنا غي هاداك سامسونغ سكة ياااء غيي باش نتمووسق فالليل

ميرا: يااك عندك ام بي تروا

زهرة:(هزت حجبانها) تء .. بغيت تلفووون