أعد لي روحي

بارت 19

♡أعد لي روحي
♡غزالي
☆الفصل الأول: انا انهار انا اتلاشى
☆الجزء 19

طلعت شهقة صغيورة و كتمتها فالأخير .. طاحت فواحد مريض نفسي مايحايدهاش ليه الطبيب ، تنهد و رجع جلس فبلاصتو بعدما خوا ليه كاس من مشروب كحولي مخفف .. ويسكي .. جغم من كاسو و نطق بجفاء

لاغتيست: كي جاتك لافيغ مربحة ياك

رجعت نزلت راسها كتقول غي امتا يسكت ، امتا يرحمني و يهنيني بسكاتو والا هاد العذاب النفسي لي داير ليا .. عند بالو كيهضر عادي ، و هو راه عصف بالرعب فوسطها .. نحنح و ناض لواحد البلاكار جبد منو زوج حبات دواء .. واحد فيتامين و لاخر منوم ، عارفها و شامها مزياان غاتلعقها ديال الصح .. حطهم ليها فكفها و خوا ليها كاس ديال الما كان طلعو قبيلة فاش كانت كدوش

لاغتيست: شربي هادو

زهرة: ششنو هادو (هزت عينيها الدامعات فيه) اشنو هو ذنبي

لاغتيست:(تنهد) ذنبك هو عندك واحد بحال راجل عمتك و طحتي فواحد بحالي .. شربي و نعسي هادا غيي دوا ، و انااا .. ماساخياش عليا حياتي ندوزها منفي و منبوذ و نديير ذنب و فعلة شنيعة انا فغنى عنهم

عقدت حجبانها كتحلل فهضرتو و خذات داك الدوا شرباتو حسن مايشربو ليها بزز .. عيشها ففيلم رعب بسبب هضرتو ، تنهدات حطت الكاس جنبها فحين هو دار يديه فجيابو و نطق

لاغتيست: كي سميتك!

زهرة: احممم .. زهرة

لاغتيست: زييهراا .. زوين

زهرة:(عضت شنافتها و رمشت فيه كتررعد) ووو ونتاا

لاغتيست:(شاف فيها بعيون مبسمة و هز حجبانو) اسيم .. انا اسيم

حركات راسها مالاقية ماتقول و مالاقية ماتسول .. تهدااات و عيااات بكثرة البكى و بهاد الاحداث لي وقعو ليها فهاد الساعتين فقط ، تسمع الدقان فالباب .. طرقات خفيفة متوالية خلاوها تقفز بالخلعة تجي واقفة ورا ظهرو ، و بدون شعور شدات فيه و كمشت قميجتو فيديها مخبية وراه و محتامية بيه .. محتامية بالخطر نفسو ، تصرفات بدون عقل و بدون سابق انذار .. تصرف واحد خلا الصفارات يصفرو فوذنيه .. حراام عليه يدير فوحدة بحال هاكا و يعذبها هاد العذاب النفسي .. مادارت ليه وااالو .. ماعندها ذنب ، و ماعندها دخل لا بيد لا برجل .. تنهد كيحك جبهتو و عطى الاذن بالدخول ، دخل الخادم ديالو غي شافتو زادت تكمشت فيه كتقفقف و بدات تبكي بكاء كيقطع فالقلب .. بلع ريقو و شار للخادم باش يخرج و داكشي لي كان .. عطاه اش كان فيديه و مشى ، غي شافتو خرج بدات تهدن و بعدات عليه رجليها ماهازينهاش

اسيم: هادا غي الخادم ديالي .. ماعندو مايدير ليك والا يقرب ليك ماتخافيش

حركت راسها بآه و مد ليها شاصية فيها بعض الملابس ، فيهم الجديد و فيهم القديم و تا من البوط و بانتوفة جابهم .. جبد ليها بيجامة سخونة على ذوقو و عطاها ليها ..

اسيم: هاكي لبسي من البرد .. و نعسي ، غذا نكملو حديثنا

زهرة: شنو هو مصيري معاك!!

اسيم: ممكن نقولو مصير عصفور مغرد فقفص ، دايرة بحال شي كناري .. مستمتع بشوفتك و نتي فقفصي ، و فنفس الوقت مهلي فيك و مانآديكش .. كوود نايت

غمزها و خرج مخليها فمحييط هايج موجة تديها و موجة تجيبها .. مرييض و غايمرضها ، لي فهمات ماغايآذيهاش .. بمعنى ماغايقتلهاش .. و لكن ، غايجي نهار لي تغلب عليه غريزتو و يتعدى عليها !! ولا غايخليها تمشي فحالها .. تنهدات و الدموع رجعو نزلو من قهرتها ، وكان غي كانت عمتها تماك .. وكان غي بقات فالجبل فعين اللوح ، وكان غي بقات مع باها .. وكان غي لقات ندير و امين يوقفو معاها و يرجعوها .. وكان وكان وكان و بزااف ديال لوكان ، و لكن فاش كتقدر الاقدار .. كتمشي كيفما مقدر ليها تمشي ، و ماكاينش لي غايوقف فطريقها .. تنهدات كتلبس عليها داكشي دفدفاات راسها مزيااان و تكمشات فداك السرير الكلاسيكي ، كيفاش لحق يوجد هادشي كامل!! تنهدت راسها مصروع بكثرة التفكير ، و لكن غفات دغيا دغيا بسبب المنوم لي عطاها

°°°°°
الديسك لي كان فالفيديو سميتو "فافا اينوفا" نفسو لي غناتو زهرة مع ندير .. هاد الديسك عندي معاه ذكرياااااااات هوما