Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
N.Na Takuathung as Cyan, Liran
************
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
Season 2
AiTenshi
Jan 19, 2020
Part 43: Trono
CYAN POV
"Ako ang hari ng Araknia, halos matagal tagal rin akong nawala sa aking lupain. Nag balik na ako kaya maaari ko nang paunlarin ang aming tahanan." ang wika habang nag bibihis ng espesyal na kasuotan ng isang hari.
"Mahal na hari, natutuwa kami sa iyong pag babalik. Nais naming malaman mo na kahit kailan ay hindi sumuko ang planetang Araknia para ikaw ay hanapin at ibalik sa ating planeta. Hindi lamang kami makapaniwala na napadpad ka sa piling ng mga kalaban. Ang lalaking nag mana ng sagradong kapangyarihan ni Mirai ay ang mismong lalaking bumihag at kumalaban sa amin. Ang pangalan niya ay Irano." ang wika ni Heneral Galfia. "Mahal na hari, ngayong nandito kana, gusto mo bang bumalik kami sa planetang Earth at wasakin ang lalaking iyon?" tanong pa niya.
"Heneral Galfia, sandali lamang. Oo nga't bumalik ang aking ala-ala ngunit ang ala-ala ko kasama si Irano ay hindi naman nabura ng tuluyan. Ngayon ay ipinag babawal ko na ang pag sakalay niyo sa planetang Earth dahil ito ang aking ikalawang tahanan. Maliwanag ba?" tanong ko.
"Ngunit mahal na Hari, paano yung lalaking nag mana ng kapangyarihan ni Mirai, delikado siya at isang malaking banta sa ating siguridad." tanong ng heneral.
"Babalik ako sa planetang Earth at ako na mismo ang mag papaliwanag sa kaniya ng lahat. Batid kong hanggang ngayon ay nalulungkot pa rin siya sa aking pag lisan." ang sagot ko at dito ay nag balik sa aking ala-ala ang mga eksenang umakyat ako sa aking sasakyang pandigma at iniwan ko si Irano na naka handusay sa lupa. Ngunit kailangan kong siyang iwanan upang itama ang paniniwala ng aking kaharian tungkol sa pag aakalang ang planetang Earth at Iranya ang bumihag sa akin.
(Author's note: Ang scene na ito ay ang kaganapan noon mga sandaling bumalik ang ala-ala ni Cyan bilang hari ng Araknia, umalis siya at iniwan si Irano. Mababasa ito sa 1st season ng APNI. Ito ang mga naganap kay Cyan noong mga sandaling iyon.)
"Kung iyan ang nais mo mahal na hari." tugon ni Galfia at habang nasa ganoong posisyon kami ay tumunog trumpeta at dito ay pumasok ang mga kawal ng Sarangia. "Mag bigay pugay sa pag dating ni Haring Braun." ang wika nila.
