أعد لي روحي

بارت 3

♡أعد لي روحي
♡غزالي
☆أنا أنهار أنا أتلاشى
الجزء 3

وصلو لمعهد الموسيقى و الرقص بمدينة فاس .. المتنفس فين كيحررو الطاقة السلبية بالنسبة ليهم و يخرجو بروح جديدة ، ندير داير الموسيقى و الرقص بزوج .. اما زهرة دايرة الرقص فقط ، دخلو للاصال الرقص الكلاسيكي مدخلين معاه شوية بال روم دانسينغ و مرة مرة كيقلبوه لاتان دانسينغ .. هوما و هواهم ، كانو ديجا بدلو حوايجهم و تصافو كل كوبل مشادين مع بعضياتهم و كيتعلمو لأساسيات الرقص الكلاسيكي لي كان فالعصر الفيكتوري .. كيميلها معاه بكل سلاسة و انسيابية متناغمين فخطواتهم و حركاتهم بزوج بيهم ، ماكاينش قضية وطى عليا نوطى عليك نهاائيا .. سالات حصتهم بتصفيقات من الكوتش و دخلو للفيستيير لي كان فنفس لاصال..

ندير: غاتبقاي معايا(لاح يدو على كتفها)

زهرة: لا لا خاصني نمشي عيقت على الكوتش ديال الموسيقى يقولي مامشتاركاش هنا و كتحضري.. و اصلا راها الزوج هادي .. غانشوف شي واحد من الدراري يطلعني معاه

ندير: ايلا هاكا تهلايلي في روحك .. لاسيونص الجايا مايكونش و بقاي معايا

زهرة: ان شااء الله .. بونكوغاج الدزايري ديالنا

ندير: يخليلي الشيرا لي تخمم ليا .. ااه و تكونيكطاي بلاتي بكري برك .. دخلي تا لطناش نتاع الليل موكة نتي

زهرة: اوا البيسي كايكون شادو الخفاش تا كيدخل ينعس عاد كنجلس انا (شيرت بيدها) يالاه يا خويا تلااح خليني نلبس تا الليل و نتقاشعو فالإميسين

غمزها كيشير بيدو هاز لافيست ديالو  و خرج مخليها تبدل و تبلاني فراسها .. زهرة فعمر الزهور ، 13 العام قريب ديرها و يالاه قالت بسم الله فالدنيا ، و لكن خفيفة و قويفزة و كطير مع الطيوور .. زاعمة و عندها ديك السنطيحة ديما خارجة ، و لكن كاانت النية و الصحبة الصالحة مزال باقية ، و ولد الناس باينة فوجهو و ولد الحرام باينة فوجهو .. كان الطبع دييييما غالب على التطبع ، خرجات من المعهد كتقلب بعينيها لعل و عسى تلقى واحد من ولاد البلاد طالعين لإفران يطلعوها فطريقهم.. و من زهرها تلاقات مع الدري مول الحانوت ديال حومتهم كان طلع لفاس يتقدى و هزها معاه فطريقو مرجعها لإفران ..

...: لالة زهيرو عاش من شافك

زهرة: حمييدة راس الميدة غبرتي علينا

حميدة: اوا غي طلعت للبلاد طليت على ماينو و رجعت ..

زهرة: كي دايرة لاباس عليهاا (كتبقشش فجنابو) حميدة عطينا شوية بيمو مالك مشحاح

حميدة: حووطي درهم و هزي لي عجبك الزين

زهرة:(عوجت فمها) يعطيك هزة .. درهم وكان لقيتها كاع ماتلقاني حداك

حميدة: اااو بحالا درهم غاتوصلك للاليمان .. انووضي من الشمش

زهرة: فييينها الشميشة توحشناها غي طل علينا .. سوك سوك و ديها فالطريق لا تصدق قالبنا هنا سووك

جمعت يديها و سهات على جنبات الطريق لي على طولها مزروعين اشجار الارز قدهم قدااش بحال الجبال و الثلج مغطيهم .. غاديين فديك البيكوب بالمهل و اغنية اطلسية مطلوقة من التراث غي شفايفهم يتحركو معاها و عاايشين مع اللحن ماحسوش كاع بالطريق تا دخلو لإفران .. حطها فالطريق تكمل على رجليها و هو زاد فحالو مخليها وراه .. وصلات للدار جبدت الساروت حلت الباب و قصدت الصالون من بعد ما حيدات لي بوط ديالها و لبست بانتوفة

زهرة: عمييتووو هانا جييت

هزت عمتها عينيها فيها كانت مكمشة فكاشة و الشوميني شاعل كيف ديما .. دايرة نظيظراتها ديال الشوف كتخدم بالكروشي واحد الشال و التلفازة مشعولة حداهااا

ميرا: على سلامتك السايبة..

ارااائكم بنوتاات