أعد لي روحي

بارت 27

♡أعد لي روحي
♡غزالي
☆الفصل الأول: انا انهار اما اتلاشى
☆الجزء 27

خرجها معاه للجردة ضاير بيها الصور قدو قداش و الشجر فكل بلاصة ، مشى لسام كانت مربوطة فشجرة بقى يدوز يدو على راسها و هي فرحانة .. شوية بدات تهززو و كتعلي رجلها و ضربها مع الارض بسبب قرب زهرة ليها .. خزر فيها اسيم و نطق

اسيم: شوووت سااام .. اغييت

رجع يدوز عليها يدو و ومى لزهرة تزيد تقرب .. جرها شد يدها الرطيطبة بين يديه و بدا بيها يدوز على راس سام تا بدات تسانس و بقات تضحك ، ظهرها لاصق مع كرشو و راسها فنص صدرو .. تحنى شوية و اشتنشق عبقها الأخااذ ، عبق طبيعي ممزوج بريحة الكوك لي كانت فالشمبوان .. خرج تنهيدة مرعودة و بداو تاني الأفكار يضاربو فدماغوو .. نهار خذا زهرة فعلا ماكانش عارف اش يدير بيها .. غقط كانت تجربة جديدة بغى يجربها و صافي .. بغى يحس بداك الشعور ديال انك تمتلك انثى ، ديرها تحت يدك و دير فيها مابغيت .. غير هو زهرة دايرة بحال شي فريميجة ، نونوسة و داكشي لي كان ناويه ماقدرش يديرو عليها .. مدللة و رقيقة بحال الثلج الناعم ، رغم صغر سنها الا ان عقلها قدو قداش .. رزيينة و صبااارة ، بلا قوامها الانثوي لي بدا يبان .. واخا صغيرة فايخة و تعطيها كبر من عمرها .. رجع خرج تنهيدة اخرى و شعرها القصير كيتهزز مع النسيم الناعم البارد .. نظف حلقو و نطق

اسيم: اجي معايا ندخلوها للإسطبل .. ركبتي على شي عود من قبل

زهرة:(زهززت راسها بآه) كان عند بابا واحد فاش كنت صغيرة .. و لكن مات ، فاش مات ليه بابا مرض بزاااف ماقدرش يستحمل فراقو حيت ربى عليه الكبدة و حلف مايربي شي عود اخر

اسيم:(تنهد) فغيي .. فاش تربي الكبدة على شي حيوان و تلقااه هو نيت يفهم على بنادم .. صعيييب تسخى بفراقو (شاف فيها) تركبي عليها

زهرة: فرس هادي

اسيم: سي فرس

زهرة: لا نخاف طيحني

ما جات فين تكمل هضرتها تا كان خطفها حطها على ظهر سام و نقز جا موراها .. غوتات بالخلعة شادة على صدرها فحين هو ضرب برجلو على مؤخرها و زادت بيهم سام على مهلها ..

زهرة: فوقاش تخليني نرجع!!

اسيم:(تنهد) قرييب انخليك تمشي فحالك .. ماشي دبا ولكن قررييب

زهرة:(بعيون ذابلة) علاش عيشتوني فبحال هاد الجحيم !!

اسيم: قدرك هو هادا .. قدرك لي خلاك طيحي بين يدي

زهرة:(هزت راسها خطفت نظرة فيه و رجعات نزلاتو) عييت نفهمك و ماقدرتش

اسيم غي ريحي داك الدماغ ماتفهمينيش حسن ماتفهميني (نزل و نزلها معاه) جاك البرد ولا نضربو ضويرة

زهرة:(كتفرك يديها مع بعضياتهم كترمش بالثقالة و تشتت نظرها) نضربو ضويرة

هزز راسو و بداو يتمشاو على داك الغطاء الثلجي بعدما دخل سام لداخل محايد ليها اللجام و السرج و خلاها ترتاح .. كانو عينيها هي غي فداك البياض لي ضاير بيهم و  داير بحال قلبها .. اما هو فعينيه عليها .. و منين يبداها ، و كيفاش يدخل ليهاا ..