Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Chanon Santinatornkul as Gun Duran
**********
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
AiTenshi
Jan 2, 2020
Ang pinaka huling hakbang na ginawa ni Gun sa taong 2030 ay buksan ang portal at ipakita sa inyo ang dapat ninyong makita. Ang orihinal at totoong plano ay ipapakita lamang niya sa inyo ang kalagayan ng planetang Earth sa panahong iyon ngunit nawasak ang teknolohiya ni Gun Duran ng taong 2030 at dito ay pumalya ang kanyang plano. Bago bawian ng buhay si Gun Duran ay nag pakita pa siya sa akin dito. At nakita mo mismo ang aking malagim na kamatayan." ang paliwanag ni Gun at napaupo na lamang ito sa kanyang silya at natahimik..
Part 17: Akashic Record 1
"At muntik na kaming mamatay, mabuti na lamang dahil pinabalik kami ni Rashida, binuksan niya ang portal para kami ay maka alis sa panahong iyon. Kundi ay wala na rin kami ngayon." ang wika ni Nai.
"Isang malaking kabiguan ang naganap sa hinaharap. Natalo tayo doon at isa ang ating planeta sa mga nabura sa kalawakan." sagot ni Gun.
"Pero maaari pa nating baguhin ang hinaharap, mayroon pa tayong sapat na oras para gawin iyon." ang wika ni Bart sabay abot ng susi kay Gun.
"Iyan ang susi ng impormasyon na nakalap ng mga taga planetang Yurya. Idinownload iyan ni Ace gamit ang kanyang katawan dahil wala ni isang aparatus sa aking laboratoryo ang naka suporta sa mataas na teknolohiyang ginamit nila, maliban lamang sa advance system ni Ace." ang paliwanag ni Sam
"Sa hinaharap ay nabigo ang planetang Yurya na makarating dito sa Earth dahil maagang nawasak ang kanilang planeta. At iyon ang dahilan kaya wala sila nakuhang impormasyon sa mga kalaban. Iyon ang sabi sa akin ng aking sarili sa hinaharap. Bagamat nakakarecieve na sila ng mensahe sa planetang ito noon pa, ang problema ay hindi lamang nila madecode ang impormasyon dahil masyadong mataas ang hieroglyphics writing system nila at walang sinuman ang maka intindi. Marahil ay gumamit lamang rin ng time travel ang mga taga planetang Yurya sa mga oras na iyon kaya't nakarating agad sila rito ng mas maaga at naibigay nag susi sa dapat nilang pag bigyan." ang paliwanag ni Gun
"Iyan rin ang aking pag kaka alam, batid kong galing sa hinaharap sina Gene at Asis kaya nagawa nilang dalhin dito ang susi ng mas maaga. O maaari ring iba ang takbo ng oras nila doon sa kanilang waktu system kumpara sa ating solar system. Maaaring ang katumbas ng dalawang taon sa atin ay ilang buwan lamang sa kanila. Sa outer space ay iba iba ang takbo ng oras. Kung lilisan ka sa ating planeta ng ilang buwan ay hindi mo mamalayan halos ilang taon kanang wala rito sa Earth." ang paliwanag ko naman.
