أعد لي روحي

بارت 39

♡أعد لي روحي
♡غزالي
☆الفصل الثاني: في ديسمبر تنتهي الاحلام
☆الجزء 39

نعسات نعاس جد عميق ، هربات فيه من اي حاجة كثقل على صدرها و تحط بحال الحجرة عليه .. من اي حاجة كضيق عليها الخناق ، كتحسها بحال الغصة واحلة فحلقها .. ماهي قادرة تهبطها ما هي قادرة طلعها ، فاقت بوجه حزين و عيون متعبة .. حسو ماكاينش فالبيت ، اكيد يكون خرج تا يرجع .. شنو هو مصيرها!! تنهدات و راسها فدوامة من الافكار السلبية ، ناضت للدوش غسلات وجهها بردات عينيها و رجعت خرجت لقات المدبرة تماك فالبيت واقفة و جامعة يديها .. كأنها كانت عاسة عليها غي فاقت دخلات ، شافت فالطبلة عليها كل ما هو يفتح النفس لكن الخاطر ديال الماكلة فينو؟ طبطبات على كتفها برفق و جرتها جلستها حداها..

فاطمة: اجي ابنتي تاكلي راك كاع ماتغديتي

زهرة: مافياش اخالتي

فاطمة: خاصك تاكلي ضروري .. عندي ليك شي هضرة كوولي بعداا و نهضرو

زهرة:(تنهدت بتعب) واخاا .. اسيم فينو

فاطمة:(بلعت ريقها) خرج ازين اينو

هززاات راسها و بدات تاكل دايرة منو غدا منو كوطي ، نقبات شوية سدات الجوع و رجعت اللور جامعة يديها و شعرها القصير طايح على وجهها .. شهاد البنت الحليلوة تبغي غي تشدها تاكلها ، حراام هادشي لي كيوقع ليها .. طاحت فيدين ذئاب بشرية مافقلبهم لا رحمة ولا شفقة، تنهدت فاطمة كتسرح حلقها و نطقت

فاطمة: خاصك تهربي ابنتيي

زهرة:(خرجت عينيها) لااا مانقدرش .. نخاف لاغتيست يدير ليا شي حاجة

فاطمة:(تنهدت) اسيم مشااا ا بنتي .. سيفطو باه للخارج تكون دبا طيارتو قلعات فالسما

زهرة:(قلبها بدا يضرب) شنوووو!!

فاطمة: باه عرف بهادشي لي كيدير ليك .. داكشي علاش جرا موراه للخاريج

زهرة:(انهارت كتحس بالسخفة) و لكن هو وااعدنيي .. وااعدني غايتزوجني و يديني معاه (بدات تبكي) دبا انااا اش ندييير

فاطمة: و علاه نتي باغاه!!

زهرة:(هززات راسها بآه) المهم ماكانش غايخليني هاكا معلقة .. المهم كان غايسترني و يصحح الغلط لي غلطنا بزوج (غطات وجهها بيديها كتبكي) دبا اش نديير ياربي اش نديييير

شهقت شهقات متتالية كيقطعو فالقلب و قرباتها فاطمة عندها حايرة و قلبها واجعها عليه .. موصيبة و طاحت على راسها ، المجتمع ماكيرحمش ، خصووصا هي عاد باقا قااصر .. عاد مراهقة و ماعارفة فالدنيا والو تعيى تعرف و ماغاتعرفش كوولشي .. تنهدت فاطمة و كملات كلامها لي زاد كمل على مابيها

فاطمة: خاصك تهربي .. السي عيسى ماخاصوش يشوفك ولا يلقااك

زهرة: كيفاش ؟؟

فاطمة: ماباغي تا حاجة توقف فطريق ولدو .. و نتي بالنسبة ليه عثرة فديك الطريق .. خاصك تهربي ابنتي ليوم قبل غدا ، رجعي عند عائلتك .. يمضغووك مايسرطوك

حركات راسها بالإيجاب مزالها كتبكي و قلبها كيتقطعع .. شدت على راسها تالفة ماعارفة مادير .. ماعرفة اش تقدم و اش توخر.. تنهدت و هزت عينيها فيها

زهرة: و شكون غايعاوني باش نوصل لعائلتي!!! شكوون غايقدر يوصلنا و حنا فهاد الخلا

فاطمة: غايوصلك عمك محند.. كاع ماتخافيش ، و انا معااك تا نشوفك رجعتي ليهم صحيحة عاد نتهنى عليك (عنقتها) الله ياخذ الحق فلي كان حيلة و سباب تا عيشك هادشي النوارة

الطصااور الحووباانات تا يكبرو شوية و نحطهم زعما راهم عاد برااهييشووو 🙃🙃