أعد لي روحي

Part 66

♡أعد لي روحي
♡غزالي
☆الفصل الرابع: نبضات رعب
☆الجزء 66

قلبها مشى و جا دار بووم وسط صدرها ، تنهدات الحروف حاصلين فحلقها تا قفزها صوت عيشة لي شافت فيها و قلبات عينيها لفاطمة دارت ليها ابتسامة ديال بزز

عيشة: مزال راكي هنا! صفية كتسناك

زهرة: هاني غادية (شافت ففاطمة بلؤم) بسلامة

عطاتهم بالظهر خرجات مع باب الكراج خلات عينين فاطمة تابعينها و عيشة حاضياها بنص عين .. تنهدات و تبعات زهرة لي غادية بالمهل غي وصلت عند صفية حسات بيد عيشة عنقتها

عيشة: ياكما لسانك تسل

زهرة: لساني لاجماتو .. مارانيش ساخية بحياتي

عيشة: الله يرضي عليك و يحفظك .. يالاه سيرو و حضيو راسكم (خاطبت صفية) ديها فالطاكسي ماتخليهاش تمشى

صفية: كوني هانية اخالتي

خشات يدها فيد زهرة و شدو الطريق راجعين للدار ، خرجو للشارع الكبير باش ياخذو طاكسي دغيا دغيا .. شميسة بااردة خارجة من ورا الغيوم ضاربة فيهم ، و ريح خفيف كيلمس بشرتهم و يلعب بشعرهم بلطف جميل ... تنهدات كتشوف ساهية كتحس بالداخل ديالها فاااارغ .. تعيى توصف احساسها ماغاتقدرش ، مشاعر متلبدة مخربقة باردة .. فقط فرااغ هادشي لي حاساه سيتو ، تنهدات صفية كتهزز فيها واقفين قدام واحد الشجرة و هي كااع ماراها هنا سااهية

صفية: الزمررر فييقييي

زهرة: هممم هااني شنوو

صفية: جاني العطشش .. يالاه نمشيو عند داك مول الليمون بغيت شي كاس ديال العصير

زهرة: سيري انا نتسناك هنا مافياش لي يتمشى

صفية: عندااك تحركي من هناا والله تانفرعك

زهرة: اوا صاف ا صاحبتي غي سيري ياااه

قطعات صفية الطريق هازة جلابتها مخلية زهرة متبعاها بعينيها ،شي مرات فقط ذكرى تخليك تقلب رأسا على عقب ، شخص .. هضرة زوينة ولا خايبة ، ابسط حاجة توقعلك تخليك تقلب مية و ثمانين درجة و حياتك تشقلب .. جمعات يديها ضورات وجهها باغا تكحز للظليلية تا كتجي عينها عليه ، حست بمعدتها تقلبت و ركابيها خوااو ..بغات تحرك ماقدرااتش رجليها ولاو بحال زوج كتل من الملح الثقيل .. شهقة طلعت من صدرها مع دموع نزلو مسرسبين مغطيين حنوكها .. الرعب دب لثاني مرة فأوصالها تا حسات بالبولة غادي تهبط ، تخبات ورى الشجرة تاالفة و باها قريب ليها بزااف هبط من واحد الفاركونيط بجلابتو الصوفية سخوونة و الشاشية على راسو .. تنهدات عاضة على شنايفها كطل في بنص عين غي شافتو دخل لواحد الحانوت طلقات رجليها للريح ، كتمشى قاطعة الطريق لعند صفية و تزرب و دوور موراها خايفاها لا يقشعها تا قفزها صوت الكلاكسون بييييييييييييييييب و وقفات مجمدة كتشوف فديك الهوندة جايا ليها نيشان....