أعد لي روحي

بارت 21

♡أعد لي روحي
♡غزالي
☆الفصل الاول: انا انهار انا اتلاشى
☆الجزء 21

خبطات فخاذها خبطة وحدة فاش بانت ليها سامسونيط نتاع الذهب مكشطة مابقاتش فيها قزديرة .. غي دارت يديها على راسها عاضة شنافتها غادية جاية و احمد واقف عند الباب و يدغم تحت شنايفو

احمد: قريها و ربيها و سكنها فداارك فالتالي تشفرك و تزييد .. ما دير خير مايطرى باس ... فففف لا حول ولا قوة الا بالله الله يلقيهالها .. (سكت شوية) اوا يالاه دييير فيهم الخير و يردوهلك ببموزوي بنادم كيتسنى غي فوقاش يجبدها معاك (رجع سكت) بصح اش غانتسناو من طاسيلة الشفارة و الهراابة...

ميرا:(غوتات مقاطعاتو) وااسكااات عليييااااااا .. الناااس فالناااس و نتااا فالهضرة الخاااوية كي العيااالااات .. بنت خويااا مااديرهاااش ، بنتييي هاااديييك و انا لي مربياااهااا مطلعاهااا على يدييي ماغاتجييش نتا بزوج كلمااات تعمرلي رااسييي كتسمااااع

احمد:(صدمااتو) مااالك ماعجباااتكش الحقييقة لي شفتييهااا ءءااا .. ماقدرتييش تقبلييهاا ياااك

ميرا: حقييقة وحدة كنعرفها و لي هي نتا واااحد القمااايريي و واااحد الشلاااهبي بلعووط مامنكش زوج (شدت على صدرها جاتهت السخفة) الله ياخذ فيك الحق .. ماعرفتش اش درتي للبنت تا طجااات الله يفرجني فيك ليووم قبل غدااا

جلسات كدوح براسها و دمعتها على خدها ، اش غاتقول لخوها!! فرطت فالأمانة لي عطيتيني!! بنت صدات ماعرفتها فين مشاات و غبر ليها الاثر!!  .. تنهدت كتبكي و رجعت لبست جلابتها تمشي ديكلاري عند البوليس لعل و عسى يشوفو فيها بعين الرحمة و ينوضو يقلبو على زهرة .. خرجات الدوخة كتدي فيها و تجيب و احمد موراها كيسب و يتمتم تحت نيفو بأبشع سبان ماكان غي الله يخليلك صحيحتك ، ماخطاتش تا زوج خطوات و طاحت مغيبة قربلها كيزرب و ينوض فيها

احمد: ميراا .. اا ميرا تيي نوضي الله يهديك (افأفأف بعنف) بفففف وا مشطبة هااادي

بقى يشوف مع جنابو بانت ليه طاكسي تعاونو عليها و هزوها ديريكت للسبيطار ، من تما خلص عليها لومبيلونص هزاتها ديريكت للفاس .. عندو الربح يخسر عليها الفلوس و يشدوها فالسبيطار ولا ديرلو القوق فراسو و القضية توصل للبوليس اللهم يرصي كولشي و يتهنى فدماغو ، حطوها فبيت مع العيالات فانتظار يشوفها الطبيب يشوف الراديو و التحاليل الاخيرة باش يحدد ليها موعد للعملية .. كان مزالو بالتوني ديال الدار لابس عليه جاكيطة غليضة و سبرديلة عالية شي شويش سخونة ، داير رجل على رجل جالس حداها و هي كدمع و تشهق و ترد لقلبها .. الله يا زهرة و كيف راه داير حالك دبا .. الشمس مالت و غربات ، و الليل مابقالو والو و يطيح و تزين السما بنجومها البديعة .. تنهد كيحك جبهتو و مد ليها بنانة

احمد: يهديك الله شدي كولي باش تشدي صحتك العملية راها قريبة

ميرا: انا مزاااوكة غي قولي فين مشات

احمد: نقسم ليك بالله ماعرفت فين صدات .. انا فاش جيت لقيتها فالدار الله يرزيني فصحتي و فما عز عليا

ميرا:(هزت عينيها لفوق كترمش و تهزز راسها) اش غانقول لخويا يا ربي الحبيب .. كي نديير نلقى كبدتنا و نتهنى عليها اربي سيدي كي نديير و اش نقولو و باشمن وجه نشوف فيه .. العوينة لي عندك مشاات!!

شهقت شهقة كتقطع فالقلب و هو غي يدور فعينيه و يسوط .. كي غادي يدير يسكتها ، بعدا حلف ليها و حيد اللومة عليه و فراسو راه ماحلفش على الكذوب .. فغي فاش ولا للدار كانت تما و فغي ماعرفش فين خذاها لاغتيست ، الشيء الوحيد لي بقى ماقالوش ليها هو بيدوو سلمها للاغتيست و بيدو رماها لجهنم ..