أعد لي روحي

بارت 63

♡أعد لي روحي
♡غزالي
☆الفصل الرابع: نبضات رعب
☆الجزء 63

كملو شغالهم بين دي و جيب فالهضرة و التقشاب و زهرة مرة مرة طربهم بشي موال تا كيجيو مالين الدار كاملين يطلو عليهم و يرجعو .. عيشة بقا بالها غي معاها، خايفة لاتكون وقعات شي حاجة للبيبي و هوما لا خبر و يطراو ليها مضاعفات لا قدر الله .. تنهدات كدعي فسرها ربي يحفظ و زهيرو حداها مرة مرة تشد فظهرها من الحريق ، مسحت يديها فالفواطة و وقفات كتشوف فيها

عيشة: نوضي رجعي للدار

زهرة: لا لا ماعليش غي خليني..

عيشة:(خرجت فيها عينيها) قووولت ليك نوضي .. و تكمشي فبلاصتك راه البرد ، هااوذني منك ديري شي حاجة

زهرة: والاااا خليني نقابل دجاااجيي

عيشة: دجاجك طاب مابقى ماتقابلي فيه ، صفية نوضي معاها و رجعي نتي و طامو

زهرة: و تخليوني بووحدييي

عيشة: مالك غاتموتي!!

زهرة: والا كنخاااف نبقى نتخلع ا عويشة

عيشة: نتي بروووحك لي يشوفك يقول بسم الله الرحمان الرحيم .. الجنون كتخليعهم ماشي هوما يخلعووك ، نوضي تحركي سيري ترتاحي

زهرة:(بدات تنطر) بفففف وكان من لول بقيييت والا هاد تماارة

خنزرت فيها عيشة تا مابقالها مااتقول و ناضت بلا هواها تقلب على جلابتها تلبسها .. تنهداات كتلوي واحد الشال على راسها على شكل شدة و مخلية شعرها من لور مطلووق ، جات خارجة من داك البيت تا شداتها يد فاطمة غي شافتها بدات دور فعينيها و البولة غاتهبط ليها بالخلعة

فاطمة: زعما ماقدرتي تا تسلمي عليا!!

زهرة: ااا ءء لااا .. حاشااا .. كيدايرة لاباس عليك؟

فاطمة:(باستهزاء) تا لدبا!!

زهرة: ماكنتش متوقعة نشوفك و صافي (قلبها كيردح) لي وقع ليا معاكم كان ر عب

فاطمة: عارفاني انا ماباغية ليك غي الخير و هربتك من يدين عائلة السيد الصغير

زهرة: و انا مانكرتش هادشي .. و لكن خوف انو شي نهار يلقاوني منغص عليا راحتي

فاطمة:(طبطبت على ذراعها بحنان) ماتخافيش .. اصلا ماشايفينكش باش يعرفوك و يتبعووك

زهرة: و لكن الخدامات و نتوما عارفيني

فاطمة: تا واحد ماغايوصل شي حاجة .. نتي بعييدة كل بعد

زهرة: ولكن وكان ماشي راجلك كان ممكن أسيم باقي هنا .. و يمكن كون خذاني معاه ولا لا

حلات عينيها على جهدهم مصدوومة!! كيفااش عرفات بللي محند هو لي وصل خبار أسيم لباه تا تنفى؟؟ تنهدات مالقات ماتقول و نزلت راسها فحين زهرة جرت ذراعها من يدها غادية فحالها تا وقفها صوتها

فاطمة: مادارهاش بالعااني .. كنا باغيين غي مصلاحتك

زهرة:(ضارت شافت فيها مخنزرة) مصلاحتي كانت معااه هو

فاطمة: واليديه ماكانوش غادي يخليوك فالتيقار

زهرة: ندبرو محاينا وكان غي مادخلتووش نتوما

فاطمة:(شافت فيها بتشكيك) واش كاع داكشي لي دار فيك السي أسيم نسيتيه و عشقتييه هو ولا كاين شي سبب اخر!!