Unicode Ver
၃၅။ ကျွန်မအကိုလည်းမဟုတ်ဘူး
"ရှိတယ်လို့ပြောတယ်။ ဒါပင်မယ့် ဘယ်သူမှ မမြင်ဖူးဘူး။ ကောင်မလေးက အမေရိကန်မှာ အလုပ်လုပ်နေတာတဲ့။ လှလည်းလှတယ်လို့ပြောတယ်"
လီကျင်းအမူအယာကပြောင်းသွားသည်။
"သြော်. . .ရှိနေတာလား?""ဟုတ်တယ်။ ငါလည်းတစ်ခါမှ မတွေ့ဖူးတာ ရှက်စရာဘဲ"
မော့ဟန်က ကားမောင်းကာ သူ့လုပ်ဖော်ကိုင်ဖက်နှစ်ယောက်မှာ ကားအနောက်တွင်ထိုင်သည်။ သူတို့ကရုံးကိုပြန်အလုပ်သွားမလုပ်ခင် နေ့လည်စာစားရန် ဆိုင်တစ်ဆိုင်သို့ဝင်မည်ဖြစ်သည်။
မော့ဟန်ဖုန်းက မြည်လာသည်။
မော့ဟန်က ဖုန်းကိုနောက်တွင်ထိုင်နေသည့် လျူဇီယွမ်အား ဘယ်သူခေါ်သလဲဟုကြည့်ခိုင်းလိုက်သည်။
"မသိတဲ့ဖုန်းနံပတ်ကြီး"
လျူဇီယွမ်က မော့ဟန်ဖုန်းကို ယူကြည့်လိုက်သည်။"ကိုင်လိုက်။ သူစိမ်းဆိုရင် ချလိုက်"
လျူဇီယွမ်က ဖုန်းကိုကိုင်လိုက်သည်။
"ဟယ်လို""ဟင်? ဒါကျွန်မအကိုအသံလည်း မဟုတ်ဘူး"
ရှုချင်းရီက ဖုန်းနံပတ်ကို နောက်တစ်ခါပြန်စစ်လိုက်သည်။ သူမခေါ်သည်မှာ မှန်ပါသည်။"ဘယ်သူခေါ်နေတာလဲ?"
"မော့ဟန်ရဲ့ညီမ ရှုချင်းရီပါ"
လျူဇီယွမ်က မနေ့ညက ရုံးကိုရောက်လာသည့် ကောင်မလေးကို သတိရသွားသည်။ ဖုန်းကို မော့ဟန်ကိုပေးကာ ပါးစပ်လှုပ်ရုံပြောသည်။
"ဆရာ့ညီမလား?"မော့ဟန်က ကားကိုပဲ အာရုံစိုက်မောင်းနေရင်း
"ငါ့အိတ်ထဲက bluetoothနားကြပ်နဲ့ ချိတ်ပြီးရင် ငါ့ကိုပေး""ဖုန်းနံပတ်ဘယ်ကရတာလဲ?"
မော့ဟန်က နားကြပ်တပ်ပြီးသောအခါ မေးသည်။"မနေ့ညက စားပွဲပေါ်မှာ လိပ်စာကဒ်တွေ့လို့ ယူထားလိုက်တာ။ ကိုကြီးက ဖုန်းကျတော့ အရင်ခေါ်ခိုင်းတယ်။ နံပတ်လည်း ဘယ်တုန်းကမှ မပေးဘဲနဲ့များ"
ရှုချင်းရီက ပြောသည်။မော့ဟန်က ဥက္ကဋ္ဌကျန်းအမှုနဲ့ ဒီရက်ပိုင်းအလုပ်ရှုပ်နေကာ သတိမမူမိသည့် ကိစ္စတွေအများကြီး ရှိသွားသည်။
"တောင်းပန်ပါတယ်။ ဒီရက်ပိုင်းအလုပ်အရမ်းများနေတော့ မေ့သွားတယ်ကွာ။ ဘာကိစ္စရှိလို့လဲ?"
YOU ARE READING
If the Deep Sea forgets you (Myanmar Translation)
Mystery / ThrillerAuthor(s) : Su Fuling Title : If the deep sea forgets you Credit to all အတိတ်မေ့နေကာ အားကိုးရာမဲ့ဖြစ်နေသည့် ကောင်မလေးတစ်ယောက်ကို နာမည်ကြီးရှေ့နေကြီးတစ်ယောက်က ကယ်တင်မိရာကစပြီးတော့ . . . ရှေ့နေကြီးမှာ အကိုတစ်ယောက်အနေဖြင့် ထိုကောင်မလေးကို အိမ်ပေါ်ခေါ်တ...