أعد لي روحي

بارت 18

♡اعد لي روحي
♡غزالي
☆الفصل الاول: انا انهار انا اتلاشى
☆الجزء 18

تنهد و وجهو جامد ماعليه تا تعبير ، تا شعرة ماتهزت فيه .. اشمن طينة هو!! فالعشرينات من عمرو ، باقي شاب صغير و يالاه بادي فهاد الحياة .. و لكن ماعندو لا قلب لا احساس لا مشاعر ، كانو تربى فمجمد او فشلال جليد .. ماشي بعيد كاع فالقطب الشمالي او الجنوبي بسبب هاد البروود لي مكتاسحو .. برودة دم .. برودة اعصاب .. برودة احاسيس ، مابقاتش فيه ، ماقالش حرام عليا على هاد العذاب النفسي لي كندير ليها .. بحالا كيتلذذ بدموعها ، و يتنغم بشهقاتها و يتنشوى بخوفها و رعدتها .. ناض كيتمشى بالمهل ، داير يديه فجيابو .. و الساعة كدير صوتها المزعج لي كاسر داك الهدوء .. تيك توك .. تيك توك .. تيك توك .. مشى لفونوغراف كبييير ، هز اسطوانة و دارها .. كانت لموسيقى الجااز الهادئة بالساكسوفون .. وقف قدام السرجم ، و دوز الريدو كيشوف فالثلج كيتساقط بهدوء على الارضية .. بينما كلامها كيدور و يتكرر فمسامعو ، تنهد و بلا ما يدور نطق بجمود ، مع كل كلمة مع دمعة كتزل من عينها .. و طيح على قلبها كتشويه

لاغتيست: سبابك راجل عمتك .. قانون الربح و الخسارة هو هادا ، ماعليك غي تقبلي قدرك و دخلي فكرة انك ملكي لدماغك .. ماشي انا لي نسمح ليك ترجعي فحالك ، انا ماشي ملاك .. و لي مبلي بالرهان عارفاه مزيان كي كيكون داير فقضية الفلوس ..

زهرة:(سدت عينيها مزيرة و نطقن بمرارة) اش غادير لياا

لاغتيست:(مزال عاطيها بظهرو) مازال مابان .. داكشي على حسابك نتي .. واش مقلقة على روحك ولا لا

زهرة: يعني ماكاين امل اني نرجع لدارنا

لاغتيست: من خلال محادثتي معاك تبين ليا انو عقلك كبير و ناضج .. نساي شي حاجة سميتها عمتك و داركم ..

زهرة: ايلا هاكا كنتمنى نمو ت و مانبقاش تحت رحمتك

فور ماسمع جملتها الأخير دار ابتسامة عجيبة مرعبة و ضار نص ضورة هاز حاجب واحد .. خرجت قهقهة خفيفة و نطق

لاغتيست: مانردوهاش فوجهك النونوسة ..

رجع لعندها بخطوات بطييئة و بدا يهضر بصوت جاف دخل فيها الرعب كثر و كثر

لاغتيست: ممم نحققو ليك رغبتك و لكن فلول وحدة مزال فييغج ماغايفلتها تا واحد ، اي سعودي تعرضها عليه ولا شي بيدوفيل غايحط الملاين (تحنى عندها و خفض صوتو) باش يفض بكرتك و يغتا صبك

هربت وجهها كترعد و زادت كمشت رجليها عندها .. فحين هو هز بضع من خصلات شعرها و حطهم

لاغتيست: موراها نقدر نحطك فأي ملهى ففيغاس كمغنية و تا راقصة علاش لا .. سمعت صوتك داك النهار زوين بزااف (فرقع صباعو) لغة غريبة ولكن وااعرة فاش غنيتيها مممم شنو كان سميتها .. اااه كنتي تقولي .. ڤآڤآ اينوڤا ياك

هزت راسها مصدومة كتبلع ريقها كتساائل امتا سمعها مرعوووبة و هو كمل

لاغتيست: فمدة اسبوع غاتجيبي ليا الثمن لي تراهنت عليه انا و راجل عمتك .. تما عاد يمكن ليا نحقق امنيتك ، و فاش تكوني جث ة (دوز يدو على شفرانها) عيونك .. (حط يدو على صدرها) قلبك ، كبدتك .. كلاوييك .. كولشي صالح للبيع ، و غي بيك نتي نقدر نرجع ملياردير بين ليلة و ضحاها...