အတွဲ ၂ ၊အခန်း - ၁
မေတ္တာဝေဆာ ဆည်းလည်းပမာ🌻
နေရာသီကျောင်းပိတ်ရက်ဖြစ်၍ ကလေးများအားလုံး မျောက်ရှုံးအောင်ဆော့ကြသည့်ကာလသို့ ရောက်ပြီဖြစ်သည်။ ထိုထဲတွင် ငလက်မလေးဟာ အဆိုးဆုံးနှင့် အဆော့ဆုံးဖြစ်မည်ကိုတော့ တစ်ရက်ကွက်လုံးသိထားကြ၏။ ယခုနှစ်လဲ မည်မျှလောက် မွှေပြီး မည်သို့မည်ပုံပတ်ဆော့မည်လဲကို ရင်တထိတ်ထိတ်နှင့် နေ့ရက်တိုင်းရှိနေရ၏။
(ရေခဲသုပ်၊ ဖာလူဒါ၊ ရေခဲမုန့်ရပြီဗျို့...စတော်ဘယ်ရီ၊ ပိန်းဥ၊ ချောကလက်၊ နွားနို့ အရသာစုံလင်ရပါပြီဗျို့...)²
"ရေခဲမုန့်စားချင်လို့ ရေခဲမုန့်စားချင်လို့...ဦးဦးရေခဲ့မုန့်ဝယ်ကျွေး..."
သရက်ပင်အောက်တွင် ထိုင်နေသည့် ထွန်းအောင်ကျော်လက်မောင်းကို တွဲလွဲခိုစီး၍ သမီးက ပူဆာလေသည်။ ခြေထောက်နှင့်လဲ လှမ်းချိတ်၍ ခိုစီးထားပုံကြောင့် ငုံ့ကြည့်ပြီး ခေါင်းရမ်းလိုက်၏။
ငါ့ညီမမွေးထားတာ သမီးလေး...အင်း...သမီးလေး။
"ဟုတ်တယ်...သားတို့ကိုလဲ ဝယ်ကျွေး
သမီးတို့ကိုလဲဝယ်ကျွေး"
ကလေးများအားလုံးကပါ ဝိုင်းအုံ၍ ပူဆာကြသည်။
"ကဲကဲ...ဒါဆို ရေခဲမုန့်စားမယ့်လူ လက်ညိုးထောင်..."
"ရေး...
သားရော...
သမီးရော..."
"မီးပုံ့ရော...မီးပုံ့ရော...မီးပုံ့က နှစ်ခုစားမှာ နှစ်ခု..."
ကျန်သည့်ကလေးများက လက်ညိုးတစ်ချောင်းစီထောင်ပြကြပေမယ့် သမီးကတော့ လက်ညိုးနှစ်ချောင်းကိုပြိုင်ထောင်၍ အပေါ်မြှောက်လိုက် အောက်ချလိုက်နှင့် လုပ်ပြလေသည်ကြောင့် ထွန်းအောင်ကျော် သဘောကျကာ ရယ်လိုက်ပါတော့သည်။
"လည်လိုက်တဲ့ ကလေးကွာ..."
(ရေခဲသုပ်၊ ဖာလူဒါ၊ ရေခဲမုန့်ရပြီဗျို့...စတော်ဘယ်ရီ၊ ပိန်းဥ၊ ချောကလက်၊ နွားနို့ အရသာစုံလင်ရပါပြီဗျို့...)²
"အစ်ကို့ ဒီခွက်လေးတွေနဲ့က ဘယ်လောက်လဲဗျ..."
"တစ်ခွက် ၅၀၀ "
ESTÁS LEYENDO
မေတ္တာဝေဆာ ဆည်းလည်းပမာ🌻(Complete)
Romanceမီးပုံ့နာမည် မီးပုံ့၊ ပုံ့ပုံ့၊ ပုံပန်းချီပါရှင့်။ မေမေကတော့ သမီးရေလို့ခေါ်တယ်...ဦးဘုန်းကတော့ ငလက်မလို့ခေါ်ပါတယ်ရှင့်။
