အခန်း- ၄၀
မေတ္တာဝေဆာ ဆည်းလည်းပမာ🌻
အစ်ကိုထက်ဆီမှ လက်ခွင့်ကို လက်ခံလိုက်သည့်အကြောင်း ကိုကို့ကို ပြောပြလိုက်တော့ ကိုကိုကလဲ ကြည်ဖြူစွာနှင့်ခွင့်ပြုလေ၏။ ယခုဆို သမီးလေးဆီမှ ခွင့်ပြုချက်ရဖို့ပဲ ကျန်တော့သည်မို့ သမီးလေးကို နေ့ကောင်းသည့်ရက်လေးတွေ အသိပေးဖို့တွေးထားပါသည်။
နီညိုရောင်ဖိနပ်လေးကိုစီးထားသည့်ညီမက မွေးနေ့တုန်းက ငလက်မလေး လက်ဆောင်ပေးထားသည့် ဖိနပ်လေးဖြစ်မှန်း ဘုန်းစေ တန်းသတိရ၏။ ခြေထောက်ဖွေးဖွေးလေးနှင့် နီညိုရောင်ဖိနပ်လေးဟာ ပနံသင့်စွာ လိုက်ဖက်နေသည်ကို တွေ့တော့ ညီမ၏ ခြေဖဝါးဆီမှ မျက်ဝန်းမခွာမိပဲ လိုက်ကြည့်မိပါတော့သည်။
ဆိုင်ထဲဝင် ဈေးဝယ်သူ ပြတ်သွားသည့်အခါ ကိုကို Kitchen ခန်းထဲမှ မထွက်လာခင်ပင် အစ်ကိုထက်အနားသို့ တိုးတိုးကပ်ပြောလိုက်၏။
"အစ်ကိုဒီနေ့ ဘယ်မှမသွားဘူးလား..."
"မသွားဘူးညီမ ဘာဖြစ်လို့လဲ.. "
"ဈေးဝယ်သူတွေသိသာအောင်လို့ တအားလိုက်ကြည့်နေလို့လေ အဲ့တာ အစ်ကို့ကိုဘေးကိုသွားစေချင်လို့..."
"ဟော..."
မျက်ဝန်းနုနုတို့က ဘုန်းစေကိုကြည့်၍ ပြောလိုက်ပုံများ ဘေးကိုသွားစေချင်လို့ဆိုပဲ။
"အစ်ကိုက အချိန်ပြည့်နီးပါးလိုက်ကြည့်နေတာကြီးဆိုတော့ ညီမလဲ မနေတတ်ဘူး...ကိုကိုလဲ တွေ့နေတာဆိုတော့ မျက်နှာပူတာလဲ ပါတယ် ပြီးတော့ ဈေးဝယ်သူတွေကလဲ ညီမအသိတွေကြည့်ပဲလေ "
"ညီမက ရှက်လို့လား...အစ်ကို အများကြီးကြည့်လိုက်မိလို့လား..."
"အွန်း...."
မျက်ဝန်းတို့က ရှက်ပြုံးလေးသမ်းသွားသည့်အတိုင်း အရောင်ပြောင်းသွားပြီး ညီမကပါ ခေါင်းလေးငုံ့သွားလေတော့သည်။
"အရမ်းသိသာတယ်ထင်တယ် သူများတွေပါ လိုက်ကြည့်နေကြတာအစ်ကိုရဲ့..."
"ညီမက တအားလှနေတော့ အစ်ကိုစိတ်မထိန်နိုင်ဖြစ်သွားတယ်နဲ့တူတယ်..."
ESTÁS LEYENDO
မေတ္တာဝေဆာ ဆည်းလည်းပမာ🌻(Complete)
Romanceမီးပုံ့နာမည် မီးပုံ့၊ ပုံ့ပုံ့၊ ပုံပန်းချီပါရှင့်။ မေမေကတော့ သမီးရေလို့ခေါ်တယ်...ဦးဘုန်းကတော့ ငလက်မလို့ခေါ်ပါတယ်ရှင့်။
