أخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل...
♡ أعـــــد لـــــــي روحــــــي
بــقلــمي: غـــزلان مـــرزوقــــي
♡𝖒𝖎𝖘𝖘 𝖌𝖍𝖆𝖟𝖆𝖑𝖎
°°كـــــلــــماتـــــــــــي°°
كالنهار المشرق *هي* .. و *...
♡أعد لي روحي ♡غزالي ☆الفصل الأول: أنا أنهار انا أتلاشى... ☆الجزء 7
صباح لطيف و هادئ كلطافة الثلج الناعم لي كيتساقط بالشوية .. خرجات كعادتها مكبطة مزياان و هازة مظل فيديها ، دايرة ليكات سخونين يحميوها من الجليد و الصقيع .. غادة و كدندن بأغنية من اغاني الزمن الجميل ديال الدوزي .. وكان جا قلبك كيما قلبي تبغيني كيما نبغيك ... غادية و عايشة مع الديسك ديالها تا وصلات للكوليج تلاقات مع سعيدة فالباب و دخلو مشادات كي ريا و سكينة
سعيدة: كي داز لبارح
زهرة: ماابيهش راكي عارفة .. تمشي ليوم
سعيدة: واخر..ييت فيه اناا
زهرة: اوا تقو..دي .. ففف مصبحين على هاد الزمر ديال الفلسفة الله يخليها سلعة
سعيدة: اودي غي زيدي نسلكو هاد السويعات باشما تا نخرجو .. مزية عندنا غي مع العشرة نتلاحو
دخلو قراو سويعاتهم و خرجو كيتمايلو لقاو غي ندير لي كيتسنى امين كان باقي ناعس حيت ماعندو ما يدار ، ركبات جنبو و جرات السمطة دارتها و هو ديمارا غادي بالمهل و طالق اغنية من اغاني الشاب حسني ...
زهيرة: مالك مبوق تا صباح الخير ماتقولها
ندير:(شاف فيها عينيه حووومر) تبويييقة الصرااحة ضربتهة لبارح .. ايا سكتي و تركني لا ندور فالشيرا نتاعي
خرجت عينيها مخلوعة و قلبها بدا يدير بوم بوم ماتهنى تايفيق نيشان .. عارفاتو ما يآذيهاش ولكن الخوف كيركبها من ساسها لراسها ، وصلو و نزلات كطير خلاتو غي يضحك وراها ، دوز الحصة ديالهم من الرقص غي سالاو خشاها تحت باطو
ندير: اهضري يالخواافة تخافي مني ءءاا
زهيرة: والا ا نديير لااا عنقي .. من نيتك مانخافش و نتا عينيك دايرين بحال الشيطان
طلقها كيضحك و مشى يبدل عليه باش يمشي لحصة الموسيقى .. فحين هي بدلات و خرجات لاحقاتو كتمايل تا نتابهات للاصال ديال الباليه ، وقفات فالباب كطل و تشوف فديك المتدربة كيفاش كترقص بسلاسة و انسيابية .. طالما كان حلمها دير الباليه و لكن ماكتابش ، تنهدات كتشوف فخطواتها واخا تبغي دير بحالها ماتقدرش طبيعي حيت هي صافي عظامها ولا مرنين و متمكنة من اي خطوة كديرها .. ضارت على غفلة المتدربة شافت فيها بنظرة استغراب .. طفات الموسيقى و قربات عندها بخطوات بطيئة فحين زهرة دارت ليها ابتسامة بليدة ولوخرى قابلتها بتخنزيرة يااسلام
...:(بدارجة معكلة) شكون نتي!!
زهرة: اووبس .. سمحيلي غي سمعت الموسيقى و طليت كنشوف
...: ااوووه شدك الفضول ، ولا بغيتي تسرقي الرقصة ديالي!
زهرة:(باستنكار) نسرق الرقصة ديالك!! هبيلة نتي لا!
...: هه شنوو باغيا ديريلي فيها البريئة العاشقة للباليه لي مكتقدرش تشطحوو
