أعد لي روحي

Part 64

♡أعد لي روحي
♡غزالي
☆الفصل الرابع: نبضات رعب
☆الجزء 64

بعيد على المدار الحضري بأميال .. و فوسط الغابات الخضراء ذات الاشجار الكثيفة و العالية لي ماتقدرش تشوف قممها بالضباب الكثييف لي قرب يطيح و يوصل للأرض .. فواحد من المستودعات لي متوغلين فالغابة ، من برى كيبان مستودع عادي و لكن من الداخل .. هيهاات ثم هيهااات .. وقفات سيارة مرسيديس سوداء قدام الباب الكبير ، نزل بكل نخوة كيلاوح بعكازو لي دايرو غي ديكور ماكيعكز عليه ما والو .. الكارد تابعو موراه داخل مكشر و الخدامة مع الجناب دايينها فخدمتهم و كاع ماهزو فيه الراس ، هبط للاكاف مع دروج ديال الحديد ملويين .. الصوت لي كيديروه خطواتهم كيضر فالوذنين، يخلليك تقفز بلا هواك .. تقول كيصور فيلم ديال الرعب ، تمشاو مع كولوار طوييل و مظلم .. واخا فيه البولات الا انهم خافتيين و مضويين غي على راسهم ، سبقو الكارد حل باب ديال الحديد دارت صرير قوي يوجع الراس خلاه دخل و سدو.. وقف بجبروت و شمووخ ، كيشوف فيه باستهزاء و ابتسامة جانبية .. كان منزل راسو و كينهج بكثرة الحريق لي كيحس بيه ، لابس غي سروال و يديه مربوطين معليين فالسما كل يد من جهة و رجليه فالأرض واقف حفيان و مفرقهم .. هز راسو بالشوية ، و عيونو الرمادية كأنهم خداو من تراب القمر المتوهج و تلونو بيه كيطلقو الشرر .. عقد حجبانو مخنزر مزير سنيه كيمضييهم و فكو باارز بكثرة ما صك سنيه بقوة .. حرك فكو يمين شمال و جمع البزقة تا جمعها و دفلها فالأرض عند رجلين عيسى ، الدفال مخلط بالد م بسبب شنافتو المجروحة بلا الجرحة تحت عينو و وحدة فوق حاجبو .. ضحك باستهزاء ميل قنت شفايفو ، و هز حاجب واحد بنظرة خطيرة نظرة كترجف الواحد و نطق بصوت جااففف فيه بحة خطيرة

أسيم: زارتنا البركة السي عيسى

عيسى:(بدا يطلعلو الد م) ماباغيش دير عقلك اولدي!! اش درتلييك باش تصرف فيا هادشي

هز أسيم حجبانو من سؤالو البلييد و طرطق بالضحك ....
ضحكة تهزت ليها اركان داك البيت ، ضحكة باردة جافة و مرعبة .. بحال الضحكة ديال شي شبح او جن استهزءو بقوتوو..

أسيم: و كتسولني السي الحااج .. هاد الحالة كفييلة تعطيك جواب على سؤالك البلييد السي عيسى

غوت تا تردد الصدى و غواتو عاد ماخلى عيسى يتغدد عليه و يغوت تا هو

عيسى: شكوووون هاد القح.بة لي خلاتك تعطي بظهرك لمستقبلك ءااا .. شككوووون هاادييي لي قلباتك مية و ثمانين درجة!! وااش هي اهم من قراايتك لي كنتي هارب منهاا !!! ياك منهاا عداااد

أسيم: هههه (هز حجبانو بحالا كيقليلو السم) زيهرا منها وحدة فالعاالم كامل مايمكنش يكون منها عدااد .. السسي عيسى

عيسى:(تنهد مغدد) غادي تنسااهااا و تركز على قراايتك و نهاااار تفكر تهرب ثاني ولا دير شي حركة مصيرك غايكون كفس من هاكااا..

تهززو كتافو بالضحك كيضحك ضحكة خافتة و لايني خبييثة ، هز راسو كيرمقو بنظرات مرعبة مع ابتسامة مستفزة كتخلي بنادم ينتف شعرو

أسيم: غانفكر و غانحاول و ماغانملش .. هاد الحزاق ديالك طلع ليا فكك.ري ، ماشي انا لي تمشي عليه هضرتك و ترسم ليه مستقبلوو

قرب ليه الحاج عيسى كيحك جبهتوو .. شحفو و هو لا بغى يفهم ، امبراطورية بحال امبراطورية الساويرس مستحييل تنزل مستحييل تهدم و مستحيييل تضعااف .. الوريث ديالها خاصو يكون نزق و يكون على علم و دراية تامة بإدارة و تسيير الأعمال و خااصة الاعمال المشبو هة.. لي خاشية العائلة فيهم يدها ، عارف ولدو ذييب مكدوزش عليه .. و عارف كاع تحركاتو فالكازينوهات و تنوزيقو و فهامتو فالقمر ، برهوش ديال عشرين عام كيشطح اكبر القمايرية على صبعو الصغيير .. و لكن هادي لي دخلات لحياتو و خربقات عقلو ماحملهاش ، خااايف لا تكون هي الدمار ديال الامبراطورية .. وقف مقابل معاه بشمووخ تا نزل عليه بصفعة تا ضار وجهو و شدو من شعرو جرو جرة ديال الغدايد مرجع راسو لور تا برزات تفاحة ادم و مقابلين العينين مع بعضياتهم

عيسى: دير فراسك و غاندير لي فراسي .. و هاد المرة هاد التعليقة و كاع هاد الضر ب لي خذيتيه ، غاتاخذو فبلاصتك هاد لالاهم زيهراا (دار ابتسامة مستفزة) نقسم بربي لي خلقني و خلقك تا نقتـ ــلها و نشربك من د ــــمها السي لاغتييست