Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
Season 3
AiTenshi
Feb 1, 2020
"Tang inaaaa! Tumae si Hungry Danaya! Napaka salahula naman ng reyna na iyan!!" ang sigaw ni Cookie habang nasusukang pinag mamasdan ang dumi na parang tumpok ng bundok at may kasama pang ihi na parang ilog na umagos.
Pag katapos dumumi ay nahiga ang reyna at saka natulog..
Dito ay nag karoon ng pag kakataon ang mga sundalo kaya pinaulanan nila ng atake ito pero bale wala ang daan daang balang tumatama sa kanyang katawan. Para silang bumabaril sa isang goma na bumabanda lang ang bala at hindi nasusugatan o ngagalusan ang target.
Part 78: Mga bagong bayani
"Jusko, hanggang dito sa siyudad natin ay umaabot yung napaka bahong hangin dulot ng tae ng hungry Danaya! Hindi ko na kaya! Takpan mo yang mga tinda natin dahil baka mabulok iyan sa amoy!!!" ang wika ni Cookie habang kami ay nag kakabit ng face mask.
"Syempre mabaho talaga iyon dahil puro karne ng tao ang kinain niya. At ngayon ay nag papahinga siya. Nag hihilik na parang isang dinosaur doon sa kabilang siyudad." ang sagot ko.
"Masyadong makapal ang mga fats niyang si Hungry Danaya dahil kahit kanyunin ito at pasabugan ay tulog pa rin at hindi natitinag. Mukha nabusog siya ng husto." ang puna ni Cookie.
"Ang mga nilalang sa hungry planet ay mga matatakaw at walang kabusugan. Palaki sila ng palaki hanggang kainin na nila ang buong planeta. Ang species nila naubos na dahil ito ang unang winasak ng mga diyos." ang paliwanag ko habang naka tanaw sa kabilang siyudad.
"Saan naman galing iyan?" tanong ni Cookie.
"Galing kay Rashida." sagot ko naman sabay bukas ng tv para mapanood ang latest mula sa pang yayari sa kabilang lugar. Halos lahat yata ng channel sa telebisyon at sa mga social media ay makikita ang dambuhalang katawan ni Hungry Danaya na natutulog at sa kada hilik nito ay yumayanig at tumataas ang karagatan sa pagitan ng mga siyudad. Maging hanggang dito ay maririnig ang kanyang ingay.
REPORTER: Ang buong station ng hot news 2020 ay nag luluksa dahil sa pag kawala ng isa sa pinaka mahusay at pinaka matapang na reporter na si Gina Culang. Hanggang sa huli ng kanyang buhay ay nag pakita siya ng dedikasyon at pag mamalasakit sa kanyang trabaho. Kaya kung nasaan ka man Gina, sana ay masaya kana. Tama nga ang sinabi mo sa akin dati na "hindi maaaring mag karoon ng dalawang divang reporter".
