أعد لي روحي

بارت 44

♡أعد لي روحي
♡غزالي
☆الفصل الثاني: في ديسمبر تنتهي الأحلام
☆الجزء 44

شربو داك اتاي جاب ليها كاشة تكمشات تاهي .. ديجا كانت غي بالبيجامة ، تكمشات و الشوفو مشعوول مسخن ليهم الدعوة و التلفزة مونساهم .. كان ديجا موجد طبلة ديالو بسوية حشـ ـيش خلطو مع المعسل ديال الشيـ ـشة و كيشيش ، قريعات ديال الشر اب و القطعة بالشكال و النواع .. مرة مرة كيبغي يتكونسونطرا غيي راسو مع راسو يوجد ديك الطبيلة و يجلس يشيش و مخوو رااه يبيع و يشري ، الدراري بحال امين رااهم ضاربين الدنيا بركلة و لكن فنفس الوقت عارفين اش تابعهم .. واخا يضحكو و ينشطو و يديرو المناتيف جملة ، و لكن عندو القراية هي القراية ضروري المونسيون باش يشد بلاصة باه فالشركة و يكمل عليه المشوار .. بقى يبقبق و الدخاخن كتلعب فالهواا و مرة مرة يجغم من قرعتو لي يالاه حلها ، اييوا الممنو..عات كاينة .. و التيتيزة حداه و الشيطان حاضر غي الله يحضر السلامة و صافي ، راسها بدا يدوور و كيوجعها وجع فشيي شكل ، ضروري حيت الشيشة مخلطة بالحشـ..ـيش انسبيرات الدخاخن و بداو يدوخوها .. غي فبلاصتها بدات ديها عينها بقات بين الوعي و اللاوعي .. و امين راااه شاد فيلم ورا فيلم تا تناصص الليل و السكرة شدت فيه بالبيان ، ندير كااع مابان مللي خرج .. ناض كيحك فحجرو مشى للدوش قضى حاجتو و خرج حيط يضربو لحيط فالظلام غي الضو التلفزة و الشعى لي دايرو الشوفاج هوما لي مضويين الحالة شوية .. شاف جهتها و قرب كيحك راسو ، جلس حداها جر عليها الغطى و طاح عليها ببوسة فخدها فيقتها طافجة .. ناضت جارة عندها الكاشة مخرجة عينيها فيه و هو كيتمايل و ريحتو كتقلب بالشر اب

زهرة:(كترعد) اميين مالك

امين: غيي بووسة وحدة و صافي

زهرة: اميين ماراكش فعقلك سير تنعس

امين:(كيتمايل و هضرتو كتخرج بزز) وااغيي بووسة وحدة و نمشي نعس مااالك ا صاحبتي هيييي (شدها بزز)

زهرة:(غاتبول على راسها و قلبها كيزززددححح) الله يخلليلك ميمتك لاما بعد علياا هالعار ا اميين مادييرش فيا هاكاااا

امين: وااتتييي مااالك بحالا غانااكلك ماال طبــ..نمك زكاااي فبلاصة وحدة

بدات تجاابد هي و يااه باغي يبوسها بزز و يديه تماداو و تمردو عليها بدااو يمشيو لبلايص محظوورة لكن شدااتهم بزز كتبعدو و تبكي .. باراكة غي الجرح لي باقي كينزف لي خلاه ليها لاغتيست ايلا كمل عليها امين غادمر .. المو ت غايكوون اهون ليهاا والا هاد الحاالة لي غاتعييشها .. تجابدت معاااه بالمزيان و حيت كان سكران كااان مرخيي دغيا دفعاتو عليها طااح و نااضت بالزربة كتعطر ، عكلها التيو نتاع الشيشة تا طاحت تشخشخت و طاحت عليها الجميرة حرقاتها شوية فرجلها زواتها .. زمت شنايفها دموعها هبطو بالحريق و هربات خلاتو تابعها تا وطى على الزاج دخل ليه فرجليه و جلس كيسب و يرعرع غي رااسو ماقادرش يمشي على رجليه.. اما هي هزات جاكيط من طرف لبساتها و طلعات البروتكال دغياا دغياا و خرجات كطيير هاربة ، دارت الطربوش و عطات رجليها للريح فالزناقي و نصاص الليل ، راسها كيفتل عليها .. و قلبها كيضرب بالجهددد تقول غايسكت ، وقفات فوسط الطريق تائهة وحيدة متشردة .. كدور فبلاصتها مخلوعة و اينا طريق تشد ماعرفااتش ، نواقيس الخطر كدق فعقلها و كتبلع فريقها تالفة .. تبتت راسها ماخاصهاش تنهاار او طييح.. مابانت ليها غيي المحطة طاارت ليها على رجليها كدور بين الشوارع و حااضية رااسها كدور غي مع جنابها و اي صوت سمعاتو كيقفزها .. كتقوول هاهو غايشدني شي واحد يتعدى عليا ، الرعب لي عاشتو و لي باقا كتعيشو هدها و قسم ظهرها .. قربات للمحطة مابقالهاش بزاااف و من زهرها تلاقات مع اول كار بان ليها خارج وقفاتو كتشير و تبكي ، وقف و هبط ليها الكريسون كيشوف فحالتها و هي كترعد

...: فين باغا تمشي ابنتي

زهرة:(كتنهج و ترعد بالخلعة عينيها ماتابتينش) فاس .. هاد الكار غادي لفاس!!

...: ماشي لفاس و لكن نحطووك فطريقنا .. عشرين درهم ابنتي

طلعها و هبطها و هي غي كتفتف فديك الجاكيط الكحلة ، مادا ماجاب بلي ديال الدراري و لكن حالتها كدخل الشك .. و لكن تاني قال بنت من دوك البناات الله يهدي ماخلق ، ماباينش عليها كاااع عمرها الحقيقي .. طلعات فدوك الدريجات كترشح بنيفها و تقلب فالجياب و غي دور فعينيها مخلوعة .. تحسسات البزطام و عطاتو بالظهر كتقلب فيه تا شقت ابتسامة صغييورة طريق لخدها فعز ازمتها لقات باش تسلك راسها و تحرك ، جبدات الفلوس خلصاتو و قلبات على بلاصة خاوية تركنت فيها بيما وصلات لفاس و تشوف حل لحريرتها ..

♡♡♡
اواا تصبحوو على خيير .. قولو باااز برعتكم اجزااء .. اوووه ياااس تبارك الله علياا انا خطييرااا
اوا تحركو البنااات وااااه غانبدا نهرنن عليكم هناا .. بغيت اللايكات و التعالييق فووحروني فووحروونيي نفووحركم