အတွဲ ၂။ အခန်း ၄
မေတ္တာဝေဆာ ဆည်းလည်းပမာ🌻
"အီးမေမေ့..."
သမီးငိုသံကြားသည်နှင့် ဟင်းအိုးပလက်ကို ဆွဲဖြုတ်ကာ ပမာအမြန်ပင် ရှေ့ထွက်လာလိုက်သည်။
"ဘာလို့လဲသမီး ရန်ဖြစ်လာတာလား...ဘယ်သူလုပ်လို့လဲ..."
"အန်တီအကြည်...အန်တီအကြည်က မီးပုံ့ကို ကောက်လာတဲ့ကလေးတဲ့...အီး..."
ပမာ့ဒေါသများ ချက်ချင်းပင် ထောင်းခနဲထွက်လာရသည်။
"အဲ့လိုပြောတာလားသမီး"
"ပြီးတော့...လင်ကောင်မပေါ်ပဲမွေးတဲ့ကလေးတဲ့ မီးပုံ့ကိုလည်း အရူးပါးတဲ့...အီး...မေမေ့ကို မြွေမ လို့လည်း ပြောသေးတယ်...မီးပုံ့ကိုဆူလိုက်တယ်မေမေ့...အီး..."
ပမာ့ကိုကြိုက်သလိုပြောလို့ရတယ် ဒါပေမယ့်သမီးကိုတော့ ပြောချင်သလိုပြောလို့မရဘူး...။ အေး...ပြောလာပြီဆိုရင်လဲ မှတ်လောက်သားလောက်အောင် ပညာပေးပစ်လိုက်မယ်...ကြည့်နေတာ ရှေ့ရက်တွေထဲက သမီးကို အနိုင်ကျင့်လွှတ်နေတာကို မသိချင်ယောင်ဆောင်ပေးထားတာ အခုတော့ မရတော့ဘူး...ဒီဟာမ ပမာ့အကြောင်းသိအောင် လုပ်မှကို အပိုးကျိုးမှာ။
"သမီးရှေ့ထွက်မလာနဲ့နော်...ဘာအသံကြားကြား ထွက်မလာခဲ့နဲ့..."
"အီးမေမေ့..."
ခေါင်းစည်းကြိုးယူကာ ဆံပင်အုံလုံးသိမ်း၍ ဆံထုံးထုံးပြီး ထဘီကိုလဲ တင်းနေအောင်ပြင်ဝတ်လိုက်သည်။ ပြီးသည်နှင့် အိမ်ရှေ့သို့ထွက်လိုက်ပြီး မအေးလှိုင်တို့၏ အိမ်ရှေ့လမ်းတွင် ပမာခါးထောက်၍ ရပ်၏။
"အကြည်...ဟဲ့အကြည်....လာပါအုံး ထွက်ခဲ့ပါအုံး..."
"ငါပြောပါတယ်အကြည်ရယ်...ပြဿနာမရှာပါနဲ့ဆို အခုတော့ မီးပွင့်ပြီ"
"အို ကြောက်မနေပါဘူး..."
ထိုင်နေရာမှ အကြည်ထရပ်လိုက်ပါသည်။
"ဘာဟဲ့...ငါ့ကိုများအကြည်တဲ့...ညည်းကိုယ်ညည်းဘာများထင်နေတာလဲ..."
"ငါ့ကိုယ်ငါဘာထင်နေလဲ အေး... ပြောပြမယ်...လာစမ်းပါ ...ဒီကိုလာခဲ့စမ်းပါ..."
ВЫ ЧИТАЕТЕ
မေတ္တာဝေဆာ ဆည်းလည်းပမာ🌻(Complete)
Любовные романыမီးပုံ့နာမည် မီးပုံ့၊ ပုံ့ပုံ့၊ ပုံပန်းချီပါရှင့်။ မေမေကတော့ သမီးရေလို့ခေါ်တယ်...ဦးဘုန်းကတော့ ငလက်မလို့ခေါ်ပါတယ်ရှင့်။
