♡ أعد لي روحي
♡غزالي
☆الفصل الرابع: نبضات رعب
☆الجزء 65
جحظو عينيه و الريق وحل وسط حلقو .. مايمكنش يآذي بنت ماعندها دخل ، عانات بما فيه الكفاية بسبابو .. كيقلب بالريق الناشف كيفاش يلقاها و يعوضها على ما هو السبب فيه ، مابغاهاش تكرفس .. مابغاش يوصلها شي سووء .. مابغاش يبقى هاز ذنبها فرقبتو طول حياتو .. ابتاسم عيسى ابتسامة شيطانية حيت عرف كيفاش يسكتو و يلوي ليه ذراعو ، كان كيقول ولدي ماعندوش نقطة ضعف مانخافش عليه .. و لكن هاهي بانت ، و هاد النقطة غاتخليه سهل المنال للعديد من الأعداء ، اللهم يحايدها من دبا و يتهنى .. بعد عليه بزوج خطوات باقية نفس الابتسامة على وجهو فحين أسيم حمار تا قرب يطرطق منو الد م و زوج عروق برزو فجبهتو .. بدا ينهج كأنو فمراطون و لا فحصة لرفع الأثقال ، شاف فيه بعيونو حوومر بحال الجمر و الرمادي ديالهم توهج و رجع اكثر لمعان .. نقدر نقول يبثو الرعب فبنادم ، غوت تا بح حلقوو و بدا يهزز يديه و السلاسل كيتحركو تا بداو يتهززو من السقف..
أسيم: نقسم باللي خلقني و خلقك وكاان تمس شعرة منها اناا هو لي غانكوون دماار الامبراطورية التافهة ديالك
عيسى:(خنزر فيه) هاد الامبراطورية التافهة هي اللي معيشاااك .. لي دارت ليك هاد الكتاف و هي لي كتعطيك باش تمشي تمارس هواياتك و تهز الفلوس باش تقمرر
أسيم: بربيي ا عيسى تا ندمرها و نجيبها فالحضيض .. بربييي الكريم وكان تمس شعرة منها بربي تا ندمرك و نجيب اخرتك
نهج و مور ديك التكشيرة رجعو ملامحو عاديين و ظهرات ابتسامة خبييثة جانبية
أسيم: و راك عاارف مزيان أسيم ايلا قال الهضرة راه يقد بيها اضعاف مضاعفة
شاف فيه شوفة مطولة كيغزز سنيه و مكمش يدو حس بالسكر بدا يطلعلو .. مسح على وجهو و غوت بأعلى صوتو زاااك تا دخل الكارد و وقف جنبو
عيسى: كمل ما بديتيه .. مايخرج من هنا تا نقول ليكم (شاف فأسيم) جرب تهرب مرة خرى و تشوف اش غايوقع .. بيدك كولشي .. بغيتي زهرة ، كمل قرايتك .. مابغيتيهاش ، دير شي حركة و انا غانحقق الرغبة ديال السي ولدي
نطق بكل بروود و جفااء دالين على قلبو المتحجر .. رمقو بنظرة اخيرة و خرج خلاه متبعو بنظرات شيطانية و رجع كيغزز سنييه ماكرهش يفرتك هاد الحزااق كاامل .. زير يديه على السلاسل و السوط كيشبط فظهرو ضربة مور ضربة تا ظهرو تد مى بكثرة الضر ب .. و زاك مارفش ليه جفن كيدير خدمتو كيف تطلبات منو تا ظهر أسيم مابقاش يبان بالد.م عاد حبس .. رجع السوط بلاصتو و شاف فأسيم كيفاش فشلان و ركابيه خواو بكثرة الضرب و خرج مخليه هاكاك...
******
مالاحظتوش عنوان الفصل تبدل! كي جاكم الحاج عيسى و التعامل ديالو مع ولدو؟ هادشي راه غي نقطة فبحر مزال الاجزاء الجايين ايبينو ليكم شحال من حاجة و حاجة .. اياي فاطمة و زهرة خليناهم حابسين فلقطة مووهييمة .. تصبحو على خير حوبانات 💜
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
