♡أعد لي روحي
♡غزالي
☆الفصل الثاني: في ديسمبر تنتهي الاحلام
☆الجزء: 41
ضربات ففخاضها مخلوعة و تحنات تفيقها و هي لا بغات تفيق ، تحل الباب على غفلة كانت ماماها غي شافتها دارت يدها على راسها
...: ايماينو الحبيبة يا يماينو الحبيبة اش هادشييي .. امتااا جاااات ، وااش بغيتي تخرجييي عليناااا
سعيدة: عاونيني امي فيها نهزوها .. لاش نخرج علينا اش درت!!
...: وكان يسيق الخباار باهاا عندنا غايدير لينا شوهة كثر من الشوهة لي سبق .. باراكة علينا غي النكيير لي راحنا نسمعووه صباح و عشية بسبابك و سباب هاد الموسخة
سعيدة: الله يهديك امي ماظلمييش البنت و باراكة من الهضرة لي كضرر فالخااطر
...: سمعي نقوولك زوج كلماات .. تفيق ماتبقااش هنااا سمعتيي
سعيدة: ويلي الليل اميي فين غاتمشي مسكينة
...:(حمرت فيها) هضرت هضرة وحدة ماغانعاودهاش .. قبل مايدخل باك من العشى ماتبقاااش ليا فدااري
خرجت بالنترة كتدغم تحت نيفها و تسب خلات سعيدة فحيرة و غي مألمة لحال صاحبتها لي مادارت لا بيد والا برجل .. اييه يا ليام كي كنتي يا زهرة و كيفاش غاتولي .. عضت شنافتها كتفيقها بالمهل ، شممات ليها شوية ديال الريحة تا بدات ترمش و تحل فعويناتها غي تفكرت سباب فقدانها للوعي بدات تبكي و تشهق .. ااه منك يالدنيا ، ظهرها تقسم بهاد الضربات لي كتعطيها .. كولها و كيفاش كتجيه الضربة و الضربة لي تلقاتها زهرة قاسحة و قاسحة بزاااف ، عنقاتها سعيدة كتبكي معاهاا و كتفكر لحالها و كيفاش غايكوون .. شكون غايكون بيها!! شكون غايشد بيدها تا توقف على رجليها و ماترماش للزنقة للذياب لي يهنشروها يشدوها لحم و يلوحوها عظم ، جلسو فوق الناموسية كطبطب على يدها .. تنهدت كأنها حجرة محطوطة على قلبها و ماقادراش تهضر و تقولها خرجي اختي من دارنا مانقدرش نشدك هاد الليلة ..
سعيدة:(نحنحت) زهرة .. باراكة طيبتي عويناتك اختي
زهرة:(ضربت على صدرها) النار شاعلة فيا هنا اختي .. تاواحد ماغايحس بيا ولا بكيتي .. الله يا ربي و اشمن ذنب درتو فحياتي
سعيدة: ماتقوليش هاكاا .. ربي بلاك صبري تا يحن عليك الله
زهرة: فيين غانرد الراس ا سعيدة فيين اختي!!
سعيدة:(حطت راسها مدمرة) نقلبولك فين تكوني تا تهزي راسك .. اجي نصونيو على الدراري يقلبولك فين تباني هاد الليلة و تبقاي هاد اليامات تا يحن الله
زهرة:(شافت فيها بأسى) يعني مانقدرش نبقى معاك واخا غي هاد الليلة!!!!
نزلت سعيدة راسها مالقات ماتقول ليها .. ماما مابغاتكش و خافت من الشوهة و النكيير ديال باها؟ عضت شنافتها الحروف مالقاوش مخارج ليهم .. شافت فيها زهرة تا عيات و نطقت كطبطب على يدها و فاهمااها بالمزيان..
زهرة: ماعليش ا سعيدة .. عارف باك صعيب عندك الحق واخا تخبيني عندك خوتك الصغار يفضحووك
سعيدة: مالقيتلك جهد اختيي
زهرة:(تنهدت بحرقة) الرحمة فالله اختي ماعلييش .. انا نوض نمشي
سعيدة: تسناي نشزف شي واحد فيهم حال نهضرو معاه
زهرة: ماعليش .. عاقلة على الدار فين كاريين انا نمشي لعندهم تماا ، تهلايلي فراسك بزااف
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
