أعد لي روحي

بارت 5

♡أعد لي روحي
♡غزالي
☆الفصل الأول: أنا انهار انا أتلاشى
☆الجزء 5

العشية تعاشات على المنطقة الأطلسية و جبال الأطلس ، و بحة رائعة كتصدح بأجمل المواويل الاطلسية الامازيغية كتردد بين الجبال .. كغالبية افراد المدن الصغيرة كولشي يكون مخشي فدارو .. خصوصا مع البرد و الشتا و الثلج كوولشي مكمش و كولشي مخشي فكاشة شاد التلفزة و راه ساهي معاها .. كذلك الحال بالنسبة لزهرة و عمتها ، كل وحدة شادة سداري و كيتفرجو لمسلسل مكسيكي .. الثلج كيطيح رقييق برا و الهدوء .. الشوميني مشعول طالق ليهم السخونية ، و صينية نتاع اتاي مشحححرر فيه شوية زعتر و زعفران حر محطوطة قدامهم كل وحدة تكوس فكاسها ، ميرا العينين فالتلفزة و العقل مسافر و زهرة عايشة كل نهار بنهارو .. حياة رتييبة و روتينية غادية بهدوء ، بحالها بحال اي بنت تزادت فالجبل .. تربات و عاناات مع البعد و البرد و قلة الشي ، تا نهار لي قتارحت عمتها على باها تديها معاها لإفران تربيها تقوم بيها و تقريها عندها .. خصووصا فاش طلقو الواليدين و بقات هي فالوسط ، و كملات و جملات فاش حركات ماماها للطاليان مع صاحبها .. و بقات زهرة الزهرة الصغيرة الرهيفة وحييدة بدون حنان الام ، مالقاتو غي فعمتها لي بدورها تحرمات من نعمة الاولاد و مالقات غي بنت خوها تفرغ فيها العاطفة ديالها و عشقها و تغمرها بحنانها ...

تسمع الباب تسد و ناضت ميرا كتقاد فبينوارها باش تنوض فحين زهرة عااايشة مع المسلسل سامانثا كاع ماداياها فاللي ضاير بيها

ميرا: على سلامتك (شدات من عندو ميكة عامرة بالديسير) كي داز النهار

احمد: كي اللي سبقو .. تمارة و صافي .. لالة زهيرو مكمشااا

زهرة: ماكاين مايدار .. اللهم نتكمشوو

احمد: لساانك ماضي يا بنت نسيبي لي يشوفك على هضوورك و فورمتك مايعطيك طلاطاش لعام

زهرة:(تحت نيفها) شافنا ربي و ملوكو ماشفنا عبد مشرطين حنوكو .. خخ تف تف الله يخليها سلعة

احمد: ااش كتبرغمي تماا

زهرة: واالو اعمي احمد .. غي بغيت نقول هو ايلا بغييتيي تعطيني داك التلفون .. داابااا انااايااا فاش كنمشيي لفاااس ، كنبغي نعيط لعمتييي و هوااا تليبوكاات مكنلقااهمش حدااياا و تااا تيليكاارط قلييل .. قلت ديبانيني بداك التلفوون تا يحن الله

احمد: تتيي مال مك اي ضربك ضربك على التلفون ءءااا

زهرة:(ميقت بعينيها) صاافي صاافيي بنااقص اعمي بنااقص

عوج فمو فيها فحين ميرا غي كتشوف النهار النهار و هوما متناكرين بغيت تلفون لاااش هاد التلفون .. التلفون ماداروه تا الكبار بقى غي لبرهوشة عندها 13 عام ديرو ، مشات للكوزينة وجدات الكوطي و زهرة كدور بجنابها توجد معاها ، كلااو و تجمعت الطبلة .. غي كملت غسيل المواعن طارت للبيت لفوق لي دايرينها بحال الصالون نيت فيها بيسي بيرو ، شدت البلاصة و عرمت الوراقي تا ايلا قال ليها نوضي تقولو راني كندير بحث .. الحاصول نمروود و سي احمد حنش و هي لفعى و طوول منو عااد ، حلات صفحة فيها غووغل دايرة بحث و صفحة خرى حلاها فيها بواط ايميل كتكونيكطا مع الدراري غي امين و ندير بيما بانت سعيدة.. تهضر معاها و ايلا حلات ماماها تا هي تسول فيها و تقرقب معاها الناب.. فحين و فالتحت راها نايضة الريكاطة بين ميرا و احمد ، هاد الاخير جالس داير يديه على راسو و ميرا غادية جاية عليه

احمد: صرعتيلي راااسييي يااهااد المرى

ميرا: هلكتني فصحتي و هدييتني الله يعطيك هدة لي تهدك

احمد: يااك الفلوس فلوسي و الملك ملكيي و ندير فيه لي بغيييت

ميرا: وااش نشووفك تخسر فلوسك فالقمر و بغيتني نبقى ساااكتاا

احمد: الله يخليها قاعيدة و الله يلعن لي ماكرهتييه فحيااتوو .. بنااقص منها جلسة فالدار تفو

ارائكم بنوتات .. التتمة غدا ان شاء الله تصبحو على خييير